იუსტინიანე II (ბიზანტია)

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
იუსტინიანე II
Ιουστινιανός Β
Solidus-Justinian II-Christ b-sb1413.jpg
იუსტინიანეს პირველ და მეორე ზეობის მონეტები
ბიზანტიის იმპერიის იმპერატორი
მმართ. დასაწყისი: 14 სექტემბერი 685
695
მმართ. დასასრული: 705
11 დეკემბერი 711
წინამორბედი: კონსტანტინე IV
ტიბერიუს III
მემკვიდრე: ლეონტიოსი
ფილიპიკოსი
პირადი ცხოვრება
დაბ. თარიღი: დაახლოებით 668
დაბ. ადგილი: კონსტანტინოპოლი
გარდ. თარიღი: 11 დეკემბერი 711
გარდ. ადგილი: დამატრისი ოფსიკიონი
მეუღლე: ეუდოკია
თეოდორა
შვილები: ტიბერიუსი
ანასტასია
სრული სახელი: იუსტინიანუსი
დინასტია: ჰერაკლიდთა
მამა: კონსტანტინე IV
დედა: ანასტასია
რელიგია: ქრისტიანობა

იუსტინიანე II ფლავიუსი, მეტსახელად რინოტმეტოსი (ქართ. უცხვირო, ცხვირმოჭრილი; დ. 669 — გ. 11 დეკემბერი, 711) — ბიზანტიის იმპერატორი 685-695 და 705-711 წლებში, ჰერაკლიდების დინასტიის უკანასკნელი წარმომადგენელი.

ბიოგრაფია[რედაქტირება | წყაროს რედაქტირება]

იუსტინიანეს პირველი ზეობა იმედისმომცემად დაიწყო. მან რამდენიმე მისი დროისთვის პროგრესული რეფორმა გაატარა. მათ შორის აღსანიშნავია მიწის რეფორმა, რომელმაც ანატოლიაში ძალიან კარგი შედეგი გამოიღო. იუსტინიანმა ანატოლიაში სლავური ტომები ჩაასახლა, რითაც ერთი მხრივ მოსახლეობის და მიწათმოქმედთა რიცხვმა იმატა და მეორე მხრივ იმპერატორმა შექმნა სამხედრო ბაზისი, რომელზეც შეეძლო დაყრდნობა.

მიუხედავ ამ რეფორმებისა იუსტინიან II სუსტი პოლიტიკოსი აღმოჩნდა. ჰელადის სტრატეგმა ლეონსმა 695 წელს იგი ტახტიდან ჩამოაგდო, ცხვირი მოაჭრა და ყირიმზე, კოლონია ხერსონში გადაასახლა. ხერსონელებს არ უყვარდათ ის და დევნიდნენ მას. ყირიმიდან იგი გემით გაიქცა და თავშესაფარი სთხოვა ბულგართა ხანს ტერველს ქალაქ პლისკაში. აქედან იგი ბულგარელთა ჯარებით დაბრუნდა კონსტანტინოპოლში და 705 წელს კვლავ იმპერატორი გახდა. მას შემდეგ, რაც მოახერხა ტახტის დაბრუნება, იუსტინიანე სასტიკად გაუსწორდა ხერსონელებს.

მეორედ ზეობის პერიოდში იუსტინიანმა ბიზანტიაში ტერორი დაამყარა. მის მიერ მოკლულ უამრავ დიდებულს შორის კონსტანტინოპოლის პატრიარქი კალენიკე I-იც იყო. 711 წელს იუსტინიან II ხელმეორედ ჩამოაგდეს ტახტიდან და იმავე წლის 11 დეკემბერს მოკლეს.

რესურსები ინტერნეტში[რედაქტირება | წყაროს რედაქტირება]

ვიკისაწყობის ლოგო ვიკისაწყობში არის გვერდი თემაზე: იუსტინიანე II (ბიზანტია)

წინამორბედი:
კონსტანტინე IV
ბიზანტიის იმპერატორი
685 - 695
შემდეგი:
ლეონტიოსი
წინამორბედი:
ტიბერიუს III
ბიზანტიის იმპერატორი
705-711
შემდეგი:
ფილიპიკოსი