მერილ სტრიპი

მერილ სტრიპი
მერილ სტრიპი 2014 წელს
დაბადების სახელი	მერი ლუის სტრიპი
დაბადების თარიღი	22 ივნისი, 1949 (1949-06-22) ნიუ-ჯერსი, აშშ
რეზიდენცია	სოლსბერი, კონექტიკუტი
საქმიანობა	მსახიობი
აქტიური	1971-დღემდე
პარტნიორ(ებ)ი	ჯონ კაზალე (1976-78)
ოსკარი	საუკეთესო მსახიობი ქალი მეორეხარისხოვან როლში კრამერი კრამერის წინააღმდეგ (1979) საუკეთესო მსახიობი ქალი სოფის არჩევანი (1982) რკინის ლედი (2011)
ოქროს გლობუსი	საუკეთესო მსახიობი ქალი დრამაში ფრანგი ლეიტენანტის ქალი (1981) სოფის არჩევანი (1982) რკინის ლედი (2011) საუკეთესო მსახიობი ქალი მიუზიკლსა ან კომედიაში ეშმაკი ატარებს პრადას (2006) ჯული და ჯულია (2009) საუკეთესო მსახიობი ქალი მეორეხარისხოვან როლში კრამერი კრამერის წინააღმდეგ (1979) ადაპტაცია (2002)
BAFTA	საუკეთესო მსახიობი ქალი მთავარ როლში ფრანგი ლეიტენანტის ქალი (1981) რკინის ლედი (2011)

მერი ლუის სტრიპი (ინგლ. Mary Louise Streep), უკეთ ცნობილი როგორც მერილ სტრიპი (ინგლ. Meryl Streep) (დ. 22 ივნისი, 1949) — ამერიკელი კინო, თეატრისა და ტელემსახიობი, კინოაკადემიის ჯილდოს „ოსკარის“ სამგზის ლაურეატი.

ბიოგრაფია

რეკლამების მსახიობი მერი სტრიპისა და ფარმაცევტი ჰარი ვილიამ სტრიპის ქალიშვილი მერი ლუის სტრიპი დაიბადა სამიტში, ნიუ ჯერსის შტატში. სტრიპის დედის წინაპრები შვედური, ირლანდიური და ინგლისური წარმომავლობისანი იყვნენ, ხოლო მამის ოჯახს გერმანული ფესვები ჰქონდა და მისი წინაპრები ასევე ესპანელი ებრაელებიც იყვნენ, თუმცა მერილ სტრიპი ებრაელი არ არის. მას ორი უმცროსი ძმა ჰყავს: დანა და ჰარი. სტრიპი გაიზარდა ბერნარდსვილში, ნიუ ჯერსიში, სადაც დაამთავრა სკოლა. ვასარის კოლეჯში მან მიიღო ხელოვნების ბაკალავრის წოდება დრამის დარგში, ხოლო იალის უნივერსიტეტში კი - ხელოვნებათმცოდნის.

მერილ სტრიპის პროფესიული დებიუტი 1971 წელს შედგა სპექტაკლში „სევილიელი პლეიბოი“, პირველი როლი კი 1977 წელს სატელევიზიო ეკრანისთვის შექმნილ ფილმში „The Deadliest Season“ ითამაშა. პირველად კინოფილმში 1977 წელს ითამაშა ფილმში „ჯულია“ ჯეინ ფონდასა და ვანესა რედგრეივთან. სტრიპის პირველი მხატვრული ფილმი იყო „ჯულია“, სადაც მან შეასრულა პატარა როლი. შემდეგ იყო „ირმებზე მონადირე“ (1978), რომელმაც მერილს პირველი ოსკარის ნომინაცია მოუტანა საუკეთესო მეორეხარისხოვანი როლისათვის. ეს ჯილდო მან მომდევნო წელს აიღო ფილმისათვის „კრამერი კრამერის წინააღმდეგ“. 1978 წელს მან აიღო თავისი პირველი ემის ჯილდო მინისერიალისთვის: „განადგურება“. ერთი წლის შემდეგ ის გამოჩნდა ვუდი ალენის ფილმში „მანჰეტენი“. 1982 წელს კი მან უკვე მთავარი როლისთვის მიიღო ოსკარი ფილმში „სოფის არჩევანი" განსახიერებული სოფი ზავისტოვკის როლში.

2002 წელს თითქმის ოცწლიანი პაუზის შემდეგ მერილ სტრიპი დაუბრუნდა თეატრს, სადაც ითამაშა სპექტაკლში „თოლია“. იმავე წელს სტრიპმა მონაწილეობა მიიღო ფილმებში „ადაპტაცია“ და საათები“. ორივე როლისთვის მან კრიიკოსთა მოწონება და ჯილდოები დაიმსახურა.

ფილმოგრაფია

წელი		ქართულად	მშობლიური სახელწოდება	როლი
1977	ფ	ჯულია	Julia	ანა მარი
1978	ფ	ირმებზე მონადირე	The Deer Hunter	ლინდა
1979	ფ	კრამერი კრამერის წინააღმდეგ	Kramer vs. Kramer	ჯოანა კრამერი
1979	ფ	მანჰეტენი	Manhattan	ჯილ დეივისი
1981	ფ	ფრანგი ლეიტენანტის ქალი	The french lieutenant's woman	სარა/ანა
1982	ფ	სოფის არჩევანი	Sophie's Choice	სოფი ზავისტოვსკი
1983	ფ	სილქვუდი	Silkwood	კარენ სილქვუდი
1984	ფ	შეყვარებულები	Falling in Love	მოლი ჯილმორი
1985	ფ	აფრიკიდან	Out of Africa	კარენ ბლიქსენი
1987	ფ	ნარშავა	Ironweed	ჰელენ არჩერი
1988	ფ	ყვირილი სიბნელეში	A Cry in the Dark	ლინდა ჩემბერლენი
1989	ფ	ეშმაკი ქალი	She-Devil	მერი ფიშერი
1990	ფ	ბარათები უფსკრულის ნაპირიდან	Postcards from the Edge	სუზან ვეილი
1992	ფ	სიკვდილი ხდება მისი	Death Becomes Her	მადელინ ეშტონი
1995	ფ	მედისონის ოლქის ხიდები	The Bridges of Madison County	ფრანჩესკა ჯონსონი
1996	ფ	მარვინის ოთახი	Marvin's Room	ლი
1998	ფ	ჭეშმარიტი ღირებულებები	One True Thing	კეიტ გულდენი
1999	ფ	გულის მუსიკა	Music of the Heart	რობერტა გასპარი
2002	ფ	ადაპტაცია	Adaptation	სუზან ორლინი
2002	ფ	საათები	The Hours	კრისტინა ვოგანი
2004	ფ	მანჯურიის კანდიდატი	The Manchurian Candidate	სენატორი ელეანორ შოუ
2004	ფ	ლემონი სნიკეტი: 33 უიღბლობა	Lemony Snicket's A Series of Unfortunate Events	დეიდა ჯოზეფინა
2006	ფ	ეშმაკი ატარებს პრადას	The Devil Wears Prada	მირანდა პრისლი
2008	ფ	მამა მია!	Mamma Mia!	დონა შერიდანი
2008	ფ	ეჭვი	Doubt	და ალოიზ ბუვიე
2009	ფ	მარტივი სირთულეები	It's Complicated	ჯეინ ადლერი
2009	ფ	ჯული და ჯულია	Julie & Julia	ჯული ჩაილდი
2011	ფ	რკინის ლედი	The Iron Lady	მარგარეტ ტეტჩერი
2012	ფ	იმედის ნაპერწკლები	Hope Springs	კეი სოემსი
2013	ფ	აგვისტო: ოსეიჯის ოლქი	August: Osage County	ვაიოლეტ ვესტონი
2014	ფ	მიმცემი	The Giver	უფროსი უხუცესი
2014	ფ	ადგილობრივი	The Homesman	ალთა კარტერი
2014	ფ	ტყეში	Into the Woods	ჯადოქარი
2015	ფ	რიკი და ფლეში	Ricki and the Flash	რიკი
2015	ფ	სუფიტრატი	Suffragette	ემელინ პანკჰურსტი
2015	ფ	Shout Gladi Gladi	Shout Gladi Gladi	მთხრობელი
2016	ფ	ფლორენს ფოსტერ ჯენკინსი	Florence Foster Jenkins	ფლორენს ფოსტერ ჯენკინსი
2017	ფ	ჩვენი აღზევება	We Rise	მთხრობელი
2017	ფ	კარის მცველები	Little Door Gods	მთხრობელი
2017	ფ	ფოსტა	The Post	კატერინა გრეჰემი

ჯილდოები

კრიტიკული და კომერციული წარმატება სწრაფად მოიხვეჭა ფილმებით „ირმებზე მონადირე“ რობერტ დე ნიროსთან და „კრამერი კრამერის წინააღმდეგ“ დასტინ ჰოფმანთან. პირველში სტრიპმა პირველი ოსკარის ნომინაცია მიიღო, მეორეში კი თვით პირველი ოსკარი. სულ სტრიპს სამი ოსკარი, რვა ოქროს გლობუსი, ორი კინომსახიობთა გილდიის პრემია და ერთი BAFTA-ს ჯილდო აქვს მიღებული. იყო ასევე წარდგენილი გრემის ჯილდოზე. კინოაკადემიის ისტორიაში ყველაზე მეტჯერ იყო წარმოყენებული ოსკარზე 19 ნომინაციით (როგორც ქალთა ისე მამაკაცთა შორის). სტრიპი ასევე საყოველთაოდ მოიაზრება როგორც ყველა დროის ერთ-ერთი ყველაზე ნიჭიერი კინომსახიობი. ის ასევე იმ მცირერიცხოვან მსახიობთაგანია, რომლებსაც აღებული აქვთ ოთხივე მთავარი ზემოთხსენებული კინოჯილდო.

პირადი და ოჯახური ცხოვრება

მერილ სტრიპი დანიშნული იყო „ირმებზე მონადირის“ ვარსკვლავზე, ჯონ კაზალეზე, სანამ ეს უკანასკნელი არ გარდაიცვალა ძვლის კიბოთი 1978 წლის 12 მარტს. ამავე, 1978 წლის სექტემბერში მერილი დაქორწინდა მოქანდაკე დონ გამერზე. მათ ოთხი შვილი ჰყავთ: ჰენრი იგივე ჰენკი (დაბადებული 1979 წელს), მერი ვილა იგივე მამი (დაბადებული 1983 წელს), გრეის ჯეინი (დაბადებული 1986 წელს) და ლუიზა ჯაკობსონი (დაბადებული 1991 წელს). მამი გამერმა პროფესიად მსახიობობა აირჩია და მისი დებიუტი 2005 წელს შედგა სპექტაკლში „მისტერ მარმელადი“, სადაც ლუსის როლი ითამაშა, ბროდვეიზე, ლაურა პელსის თეატრში.

რესურსები ინტერნეტში

ვიკისაწყობში არის გვერდი თემაზე:

მერილ სტრიპი

• მერილ სტრიპი კინოფილმების ინტერნეტ-მონაცემთა ბაზაში
• Merylstreeponline.netდაარქივებული 2012-02-25 საიტზე Wayback Machine. - ოფიციალური საიტი