ვაჭევი

სოფელი
ვაჭევი
ქვეყანა	საქართველო
მხარე	იმერეთის მხარეიმერეთის მხარე
მუნიციპალიტეტი	ჭიათურის მუნიციპალიტეტი
თემი	ვაჭევი
კოორდინატები	42°18′54″ ჩ. გ. 43°12′10″ ა. გ.
ცენტრის სიმაღლე	840 მ
მოსახლეობა	324 კაცი (2014)
ეროვნული შემადგენლობა	ქართველები 99,7 %
სასაათო სარტყელი	UTC+4
სატელეფონო კოდი	+995

ვაჭევი — სოფელი საქართველოში (იმერეთის მხარე), ჭიათურის მუნიციპალიტეტში, ადმინისტრაციული ერთეულის ცენტრი (სოფლები: ვაჭევი, მელუშეეთი, ღვითორი, ჯოლხეეთი).

მდებარეობს ჭიათურის პლატოზე, მდ. კაცხურასა და ღვითორს (ყვირილის აუზი) შორის, ზღვის დონიდან 840 მ-ზე, ჭიათურიდან 19 კმ-ში.

ისტორია

სოფელი წერილობით წყაროებში პირველად მოხსენიებულია XVI საუკუნის I ნახევრის ერთ სიგელში, როგორც ნასოფლარი. XVII-XVIII საუკუნეებში კაცხის მონასტრის საკუთრებაა.

დემოგრაფია

2014 წლის აღწერის მონაცემებით სოფელში ცხოვრობს 324 ადამიანი.

აღწერის წელი	მოსახლეობა	კაცი	ქალი
2002	679	350	329
2014	324	162	162

ღირსშესანიშნაობები

სოფლის მიდამოებში მდებარეობს რამდენიმე ბუნებრივი მღვიმე: უნდოკლდის, ვარსინის (ვაჭევის), ვარხმელის (კოკოზოურის), ხერგულისკლდის (გულგულისკლდის). უნდო კლდისა და ხერგულის კლდის მღვიმეებში აღმოჩენილია ქვის ხანის (ზედა და შუა პალეოლითის) ადამიანთა სადგომები.

ლიტერატურა

• ბერაძე თ., ენციკლოპედია „საქართველო“, ტ. 3, თბ., 2014. — გვ. 216.
• დვალაშვილი გ., ხანდოლიშვილი ლ. და სხვ., ჭიათურის მუნიციპალიტეტი, თბ., 2017. — გვ. 10.
• ლეჟავა ზ., წიქარიშვილი კ., დვალაშვილი გ., თუშაბრამიშვილი ნ., ჭიათურის მუნიციპალიტეტის კარსტული მღვიმეები, თბ., 2016. — გვ. 39, 40, 77-78, 94-95.