გლეხი შემოღობილ მინდორში

ავტორი	ვინსენტ ვან გოგი
წელი	1889
კატალოგი	F641 და JH1795
ტიპი	ზეთი, ტილო
სიმაღლე	74
სიგანე	92.1
ქალაქი	ინდიანაპოლისი
მუზეუმი	ინდიანაპოლისის ხელოვნების მუზეუმი

გლეხი შემოღობილ მინდორში — ნიდერლანდელი პოსტიმპრესიონისტი მხატვრის, ვინსენტ ვან გოგის ნახატი, შესრულებული 1889 წლის ოქტომბერში, ზეთის საღებავებით, ტილოზე. ამჟამად ნამუშევარი ინდიანაპოლისის ხელოვნების მუზეუმის კოლექციის ექსპონატია.

აღწერა

ნახატის ნაჩქარევ ხაზებში ყურადღება დინამიკურ, მოძრავ მდელოზეა გამახვილებული. ნახატი თითქოს სიცოცხლის გამომხატველია, მიუხედავად იმისა, რომ მასზე მხოლოდ ერთი ადამიანია გამოსახული. ოთხი ნამუშევრიდან ტოპოგრაფიულად ყველაზე ზუსტად ალპილეს ქედს ეს ნახატი ასახავს. ვან გოგის მიზანი იყო გამოესახა მდელოზე მიმდინარე მკა. მხატვრის მოსმის სტილი, გამოსახულების დახვეული იერი მნახველისათვის განსაკუთრებულ სანახაობას ქმნის. „გლეხი შემოღობილ მინდორში“ ვინსენტ ვან გოგის გვიანი შემოქმედების მშვენიერი მაგალითია, სადაც დინამიკური ფუნჯის მონასმები ნახატში მთავარ როლს იკავებს.^[1]

ისტორია

„გლეხი შემოღობილ მინდორში“ ვინსენტ ვან გოგის ცხოვრების ყველაზე რთულ პერიოდშია შესრულებული, მას შემდეგ რაც მხატვარი ნებაყოფლობით ჩაეწერა სენ-რემის თავშესაფარში. ის ებრძოდა ნერვულ აშლილობას რომელიც 1888 წლის შობიდან მოყოლებული ტანჯავდა, როდესაც ის პოსტიმპრესიონისტ მხატვარს, პოლ გოგენს სტუმრობდა.

ნახატი ვან გოგის გარდაცვალების შემდეგ მის ძმას, თეო ვან გოგს ერგო, რომელმაც ის თავის მეუღლეს ჯოანა ვან გოგ-ბონგერს აჩუქა. 1905 წელს ნახატი ჯერ პოლ კასიერზე, შემდეგ კი რობერტ ვონ მენდელსონზე გაიყიდა.ამის შემდეგ ის ნიუ-იორკში მოხვდა საიდანაც კაროლინ მერმონ ფესლერმა შეიძინა, რომელმაც შემდგომში ნახატი ჯონ ჰერონის ხელოვნების ინსტიტუტს გადასცა, 1944 წლიდან კი ნამუშევარი ინდიანაპოლისის ხელოვნების მუზეუმის კოლექციის ნაწილია.^[2]

სქოლიო

↑ Vincent van Gogh's life - The Later Years. Van Gogh Gallery.
↑ Landscape at Saint-Remy (Enclosed Field with Peasant). Indianapolis Museum of Art.

[1] Vincent van Gogh's life - The Later Years. Van Gogh Gallery.

[2] Landscape at Saint-Remy (Enclosed Field with Peasant). Indianapolis Museum of Art.

[1]

[2]