ევროპის ზაფხულის ახალგაზრდული ოლიმპიური ფესტივალი 2015

ევროპის ზაფხულის ახალგაზრდული ოლიმპიური ფესტივალი 2015
მასპინძელი ქალაქი	თბილისი
მონაწილე ქვეყნები	50
მონაწილე სპორტსმენები	3800
გახსნის ცერემონია	26 ივლისი
გახსნა	ირაკლი ღარიბაშვილმა
დახურვის ცერემონია	1 აგვისტო
ოლიმპიური ცეცხლი	ზურაბ ზვიადაური
სტადიონი	მიხეილ მესხის სტადიონი

ევროპის ზაფხულის ახალგაზრდული ოლიმპიური ფესტივალი 2015 — საქართველოში, კერძოდ თბილისში გამართული ოლიმპიური ფესტივალი 14-დან 18 წლამდე ასაკის ბავშვებს შორის, რომელიც 26 ივლისს გაიხსნა და 1 აგვისტოს ოფიციალურად დაიხურა.

ისტორია

2010 წლის 27 ნოემბერს ბელგიაში ეოკ-ის (ევროპის ოლიმპიური კომიტეტი) რიგით 39-ე გენერალური ასამბლეა გაიმართა. ასამბლეის მიზანი იყო 2015 წლის ევროპის ზაფხულის ახალგაზრდული ოლიმპიური ფესტივალის ჩატარების ადგილის გარკვევა. არჩევანი გაკეთდა ბრნოსა (ჩეხეთი) და თბილისს შორის. ფარული კენჭისყრის შედეგად 26 ხმით (21-ის წინააღმდეგ) თბილისმა 2015 წლის ზაფხულის რიგით 13 ახალაგაზრდული ოლიმპიური ფესტივალის ჩატარების უფლება მოიპოვა.

მზადება

თბილისი 2015-ის მონეტა

ოლიმპიადის მზადების პროცესში აშენდა 7 ახალი არენა, გარემონტდა არსებული სპორტული ინფრასტრუქტურა და მონაწილეთათვის მოეწყო ოლიმპიური სოფელი. ასევე, შეიქმნა ოლიმპიადის ლოგო, ჩირაღდანი, თილისმა...

სპეციალურად ოლიმპიადისათვის შეიქმნა 10 ლარიანი ნომინალის ვერცხლის მონეტები, რომლებიც პოლონეთის ზარაფხანაში მოიჭრა.

მონეტის ესკიზის ავტორია მხატვარ-დიზაინერი მამუკა გონგაძე.

მონეტების დიზაინის მთავარ კომპოზიციას წარმოადგენს ფესტივალის ემბლემა და სპორტის ოლიმპიური სახეობების ამსახველი პიქტოგრამები. ოლიმპიური ფესტივალის ლოგო მონეტებზე დატანილია ფერში, საღებავების გამოყენებით.

მონეტების რევერსზე გამოსახულია ევროპის რუკა, ოლიმპიური კომიტეტის ლოგო და ეროვნული ვალუტის ამსახველი სიმბოლო.

ოლიმპიური ცეცხლი

ოლიმპიური ცეცხლი

ოლიმპიური ცეცხლი 26 მაისს, სიმბოლურად, ათენში პანათენაიკოსის სტადიონზე აენთო. კატარინა ლეჰაუს მიერ ანთებული ცეცხლი ჭოკით მხტომელ ემანუელ კარალისს, შემდეგ კი ლაშა შავდათუაშვილს გადაეცა. ესტაფეტის ბერძნული ნაწილის შემდეგ ცეცხლი ბათუმში ჩამოვიდა და მთელს საქართველოში 67 მუნიციპალური ცენტრი მოიარა. ესტაფეტაში 700-მა მეჩირაღდნემ მიიღო მონაწილეობა. უკანასკნელი მეჩირაღდნე ქართველი ძიუდოისტი და ოლიმპიური ჩემპიონი ზურაბ ზვიადაური გახდა.

ობიექტები

ობიექტი	მდებარეობა	სპორტის სახეობა
მიხეილ მესხის სტადიონი	თბილისი	გახსნის ცერემონია
ტანვარჯიშის სასახლე	თბილისი	ტანვარჯიში
სპორტის სასახლე	თბილისი	კალათბურთი (ბიჭები)
ვერის პარკი	თბილისი	კალათბურთი (გოგონები)
მძლეოსნობის სტადიონი	თბილისი	მძლეოსნობა
ხელბურთის არენა	თბილისი	ხელბურთი
ძიუდოს აკადემია	თბილისი	ძიუდო
აკვა ცენტრი	თბილისი	ცურვა
მზიურის ჩოგბურთის კორტები	თბილისი	ჩოგბურთი
ფრენბურთის არენა	თბილისი	ფრენბურთი

სპორტული სახეობები

ოლიმპიურ ფესტივალზე სპორტული შეჯიბრებები 9 სახეობებში ჩატარდა:

• ძიუდო
• ჩოგბურთი
• სპორტული ტანვარჯიში
• ველოსპორტი
• მძლეოსნობა
• ცურვა
• ფრენბურთი
• ხელბურთი
• კალათბურთი

ოლიმპიადის განრიგი

გც

გახსნის ცერემონია

●

თამაშები

1

ფინალები

დც

დახურვის ცერემონია

ივლისი 2015	26 კვ	27 ორშ	28 სამ	29 ოთხ	30 ხუთ	31 პარ	01 შაბ	ოქროს მედალი
ცერემონიები	გც						დც
მძლეოსნობა		2	4	5	7	11	7	36
კალათბურთი							2	2
ველორბოლა			2		2			4
ტანვარჯიში			3	3	2	5	5	18
ხელბურთი							2	2
ძიუდო			4	3	3	3	3	16
ცურვა		5	7	7	3	10		32
ჩოგბურთი							4	4
ფრენბურთი							2	2
ჯამში ოქროს მედალი		7	19	18	26	27	29	116

მონაწილე ქვეყნები

•  ავსტრია (44)
•  აზერბაიჯანი (36)
•  ალბანეთი (3)
•  ანდორა (3)
•  ბელარუსი (62)
•  ბელგია (77)
•  ბოსნია და ჰერცეგოვინა (25)
•  ბულგარეთი (46)
•  გერმანია (93)
•  დანია (38)
•  გაერთიანებული სამეფო (44)
•  ესპანეთი (63)
•  ესტონეთი (32)
•  თურქეთი (84)
•  ირლანდია (35)
•  ისლანდია (15)
•  ისრაელი (30)
•  იტალია (104)
•  კვიპროსი (11)
•  კოსოვო (15)
•  ლატვია (72)
•  ლიეტუვა (45)
•  ლიხტენშტაინი (6)
•  ლუქსემბურგი (11)
•  მაკედონია (4)
•  მალტა (2)
•  მოლდოვა (19)
•  მონაკო (5)
•  ნიდერლანდები (53)
•  ნორვეგია (62)
•  პოლონეთი (87)
•  პორტუგალია (24)
•  რუმინეთი (66)
•  რუსეთი (119)
•  საბერძნეთი (41)
•  სან-მარინო (5)
•  საფრანგეთი (91)
•  საქართველო (138)
•  სერბეთი (67)
•  სლოვაკეთი (30)
•  სლოვენია (60)
•  სომხეთი (23)
•  უკრაინა (48)
•  უნგრეთი (81)
•  ფინეთი (60)
•  შვედეთი (37)
•  შვეიცარია (58)
•  მონტენეგრო (17)
•  ჩეხეთი (95)
•  ხორვატია (33)

ქვეყნები მედლების რაოდენობით

აქ მოცემულია ის 36 ქვეყანა რომლებმაც მედლები მოიპოვეს ოლიმპიურ ფესტივალზე. დანარჩენი 14 უმედლოდ დარჩა.

ადგილი	ქვეყანა	ოქრო	ვერცხლი	ბრინჯაო	სულ
1	რუსეთი	17	9	11	37
2	იტალია	12	2	10	24
3	საფრანგეთი	9	5	8	22
4	უნგრეთი	9	3	11	23
5	სლოვენია	5	6	5	16
6	მოლდოვა	5	2	0	7
7	გაერთიანებული სამეფო	4	8	8	20
8	ესპანეთი	4	7	6	17
9	ნიდერლანდები	4	3	8	15
10	საქართველო	4	0	6	10
11	გერმანია	3	8	6	17
12	უკრაინა	3	7	1	11
13	რუმინეთი	3	5	2	10
14	ბელარუსი	3	0	4	7
15	ბელგია	3	6	5	13
16	ირლანდია	2	6	2	10
17	სერბეთი	2	4	3	9
18	შვეიცარია	2	3	2	7
19	ფინეთი	2	3	1	6
20	შვედეთი	2	3	0	5
21	ჩეხეთი	2	2	3	7
22	აზერბაიჯანი	2	1	2	5
23	ნორვეგია	2	0	4	6
24	ავსტრია	2	0	1	3
25	პოლონეთი	1	3	5	9
26	თურქეთი	1	2	3	6
27	ბულგარეთი	1	2	0	3
28	დანია	1	2	0	3
29	ხორვატია	1	0	3	4
30	ესტონეთი	1	0	0	1
31	ისრაელი	0	5	0	5
32	ლატვია	0	3	0	3
33	სლოვაკეთი	0	2	2	4
34	კვიპროსი	0	1	1	2
35	მონტენეგრო	0	1	0	1
36	საბერძნეთი	0	0	2	2

ქართველთა მონაგარი

საქართველომ ოლიმპიურ ფესტივალზე 10 მედლით მეათე ადგილი დაიკავა, რითაც გააუმჯობესა 2012 წლის პირადი რეკორდი მედლების რაოდენობით (8 მედალი) და გაიმეორა 2001 წლის რეკორდი ოქროს მედლების რაოდენობით (4 ოქროს მედალი).

ქართველი მედალოსნები

მედალოსანი	სახეობა	სინჯი
ეთერ ლიპარტელიანი	ძიუდო	ოქრო
მზია ბებოშვილი	ძიუდო	ოქრო
რობინზონ ბეგლარაშვილი	ძიუდო	ოქრო
ონისე სანებლიძე	ძიუდო	ოქრო
თემურ ნოზაძე	ძიუდო	ბრინჯაო
ზურაბ კახნიაშვილი	ძიუდო	ბრინჯაო
ნატალია ყიფშიძე	ძიუდო	ბრინჯაო
ბაგრატ ნინიაშვილი	ძიუდო	ბრინჯაო
გელა ზაალიშვილი	ძიუდო	ბრინჯაო
დიმიტრი გოვოროვი	მხატვრული ტანვარჯიში	ბრინჯაო