არჩილ გოგელია

არჩილ გრიგოლის ძე გოგელია (დ. 10 დეკემბერი, 1941, თბილისი) — ქართველი და საბჭოთა მოფარიკავე და ჟურნალისტი; საქართველოს დამსახურებული ჟურნალისტი (1981), საბჭოთა კავშირის სპორტის ოსტატი (1960).

დაამთავრა საქართველოს სახელმწიფო ფიზიკური კულტურის ინსტიტუტი (1961) და თბილისის სახელმწიფო უნივერსიტეტის ფილოლოგიის ფაკულტეტი (1967). იყო ჟურნალების — „მართვესა“ (1975–1979) და „სკოლა და ცხოვრების“ (1979–1984) მთავარი რედაქტორი; გაზეთების: „ლელოს“ (1984–1985) და „თბილისის“ (1985–1989) მთავარი რედაქტორი, გაზეთ „კომუნისტის“ რედაქტორის პირველი მოადგილე (1985). საქტელერადიო კომიტეტის (შემდგომ — კორპორაციის) თავმჯდომარე (1989–1999); საქართველოს ბეჭდვითი სიტყვისა და ინფორმაციის მინისტრი, საქართველოს რესპუბლიკის ტელერადიო დეპარტამენტის თავმჯდომარე (1992); საქართველოს ჟურნალისტთა კავშირის მდივანი. 1991 წელს დააარსა და მას შემდეგ რედაქტორობს დამოუკიდებელ საზოგადოებრივ-პოლიტიურ გაზეთ „დრონს“. 1999–2004 წლებში იყო საქართველოს მე-5 მოწვევის პარლამენტის წევრი (თბილისის მთაწმინდის მაჟორიტარი), საარჩევნო ბლოკი „საქართველოს მოქალაქეთა კავშირი“. ჟურნალისტური მოღვაწეობის პარალელურად იყო საქართველოს ნაკრების წევრი ფარიკაობაში, რესპუბლიკის არაერთგზის ჩემპიონი, საბჭოთა კავშირის ჩემპიონატის ვერცხლისა და ბრინჯაოს მედლების მფლობელი, საბჭოთა კავშირის პროფკავშირთა სპარტაკიადის ჩემპიონი, საბჭოთა კავშირის თასის ფინალისტი.

2004 წლიდან 2016 წლამდე საქართველოს ფარიკაობის ფედერაციის პრეზიდენტი, 2016 წლიდან — ამავე ფედერაციის პრეზიდენტის პირადი მრჩეველი. ავტორია წიგნებისა: „მუშკეტერები“ (1974), „ასეთია სპორტული ცხოვრება“ (1986).

ლიტერატურა

• ენციკლოპედია „საქართველო“, ტ. 2, თბ., 2012. — გვ. 59.

წიგნები

• ასეთია სპორტული ცხოვრება / რედ.: გ. ფანჯიკიძე, თბ.: განათლება, 1986.
• ალექსანდრე კოტორაშვილი, თბ.: საქ. კპ. ცკ-ის გამ-ბის სტ., 1986.
• მუშკეტერები : ქართველი მოფარიკავეები, თბ.: საბჭ. საქართველო, 1974.

სტატიები

• როგორც მის ხსოვნას შეჰფერის // „ლელო“, 27 დეკემბერი, 1969, № 252 (3991), გვ. 4.
• კეთილი სიტყვა ოცდახუთ ჭაბუკზე // „ლელო“, 30 აგვისტო, 1973, № 171 (4941), გვ. 2.
• ცხოვრება ფეხბურთელისა // „ლელო“, 2 დეკემბერი, 1973, № 238 (5008), გვ. 3.
• ტრადიციული სამკუთხედი // „ლელო“, 31 დეკემბერი, 1973, № 260 (5030 ), გვ. 3.
• გიორგი მერკვილაძე // „ლელო“, 24 სექტემბერი, 1983, № 183 (7494), გვ. 2.

რესურსები ინტერნეტში

• არჩილ გოგელია — საქართველოს ბიოგრაფიული ლექსიკონი
• არჩილ გოგელია — ბიოგრაფიული ლექსიკონი
• არჩილ გოგელია — საქართველოს პარლამენტის ოფიციალური საიტი (მოძველებული / არქივი / ახალი არქივი)
• არჩილ გოგელია — ციფრული ფოტომატიანე „ივერიელი“