ათასი კუნძული (ინდონეზია)

მასალა ვიკიპედიიდან — თავისუფალი ენციკლოპედია
Jump to navigation Jump to search
ათასი კუნძული
Kepulauan Seribu Utara.JPG
ქვეყანა ინდონეზიის დროშა ინდონეზია
შიდა დაყოფა ჩრდილოეთ კეპულაუან-სერიბუ და სამხრეთ კეპულაუან-სერიბუ
კოორდინატები 5°39′46″ ს. გ. 106°34′05″ ა. გ. / 5.6629000° ს. გ. 106.5683000° ა. გ. / -5.6629000; 106.5683000
ფართობი 10.18±0.01 კმ², 8.7 კმ²
მოსახლეობა 24,155 (2017)[1]
ოფიციალური საიტი http://www.jakarta.go.id/pemerintahan/kotamadya/kepseribu/default.asp
ათასი კუნძული (ინდონეზია) — ინდონეზია
ათასი კუნძული (ინდონეზია)

ათასი კუნძული (ოფიციალურად კეპულაუან-სერიბუ) — კუნძულთა ჯაჭვი ჯაკარტის სანაპიროს ჩრდილოეთით. არის ინდონეზიის დედაქალაქ ჯაკარტის ერთადერთი სარეგენტო. შედგება 342 კუნძულისგან[2] და ჯაკარტის ყურის დასავლეთით, ბანტენის პროვინციის ჩრდილოეთით, იავის ზღვაში 45 კმ-ის მანძილზეა გადაჭიმული.

დეკრეტის თანახმად,[3] სარეკრეაციოდ 36 კუნძულის გამოყენებაა შესაძლებელი. სრულად განვითარებული 13 კუნძულია: 11 მათგანი კურორტია, ხოლო 2 — ისტორიული პარკი. 23 კუნძული კერძო საკუთრებაშია და საზოგადოებისთვის დახურულია.[4] დანარჩენ კუნძულებზე ან მეთევზეთა სოფლებია, ან დაუსახლებელია.[4]

კუნძულები და ადმინისტრაციული დაყოფა[რედაქტირება | წყაროს რედაქტირება]

ათასი კუნძული ადმინისტრაციული სარეგენტოა, რომელიც ქალაქ ჯაკარტას ეკუთვნის. როგორც ადმინისტრაციულ სარეგენტოს, ათას კუნძულს საკუთარი ადგილობრივი საკანონმდებლო ხელისუფლება არ ჰყავს და რეგენტს პირდაპირი წესით გუბერნატორი ნიშნავს. ათასი კუნძულის გეოგრაფიული მახასიათებლების გამო ჯაკარტა მსოფლიოში ერთადერთი დედაქალაქია, რომლის საზღვრებშიც 100-ზე მეტი კუნძულია მოქცეული[5] (სტოკჰოლმის დედაქალაქის საზღვრებში 14 კუნძულს მოიცავს). ოფიციალურ სიაში ათასი კუნძულის სარეგენტო 110 კუნძულს მოიცავს, რომელიც ორ ქვერაიონად, კეჩამატანად იყოფა: კეპულაუან-სერიბუ-სელატანი (სამხრეთ ათასი კუნძული) და კეპულაუან-სერიბუ-უტარა — ჩრდილოეთ ათასი კუნძული. თითოეული კეჩამატანი 3-3 კელურაჰანად იყოფა.

ეკოლოგია[რედაქტირება | წყაროს რედაქტირება]

კეპულაუან-სერიბუს საზღვაო ეროვნული პარკი

Taman Nasional Laut Kepulauan Seribu

IUCN კატეგორია II (ეროვნული პარკი)
მდებარეობა იავის ზღვა
ქვეყანა ინდონეზია
უახლოესი ქალაქი ჯაკარტა
კოორდინატები 5°45′ ს. გ. 106°35′ ა. გ. / 5.750° ს. გ. 106.583° ა. გ. / -5.750; 106.583)
დაარსდა 1982
მმართველი ორგანო გარემოს დაცვისა და სატყეო სამინისტრო
ოფიციალური საიტი tnlkepulauanseribu.net

107,489 ჰექტარი ფართობის სახმელეთო და საზღვაო ტერიტორია ინონეზიის სოფლის მეურნეობის სამინისტრომ 1982 წელს ეროვნულ პარკად გამოაცხადა. 2002 წელს ინდონეზიის სატყეო სამინისტროს დადგენილებით პარკს ათასი კუნძულის საზღვაო ეროვნული პარკი“ ეწოდა. ორ კუნძულზე, პანჯალირან ბარატსა და პანჯალირან ტიმურ-ზე, სადაც ზღვის კუებს იცავენ, შესვლა აკრძალულია.[6][7]

ათასი კუნძულის საზღვაო ეროვნული პარკი ჯაკარტიდან ჩრდილოეთი 45 კმ-ის დაშორებით მდებარეობს. პარკი ჩრდილოეთ ათასი კუნძულის ქვერაიონს მიეკუთვნება. კომპლექსის შემადგენლობაში 342 რიფია, რომელთაგანაც 110 ნახევარ აკრძე დიდ კუნძულს წარმოქმნის.[8]

რესურსები ინტერნეტში[რედაქტირება | წყაროს რედაქტირება]


სქოლიო[რედაქტირება | წყაროს რედაქტირება]