იპოლიტე ხვიჩია

მასალა ვიკიპედიიდან — თავისუფალი ენციკლოპედია
(გადამისამართდა გვერდიდან ხვიჩია, იპოლიტე)
Jump to navigation Jump to search
იპოლიტე ხვიჩია
დაბ. თარიღი 31 დეკემბერი, 1910
კონტუათი, საქართველო
გარდ. თარიღი 1 თებერვალი, 1985 (74 წლის)
თბილისი, საქართველო
საქმიანობა მსახიობი
აქტიური 1956 - 1983
მეუღლე(ები) ლუბა ქარქაშაძე

იპოლიტე ხვიჩია (დ. 31 დეკემბერი, 1910, სოფ. კონტუათი, ახლანდელი ხონის მუნიციპალიტეტი ― გ. 1 თებერვალი, 1985, თბილისი) — ქართველი მსახიობი, საქართველოს სახალხო არტისტი (1960).

ბიოგრაფია[რედაქტირება | წყაროს რედაქტირება]

1934 წელს დაამთავრა თბილისის სამრეწველო-ეკონომიური ტექნიკუმი. 1932-1936 წლებში იყო წულუკიძისა და გეგეჭკორის რაიონული თეატრების მსახიობი. ასრულებდა ძირითადად კომედიურ როლებს: ქუჩარა და ხარიტონი (პ. კაკაბაძის "ყვარყვარე თუთაბერი", "კოლმეურნის ქორწინება"), ტრუფალდინო და მარკიზი ფორლიპოპოლი (კ. გოლდონის "ორი ბატონის მსახური", "სასტუმროს დიასახლისი"), ნაცარქექია (გ. ნახუცრიშვილისა და ბ. გამრეკელის "ნაცარქექია"), კოხტაია (ა. ცაგარელის "რაც გინახავს ვეღარ ნახავ!") და სხვა.

1961-1966 წლებში შ. რუსთაველის სახელობის თეატრის სცენაზე შეასრულა შაქროსა (ო. მამფორიას "მეტეხის ჩრდილში") და სპირიდონის (ნ. აზიანის "უკანასკნელი მასკარადი") როლები.

1956 წლიდან იღებენ კინოში. როლები: ალმასხანი ("საბუდარელი ჭაბუკი", 1957), იპოლიტე ნემსაძე ("მანანა", 1958), კუჭკუჭი ("ბურთი და მოედანი"), ქორიძე ("თხუნელა", 1962), მელიტონი ("თოჯინები იცინიან", 1963), სანდრო ("არ იდარდო!"), ბონდო დოლაბერიძე ("ფეოლა", 1970), იპოლიტე ("მხიარული რომანი", 1972), ვარლამი ("პირველი მერცხალი", 1975), კაჟა ბულავა ("დათა თუთაშხია") და სხვა.

გამოდიოდა ესტრადაზე. ხვიჩიას შემოქმედება მაყურებელს ხიბლავდა თავისი უბრალოებითა და ბუნებრიობით.

დაკრძალულია თბილისში, საბურთალოს საზოგადო მოღვაწეთა პანთეონში.

ფილმოგრაფია[რედაქტირება | წყაროს რედაქტირება]

წელი სახელი როლი
1956 ჩვენი ეზო კომენდანტი
1957 საბუდარელი ჭაბუკი ალმასხანი
1958 მანანა იპოლიტე ნემსაძე (სახლმმართველი)
1959 წარსული ზაფხული დამსვენებელი
დღე უკანასკნელი, დღე პირველი
1960 პაპა გიგია
1961 ბურთი და მოედანი კუჭკუჭი
განძი ნიკიფორე
1962 თოჯინები იცინიან მელიტონი
თხუნელა სანდრო ქორიძე
1964 გზაში მონადირე
1965 პიერი მილიციის თანამშრომელი მილიციელი
ბოდიში, თქვენ გელით სიკვდილი ყარამანი ბუსკივაძე
მე ვხედავ მზეს ბეგლარა
1966 შეხვედრა მთაში მერაბი
შეხვედრა წარსულთან იპოლიტე
1967 ვიღაცას ავტობუსზე აგვიანდება არჩილი
მალე გაზაფხული მოვა
ქალაქი ადრე იღვიძებს იპოლიტე
1968 ბზიანეთი
არ იდარდო! სანდრო
განგაში ნარიმანი
1969 ფილატელისტის სიკვდილი შანათავა
1970 ჩემი ქალაქის ვასკვლავი ყაფლანი
ფეოლა ბონდო დოლაბერიძე
სემირამიდას ბაღები იპოლიტე
1971 მეზობლები იპოლიტე
გათენების წინ კოლია
1972 მხიარული რომანი იპოლიტე
1974 ანარეკლი
1975 მოხეტიალე რაინდები
პირველი მერცხალი ვარლამი
1976 დილის ნისლივით
გასეირნება თბილისში
1977 ბენზინის ჩამომსხმელი
რაჭა, ჩემო სიყვარულო სილიბისტრო
1978 დათა თუთაშხია კაჟა ბულავა
1983 მაცივარში ვიღაც იჯდა

რესურსები ინტერნეტში[რედაქტირება | წყაროს რედაქტირება]

ლიტერატურა[რედაქტირება | წყაროს რედაქტირება]