ერუშეთის ეკლესია

მასალა ვიკიპედიიდან — თავისუფალი ენციკლოპედია
Jump to navigation Jump to search

ერუშეთის ეკლესია — ნატაძრალი ისტორიულ ერუშეთში და პირველი ქრისტიანული ტაძარი საქართველოში,[1] მდებარეობს დღევანდელი თურქეთის არტაანის პროვინციის ჰანაქის რაიონში, სოფელ ოღუზიოლუს (ქართ. ერუშეთი) მახლობლად. ააშენეს IV საუკუნეში მირიან მეფისათვის კონსტანტინე დიდისაგან წარმოგზავნილმა ხუროებმა. ამავე საუკუნის 60-70-იან წლებში შეამკო მეფე მირდატმა. ვახტანგ გორგასალმა ტაძარი საეპისკოპოსო კათედრად აქცია.

ეკლესია იყო ადრეული ბიზანტიური ბაზილიკის ფორმის. ჰქონდა სამი მოგრძო ნავი, მინაშენით დასავლეთით. სამივე ნავი შვერილი აფსიდებით ბოლოვდებოდა. კედლები კარგად თლილი ქვის კვადრებით იყო ნაგები. ექვთიმე თაყაიშვილის ცნობით, ეკლესია მოხატული იქნებოდა, რადგან მხატვრობის კვალი მან დასავლეთი კედლის სარკმლის წირთხლში დააფიქსირა. შესასვლელები ტაძარს სამხრეთითა და დასავლეთით ჰქონდა, დიდი თაღოვანი სარკმლები კი – აღმოსავლეთით, საკურთხეველსა და დასავლეთ კედელში. აღმოსავლეთ სარკმელს თაყაიშვილის 1902 წლის მოგზაურობის დროს შერჩენილი ჰქონდა გადანაკეცებიანი თავსართი, ზედა სართულის გასანათებლად მის თავზე მრგვალი სარკმელიც იყო.

ახლა თითქმის მთლიანად დანგრეულია. მიწის ზემოთ მხოლოდ საკურთხევლის აფსიდის რკალიღა იკითხება.

იხილეთ აგრეთვე[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]