ყვითელი სახლი

მასალა ვიკიპედიიდან — თავისუფალი ენციკლოპედია
Jump to navigation Jump to search
ყვითელი სახლი
ავტორი ვინსენტ ვან გოგი
წელი 1888
ტიპი ზეთის საღებავები ტილო
სიმაღლე 76 სმ
სიგანე 94 სმ
ქალაქი ამსტერდამი
მუზეუმი ვან გოგის მუზეუმი

ყვითელი სახლი (ნიდერლ. Het gele huis) — ნიდერლანდელი პოსტ-იმპრესიონისტი მხატვრის, ვინსენტ ვან გოგის ნახატი. შესრულებული 1888 წელს, ზეთის საღებავებით, ტილოზე. ინახება ვან გოგის მუზეუმში, ამსტერდამში.

ისტორია[რედაქტირება | წყაროს რედაქტირება]

სწორედ აქ ცხოვრობდა ვან გოგი არლში ყოფნისას და „ყვითელი სახლიც“ მაშინვე შეარქვა ამ შენობას. აქვე მიაღწია კულმინაციურ წერტილს მისმა ცხოვრებამ, როცა ფსიქიკურმა გაუწონასწორებლობამ იჩინა თავი. სწორედ აქ დაემუქრა ის გოგენს და აქ მოიჭრა ყური. ამ სახლში უნდა ეცხოვრა სამხრეთელი მხატვრების საძმოს: ეს იყო ბარბიზონელთა ჯგუფი და პრერაფაელიტები, მაგრამ გოგენის მედიდურობის და ვან გოგის ფსიქოლოგიური პრობლემების გამო ეს გეგმა ჩაიშალა. ამ სახლმა დიდი გავლენა იქონია ვან გოგზე და ამიტომ ის მრავალჯერ გამხდარა მისი შთაგონების წყარო.

ყვითელი სახლის სხვა ნახატები[რედაქტირება | წყაროს რედაქტირება]

აკვარელი

ის რომ ეს სახლი ვან გოგისთვის შთაგონების წყარო იყო იმითაც მტკიცდება, რომ მას სახლის რამდენიმე ნახატი აქვს შესრულებბული. მათ შორის ყველაზე ცნობილია აკვარელით შესრულებული ნახატები.

სტილი[რედაქტირება | წყაროს რედაქტირება]

ამ სურათში მთელი სისავსით წარმოჩნდა მისი ოსტატობა, ეს ტილო ვან გოგმა სინათლის სამ ზონად დაყო. წინა პლანზე ვხედავთ ყვითელ ფერს მწვანე, მოწითალო და ვარდისფერი ნიუანსებით. ცენტრში ჭარბობს ყვითელი მუქი მწვანის ზინებით, ზედა ნაწილი კი, ანუ ზეცა მუქი კობალტითაა შეფერილი. ყველაზე კაშკაშა ყვითელით სახლია დახატული. ჩვეულებრივ, სურათებში ზედა ნაწილი ყველაზე ბნელია, რაც მეტ სინათლეს ანიჭებს ქვედა ნაწილს. ყვითელი ვან გოგის საყვარელი ფერი იყო.

ვიკიციტატა
„ეს არის სინათლე, რომელსაც სვა სახელს ვერ ვარქმევ და ამიტომ ყვითელს, ოქროსფერ ბაც ლიმონათისფერს ვუწოდებ. ყვითელი ისეთი მშვენიერია!“

მიუხედავად იმისა, რომ ამ სურათზე ადამიანებიც ჩანან, მხატვრის სხვა ტილოების მსგავსად იგი მაინც მარტოობის შეგრძნებას ბადებს.

ლიტერატურა[რედაქტირება | წყაროს რედაქტირება]

  • დიდი მხატვრები, ვან გოგი, გამომცემლობა პალიტრა L, თბ., 2010

რესურსები ინტერნეტში[რედაქტირება | წყაროს რედაქტირება]