რაკუნ-სიტი (ინგლ.Raccoon City, ენოტების ქალაქი) — გამოგონილი ქალაქი „Resident Evil“-ის სამყაროდან.[1] რაკუნ-სიტი მდებარეობს აშშ-ის შუა დასავლეთ რეგიონში, მისურის შტატში, რომლის მოსახლეობა შეადგენს 100,000 ადამიანს. ქალაქს განაგებს ფარმაცევტული კორპორაცია „Umbrella“, რომელიც თავის ლაბორატორიებში, საიდუმლოდ მუშაობდა ბიოლოგიური იარაღის შემუშავებაზე, რის შედეგადაც შეიქმნა T ტიპის მუტაგენური ვირუსი. ავარიის გამო, მოხდა ვირუსის გაჟონვა, რამაც ქალაქის მოსახლეობა აქცია სისხლის მსმელ ზომბებად. ქალაქი მოიცვა ქაოსმა და მოსახლეობის უმეტესი ნაწილი განადგურდა. საბოლოოდ აშშ-ის მთავრობამ გასცა მისი განადგურების ბრძანება ბირთვული ბომბის გამოყენებით.
