ლეონიდე (კათოლიკოს-პატრიარქი)

ლეონიდე
სრულიად საქართველოს კათოლიკოს-პატრიარქი
მისი უწმინდესობა სრულიად საქართველოს კათოლიკოს-პატრიარქი ლეონიდე (ერისკაცობაში ლონგინოზ ოქროპირიძე)
ეკლესია	ქართული მართლმადიდებლური ეკლესია
საერო სახელი	ლონგინოზ ოქროპირიძე
დაიბადა	1860
გარდაიცვალა	1921
რელიგია	ქრისტიანობა

ლეონიდე (ერისკაცობაში ლონგინოზ ოქროპირიძე) (დ. 1860 ― გ. 1921) — ქართველი სასულიერო და საზოგადო მოღვაწე, სრულიად საქართველოს კათოლიკოს-პატრიარქი 1918-1921 წლებში.

1888 დაამთავრა კიევის სასულიერო აკადემია. 1888-1897 წლებში ეწეოდა მისიონერულ მოღვაწეობას. იგი იყო კავკასიაში მართლმადიდებლური ქრისტიანობის აღმდგენი საზოგადოების სკოლების ინსპექტორი, საქართველოს საეპარქიო სასწავლებელთა საბჭოს წევრი; ზედაზნის, ხირსის , იოანე ნათლისმცემლის მონასტერთა ზედამხედველი; ქართული ბიბლიის გამსწორებელი კომიტეტის თავმჯდომარე და საქართველოს იმერეთის სინოდის კანტორის წევრი. აქტიურად იბრძოდა ქართული მართლმადიდებელი სამოციქულო ეკლესიის ავტოკეფალიის (დამოუკიდებლობის) აღსადგენად. 1918-იდან გორის, იმერეთისა და გურია-სამეგრელოს ეპისკოპოსი, თბილისის მიტროპოლიტი. მას ეკუთვნის ქართული მართლმადიდებელი ეკლესიის ისტორიის საკითხებზე შექმნილი არაერთი ნაშრომი.

იხილეთ აგრეთვე

• საქართველოს მართლმადიდებელი ეკლესიის მეთაურები

ლიტერატურა

• ქართული საბჭოთა ენციკლოპედია, ტ. 6, გვ. 193, თბ., 1983 წელი.
• საქართველოს კათოლიკოს–პატრიარქები, რ. მეტრეველის რედაქციით, "ნეკერი", თბ., 2000

რესურსები ინტერნეტში

• სრულიად საქართველოს კათოლიკოს პატრიარქის, უწმინდესისა და უნეტარესის ლეონიდე ოქროპირიძის პასუხი მოსკოვისა და სრულიად რუსეთის პატრიარქს ტიხონ ბელავინს. 1919 წლის 5 აგვისტო, თბილისი

წინამორბედი: კირიონ_II

სრულიად საქართველოს კათოლიკოს-პატრიარქი 1918-1921

შემდეგი: ამბროსი