ბაგრატ III (იმერეთის მეფე)
სტატიის 
| ბაგრატ III | |
| იმერეთის მეფე | |
| მმართ. დასაწყისი: | 1510 |
|---|---|
| მმართ. დასასრული: | 1565 |
| წინამორბედი: | ალექსანდრე II |
| მემკვიდრე: | გიორგი II |
| დაბ. თარიღი: | 1495 |
| გარდ. თარიღი: | 1565 |
| მეუღლე: | ელენე |
| შვილები: | გიორგი II თეიმურაზი ვახტანგი კონსტანტინე თამარი |
| დინასტია: | ბაგრატიონები |
| მამა: | ალექსანდრე II |
| დედა: | თამარი |
ბაგრატ III (დ. 1495 — გ. 1565), იმერეთის მეფე 1510-1565, ალექსანდრე II-ის ძე.
ენერგიულად ებრძოდა ოსმალებს, ცდილობდა იმერეთის მთლიანობის შენარჩუნებას. „ტყვეთა სყიდვის“ წინააღმდეგ მოიწვია საეკლესიო კრება, რომელმაც ტყვის გამსყიდველთათვის სიკვდილით დასჯა დაადგინა. ბაგრატ III-ის თანხმობით 1533 მამია I გურიელმა და მამია III დადიანმა ილაშქრეს ჯიქეთს, მაგრამ დამარცხდნენ. 1535 მურჯახეთის ბრძოლაში ბაგრატ III-მ დაამარცხა ყვარყვარე III ჯაყელი, დაიკავა სამცხე და ათი წელი ფლობდა მას. 1545 ყვარყვარეს შვილმა ქაიხოსრო II ჯაყელმა მოიშველია ოსმალთა ჯარი მუსტაფა ლალა-ფაშას მეთაურობით და ქარაღაქთან შეებრძოლა ბაგრატ III-ს, მაგრამ დამარცხდა. ამავე წელს სულთანმა უფრო მრავალრიცხოვანი ჯარი გამოგზავნა. სოხოისტის ბრძოლაში ბაგრატ III დამარცხდა. სამცხეში ოსმალებმა მოიკიდეს ფეხი. ამის შემდეგ ბაგრატ III-მ მთავრებს (დადიანი და გურიელი) შეუტია, მაგრამ ვერ შეძლო მათი დამორჩილება. მთავრები სულთნის ვასალები გახდნენ. 1555 ბაგრატ III-ც იძულებული გახდა სულთნისათვის ხარკის მიცემა ეკისრა.
[რედაქტირება] ლიტერატურა
- ხანთაძე შ., ქსე, ტ. 2, გვ. 128, თბ., 1977
| წინამორბედი: ალექსანდრე II |
იმერეთის მეფე 1510 - 1565 |
შემდეგი: გიორგი II |
|
|||||||||||
