ზემო ხვედურეთი

სოფელი
ზემო ხვედურეთი
ქვეყანა	საქართველო
მხარე	შიდა ქართლის მხარეშიდა ქართლის მხარე
მუნიციპალიტეტი	ქარელის მუნიციპალიტეტი
თემი	ზემო ხვედურეთი
კოორდინატები	41°59′05″ ჩ. გ. 43°55′25″ ა. გ.
ცენტრის სიმაღლე	680 მ
ოფიციალური ენა	ქართული ენა
მოსახლეობა	1188 კაცი (2014)
ეროვნული შემადგენლობა	ქართველები 98,6 % ოსები 1,2 %
სასაათო სარტყელი	UTC+4
სატელეფონო კოდი	+995

ზემო ხვედურეთი — სოფელი აღმოსავლეთ საქართველოში, ქარელის მუნიციპალიტეტში (შიდა ქართლის მხარე), ზემო ხვედურეთის ადმინისტრაციული ერთეულის ცენტრი (სოფლები: ზემო ხვედურეთი, თრეხვი, მეხეთი, ტყემალა, ქვემო ხვედურეთი, ქვენაფლავი, ღვლევი, ჭანდრები, ხეობა).

მდებარეობს მტკვრის შუა ხეობის ვაკეზე, მდინარე ხვედრულის (მტკვრის მარჯვენა შენაკადი) ხეობაში, ზღვის დონიდან 680 მ-ზე, ქარელიდან 6 კმ-ში.

ისტორია

ზემო ხვედურეთის და ქვემო ხვედურეთის ძველი საერთო სახელწოდებაა ხვედურეთი. ხვედურეთი და ხვედურეთის ხევი პირველად იხსენიება სვეტიცხოვლისადმი დავით მეფის 1355 წლის სიგელში. გვიანდელ შუა საუკუნეებში ის ციციშვილების ერთ-ერთი რეზიდენცია იყო.

სოფლის სამხრეთით დაახლ. 1,5 კმ-ზე, მთის ფერდობზე გვიანდელი შუა საუკუნეების წმ. გიორგის დარბაზული ეკლესიაა. ზემო ხვედურეთში ციციაანთ ეკლესიიდან თითქმის აღარაფერია შემორჩენილი. სოფელში არის ასევე XIX-XX საუკუნეების მიჯნაზე აგებული ელბაქიანის წისქვილი და საბჭოთა პერიოდის II მსოფლიო ომში დაღუპულთა მემორიალი.

დემოგრაფია

2014 წლის აღწერის მონაცემებით სოფელში ცხოვრობს 1188 ადამიანი.

აღწერის წელი	მოსახლეობა	კაცი	ქალი
2002	1548	752	796
2014	1188	575	613

ლიტერატურა

• ქართული საბჭოთა ენციკლოპედია, ტ. 4, თბ., 1979. — გვ. 512.

• ენციკლოპედია „საქართველო“, ტ. 3, თბ., 2014. — გვ. 353.