მონსერატი (ინგლ.Montserrat) — დიდი ბრიტანეთის ზღვისიქითა ტერიტორია, რომელიც მდებარეობს მცირე ანტილის ტერიტორიაზე კარიბის ზღვაში. კუნძულის ზომები მიახლოებით არის 16 კილომეტრი (10 მილი) სიგრძე და 11 კილომეტრი (7 მილი) სიგანე, სანაპირო ხაზის სიგრძე შეადგენს 40 კილომეტრს (25 მილი).[1]ქრისტეფორე კოლუმბმა ამ კუნძულს სახელი დაარქვა 1483 წელს თავისი მოგზაურობის პერიოდში, კუნძულს ეწოდა ესპანეთში არსებული მონსერატის მთების სახელი. მონსერატის ზედმეტსახელი არის ზურმუხტის კუნძული კარიბებში.
მონსერატის დედაქალაქია პლიმუთი, ეს ქალაქი განადგურებული იქნა 1995 წლის 18 ივლისს ვულკანის ამოფრქვევის შედეგად. ქვეყნის დე-ფაქტო დედაქალაქია ბრეიდსი. 2006 წლის აღწერის შედეგად კუნძულზე ცხოვრობს 4655 ადამიანი, მოსახლეობის დიდი ნაწილი იმსხვერპლა 1995 წელს კუნძულზე ვულკან სუფრიერ-ჰილსის ამოფრქვევამ. მონსერატის აღმოსავლეთ ნაწილში მდებარეობს W. H. ბრამბლის აეროპორტი.
