დავით ტყეშელაშვილი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
David Tkeshelashvili.jpg

დავით ტყეშელაშვილი (დ. 16 ოქტომბერი, 1969, თბილისი, საქართველო) — ქართველი პოლიტიკოსი.

ბიოგრაფია[რედაქტირება]

განათლება[რედაქტირება]

1996 წელს დაამთავრა ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი სამართალმცოდნეობის სპეციალობით. 1987-1989 წლებში გაიარა სავალდებულო სამხედრო სამსახური. 2005 წლიდან ედმუნდ მასკის სტიპენდიანტია. 2006 წელს დაამთავრა ემორის უნივერსიტეტი. მინიჭებული აქვს მაგისტრის ხარისხი სამართალში.

პოლიტიკური კარიერა[რედაქტირება]

1993-1995 წლებში იყო საქართველოს მოქალაქეთა ახალგაზრდული კავშირის პოლიტიკური მდივანი; თავმჯდომარის მოადგილე. 1995 წლიდან არის საქართველოს პარლამენტის წევრი, მუშაობდა უმრავლესობის ლიდერის მოადგილედ. 1998-2002 წწ. საქართველოს მოქალაქეთა ახალგაზრდული კავშირის თავმჯდომარეა. 1999 წელს ხელმეორედ იქნა არჩეული საქართველოს პარლამენტის წევრად. 1999-2003 წლებში მუშაობდა ადამიანის უფლებათა დაცვის კომიტეტის არასამთავრობო ორგანიზაციებთან და მედიასთან ურთიერთობის ქვეკომიტეტის თავმჯდომარედ.

2004 წელს კვლავ აირჩიეს საქართველოს პარლამენტის წევრად ნაციონალური მოძრაობა — დემოკრატების სიით.

2006 წლის 21 ივლისს დაინიშნა საქართველოს გარემოს დაცვისა და ბუნებრივი რესურსების მინისტრად. 2007 წლის 22 ნოემბრიდან იყო საქართველოს ჯანმრთელობის მინისტრი.[1] 2008 წლის 31 იანვრიდან იყო სახელმწიფო მინისტრი რეგიონული მართვის საკითხებში.[2] 2009 წლის 6 თებერვლიდან სათავეში ჩაუდგა, ახლად შექმნილ, რეგიონული განვითარებისა და ინფრასტრუქტურის სამინისტროს[3]. 2010 წლის ივნისიდან ხელმძღვანელობდა საქართველოს პრეზიდენტის, მიხეილ სააკაშვილის ადმინისტრაციას.[4]

სქოლიო[რედაქტირება]