კიბორჩხალა ზურგზე

მასალა ვიკიპედიიდან — თავისუფალი ენციკლოპედია
Jump to navigation Jump to search
კიბორჩხალა ზურგზე
ავტორი ვინსენტ ვან გოგი
წელი 1888
ტიპი ზეთი, ტილო
სიმაღლე 38
სიგანე 46.5
ქალაქი ამსტერდამი
მუზეუმი ვან გოგის მუზეუმი

კიბორჩხალა ზურგზე (ნიდერლ. Een op zijn rug liggende krab) — ნიდერლანდელი პოსტიმპრესიონისტი მხატვრის, ვინსენტ ვან გოგის ნახატი, რომელზეც გამოსახულია ერთადერთი, ზურგზე მწოლიარე კიბორჩხალა, უკან მწვანე ფონით. ნამუშევარი შესრულებულია 1888 წელს, ზეთის საღებავებით ტილოზე და ინახება ვან გოგის მუზეუმში, ამსტერდამში.[1]

შესაძლოა, ვინსენტს ნახატის დახატვა კაცუსიკა ჰოკუსაის მსგავსი ტიპის ნამუშევარმა შთააგონა, რომელიც მან Le Japon Artistique-ს მაღაზიაში ნახა და შემდგომში, 1888 წელს ძმამ, თეო ვან გოგმა გამოუგზავნა.[1][2]

მსგავსი ნამუშევარი[რედაქტირება | წყაროს რედაქტირება]

1889 წელს, მას შემდეგ, რაც საავადმყოფოდან გამოვიდა, ვან გოგმა მეორე მსგავსი ტიპის ნამუშევარი — ორი კიბორჩხალა დახატა. ნახატზე გამოსახულია ორი, ერთი მუცელზე და მეორე ზურგზე მწოლიარე კიბორჩხალა. ეს ნახატი ლონდონში, ეროვნულ გალერეაშია შენახული.[2]

სქოლიო[რედაქტირება | წყაროს რედაქტირება]

  1. 1.0 1.1 Crab on its Back, 1888, Van Gogh Museum. Retrieved on 16 July 2014.
  2. 2.0 2.1 Two Crabs, National Gallery. Retrieved on 17 July 2014.