საკირის ეკლესია (არტაანი)
| საკირის ეკლესია | |
| |
| გეოგრაფიული კოორდინატები | 41°09′38″ ჩ. გ. 43°02′20″ ა. გ. / 41.16056° ჩ. გ. 43.03889° ა. გ. |
| რელიგიური კუთვნილება | საქართველოს მართლმადიდებელი ეკლესია |
| ქვეყანა | თურქეთი |
| პროვინცია | არტაანი |
| რაიონი | ჩილდირი |
| ადგილმდებარეობა | სოფ. ქოთანლი. |
| სასულიერო სტატუსი | უმოქმედო |
| ხუროთმოძღვრული ტიპი | დარბაზული ეკლესია |
| თარიღდება | X სკ. |
| მასალა | ბაზალტი |
საკირის ეკლესია — X საუკუნის ერთნავიანი დარბაზული ეკლესია ისტორიულ არტაანში. თურქეთის დაყოფით მდებარეობს არტაანის პროვინციის, ჩილდირის რაიონის სოფელ ქოთანლიში (ყოფილი სიკიარები[1]). ტაძარი დგას სოფლის შუაგულში და გარშემორტყმულია სახლებითა და საკარმიდამო მიწებით.
ხუროთმოძღვრება და შემკულობა[რედაქტირება | წყაროს რედაქტირება]
ნაგებია მოწითალო და რუხი ფერის ბაზალტის ქვით. პერანგის ქვა კარგად არის გათლილი და სწორ მწკრივებად დალაგებული. ფასადებზე ბოლნურჯვრიანი ქვებია ჩატანებული. აღმოსავლეთ ფასადზე, სარკმლის თავზე და ქვედა ნაწილში, ასომთავრული ლაპიდარული წარწერებია.
ეკლესიას ტიმპანიანი კარი აქვს დასავლეთით. სამხრეთ კედელში მოწყობილია მიჰრაბი. აფსიდის სარკმლის აქეთ-იქით სწორკუთხა ნიშებია. შემორჩენილი თაღის იმპოსტი მარტივი გეომეტრიული ფორმისაა.
შენობის გადახურვა ჩამოქცეულია. ტიმპანის დიდი ქვა მეზობელი სახლის ეზოში დევს.
რესურსები ინტერნეტში[რედაქტირება | წყაროს რედაქტირება]
სქოლიო[რედაქტირება | წყაროს რედაქტირება]
| ||||||||||||||||
