მღვიმევი

სოფელი
მღვიმევი
მღვიმევის მონასტერი
ქვეყანა	საქართველო
მხარე	იმერეთის მხარეიმერეთის მხარე
მუნიციპალიტეტი	ჭიათურის მუნიციპალიტეტი
კოორდინატები	42°18′45″ ჩ. გ. 43°17′48″ ა. გ.
ცენტრის სიმაღლე	620 მ
მოსახლეობა	570 კაცი (2014)
ეროვნული შემადგენლობა	ქართველები
რელიგიური შემადგენლობა	მართლმადიდებლები
მღვიმევი ვიკისაწყობში

მღვიმევი — სოფელი ჭიათურის მუნიციპალიტეტში, ჭიათურის პლატოზე, მდინარე ყვირილის მარჯვენა მხარეს. ზღვის დონიდან 620 მ, ჭიათურიდან 3 კმ. სოფელში არის საბავშვო ბაღი.

დემოგრაფია

2014 წლის აღწერის მონაცემებით სოფელში ცხოვრობს 570 ადამიანი.

აღწერის წელი	მოსახლეობა	კაცი	ქალი
2002	705	338	367
2014	570	274	296

მღვიმე

მთავარი სტატია : მღვიმევის მღვიმე.

სოფლის ტერიტორიაზე არის კარსტული მღვიმე, რომელიც წარმოადგენს ორსართულიანი კლდოვანი ფარდულებისა და ეხების კომპლექსს. მასში აღმოჩნდა ზედა პალეოლითის შუა საფეხურის მატერიალური კულტურის ნაშთები. სრულად გაითხარა 1944 წელს. ერთ-ერთი ეხის კედელზე შემორჩენილია პირველყოფილი ადამიანის მიერ ამოკვეთილი ხაზოვან-გეომეტრიული გამოსახულება.

მონასტერი

მთავარი სტატია : მღვიმევის მონასტერი.

მღვიმესთან ახლოს მდებარეობს დედათა მონასტერი. მონასტრის ტერიტორიაზე ორი ეკლესია დგას. ერთი მაცხოვრის სახელობისაა და ორნავიან ბაზილიკას წარმოადგენს. ნაგებობის ფასადი შემკულია ძალზედ მდიდრული ჩუქურთმებით. ტაძრის ერთ-ერთი ღირსშესანიშნაობა ხის კანკელია, რომელიც მთლიანადაა მოხატული. ტაძარში შემორჩენილია კედლის ფრესკული მხატვრობაც. მონასტრის კიდევ ერთი ღირსშესანიშნაობა მცირე ზომის დარბაზული ეკლესია. მისი ჭერი და დასავლეთის კედელი ბუნებრივი კლდეა. ამ ეკლესიის აღმოსავლეთ კედელზე გამოკვეთილია ვერძის თავის ბარელიეფი, ხოლო სამხრეთის კედლის გარეთა მხარეს გვხვდება ფრესკული მხატვრობა.

ლიტერატურა

• ზაქარია პ., თუშაბრამიშვილი დ., ქართული საბჭოთა ენციკლოპედია, ტ. 7, გვ. 236, თბ., 1984 წელი.

რესურსები ინტერნეტში

• მღვიმევის ეკლესია, გალერეა