გიორგი დანელია

გიორგი დანელია
დანელია 2010 წელს
დაბადების სახელი	გიორგი ნიკოლოზის-ძე დანელია
დაბადების თარიღი	25 აგვისტო, 1930 თბილისი, სსსრ, სსრკ
გარდაცვალების თარიღი	4 აპრილი, 2019 (88 წლის) მოსკოვი, რუსეთი
ეროვნება	ქართველი
პროფესია	1958 — 2019
საქმიანობა	მსახიობი, კინორეჟისორი, სცენარისტი, პუბლიცისტი
რელიგია	მართლმადიდებელი
მეუღლე(ები)	გალინა იურკოვა
მშობლები	მამა: ნიკოლოზ დანელია დედა: მერი ანჯაფარიძე
ნათესავები	დეიდა: ვერიკო ანჯაფარიძე დეიდაშვილი: სოფიკო ჭიაურელი

გიორგი დანელია (დ. 25 აგვისტო, 1930, თბილისი — გ. 4 აპრილი, 2019, მოსკოვი, რუსეთი) — ქართველი და რუსი კინორეჟისორი. სსრკ სახალხო არტისტი (1989), სსრკ-ის სახელმწიფო პრემიის ლაურეატი (1978), ცნობილი თავისი „ნაღვლიანი კომედიებით“, როგორც თავად უწოდებს საკუთარ შემოქმედებას.

ბიოგრაფია

დაიბადა ინჟინერ ნიკოლოზ დანელიას და კინორეჟისორ მერი ანჯაფარიძის ოჯახში. სწავლობდა მოსკოვის არქიტექტურულ ინსტიტუტში და ერთი პერიოდი არქიტექტორად მუშაობდა. მისი ფილმი „დავდივარ მოსკოვის ქუჩებში“ ნიკიტა მიხალკოვის მონაწილეობით ხრუშჩოვის დათბობის პერიოდის ერთ-ერთი ყველაზე დამახასიათებელი აღწერაა. დანელიას ყველაზე პოპულარული ფილმებია „მიმინო“ (1977), ქართველი პილოტის თავგადასავლებზე მოსკოვში, და „შემოდგომის მარათონი“ (1980), თარჯიმანზე, რომელიც ცოლსა და საყვარელს შორის ორ-ცეცხლს შუაა მოქცეული. 1986 წელს გადაიღო არცთუ მთლად მეცნიერული ფანტასტიკა „ქინ-ძა-ძა“.

დანელიას ფილმებში თითქმის მუდმივად ჩნდება მისი მეუღლე ლიუბოვ სოკოლოვა, რომელიც გინესის წიგნშია შეტანილი, ყველაზე მრავალრიცხოვანი გადაღებებით კინოს ისტორიაში, და ასევე მისი მეგობარი ევგენი ლეონოვი. დანელიას სახალხო არტისტის წოდება მიენიჭა 1989 წელს.

მოგვიანებით დანელია კინორეჟისორ გალინა იურკოვაზე ქორწინდება; რამდენიმე ანიმაციურ პროექტში იღებს მონაწილეობას და რუსეთის კინოაკადემიის მიერ ცხოვრებისეული მიღწევებისთვის საპატიო ჯილდო მიენიჭა.

გარდაიცვალა 2019 წლის 4 აპრილს, 88 წლის ასაკში, მოსკოვში. დაკრძალულია ნოვოდევიჩის სასაფლაოზე.

ფილმოგრაფია

• სერიოჟა (1960)
• გზა ნავმისადგომთან (Путь к причалу; 1962)
• დავდივარ მოსკოვის ქუჩებში (Я шагаю по Москве; 1963)
• ოცდაცამეტი (Тридцать три; 1965)
• არ იდარდო! (Не горюй; 1969)
• ჰეკლბერი ფინის თავგადასავლები (Совсем пропащий; 1972)
• აფონია (Афоня; 1975)
• მიმინო (Мимино; 1977)
• შემოდგომის მარათონი (Осенний марафон; 1979)
• ცრემლები ცვიოდა (Слёзы капали; 1982)
• ქინ-ძა-ძა! (Кин-Дза-Дза; 1986)
• პასპორტი (Паспорт; 1990)
• ნასტია (Настя; 1993)
• გერბი და საფასური (Орёл и решка; 1995)
• ფორტუნა (Фортуна; 2000)
• კუ! ქინ-ძა-ძა (2013)

რესურსები ინტერნეტში

• გიორგი დანელია კინოფილმების ინტერნეტ-მონაცემთა ბაზაში
• ბიოგრაფია, ფილმოგრაფია დაარქივებული 2005-10-23 საიტზე Wayback Machine.