ტასეკ-მერიმბუნი
ტასეკ-მერიმბუნი (მალ: მერიმბუნის ტბა) — უდიდესი ბუნებრივი ტბა ბრუნეიში. მდებარეობს მუკიმ რამბაის მახლობლად, ტუტონგის რაიონში, დედაქალაქ ბანდარ-სერი-ბეგავანიდან 70 კმ-ის დაშორებით.[1] S-ის ფორმის ტბა ქალაქ ტუტონგიდან 27 კმ-ითაა დაშორებული და გარშემორტყმულია 7 800 ჰექტარის ფართობის ტასეკ-მერიმბუნის მემკვიდრეობის პარკით.
აღწერა[რედაქტირება | წყაროს რედაქტირება]
ტასეკ-მერიმბუნი მუქი ფერისაა. წყალში ჩაცვენილი ფოთლოების გამო იგი შავი წყლის კატეგორიას მიეკუთვნება. ტბა და მისი შემოგარენი ფაუნის (ფრინველების, ძუძუმწოვრებისა და რეპტილიების) მრავალფეროვნებით გამოირჩევა. ვიზიტორებს ტბისა და მასში მდებარეო ორი კუნძულის გამოსაკვლევად ნავის დაქირავება შეუძლიათ. ტბის ცენტრში მდებარე პატარა კუნძულზე მოხვედრა ხის ბილიკითაცაა შესაძლებელი. აქ ხის მორებისგან საპიკნიკე ადგილია მოწყობილი.[2]
ასეანის მემკვიდრეობის პარკი[რედაქტირება | წყაროს რედაქტირება]
1967 წელს ბრუნეის მუზეუმების დეპარტამენტის პირველმა დირექტორმა ტასეკ-მერიმბუნი პოტენციურ ველური ბუნების თავშესაფრად შეაფასა. 1983-84 წლებში ტასეკ-მერიმბუნის ბიომრავალფეროვნებისა და სოციო-ეკონომიკური შესწავლის დროს იშვიათი Megaerops wetmorei აღმოაჩინეს. ამ აღმოჩენის შემდეგ, 1984 წლის 29 ნოემბერს ტასეკ-მერიმბუნის მემკვიდრეობის პარკი ასეანის მემკვიდრეობის პარკების სიაში შეიტანეს.[3]
იხილეთ აგრეთვე[რედაქტირება | წყაროს რედაქტირება]
სქოლიო[რედაქტირება | წყაროს რედაქტირება]
- ↑ Museums Department. (2010). Tasek Merimbun Heritage Park. BSB: Ministry of Culture, Youth and Sports
- ↑ BusinessMirror. (March 31, 2019) ACB: Forests and people intertwined for development.
- ↑ Museums Department. (2010). Tasek Merimbun Heritage Park. BSB: Ministry of Culture, Youth and Sports
| ||||||||||||||||||||||||||||||||