სენ-პიერი და მიკელონი (ფრანგ.Collectivité territoriale de Saint-Pierre-et-Miquelon) — საფრანგეთისზღვისიქითა გაერთიანებაატლანტის ოკეანეში, კუნძულნიუფაუნდლენდის სამხრეთით. შედგება 8 კუნძულისაგან, რომელთაგან უდიდესია კუნძული სენ-პიერი და კუნძული მიკელონი. ფართობი — 242 კმ². მოსახლეობა — 7051 კაცი (2009 წელი), უმთავრესად ფრანგები. ადმინისტრაციული, მთავარი ეკონომიკური ცენტრი და ნავსადგური — ქალაქი სენ-პიერი. ოფიციალური ენა — ფრანგული. რელიგია — კათოლიკური. ჰავა ზომიერია, ნოტიო ოკეანის. იანვრის საშუალო ტემპერატურა −6 °C, ივლისის 14 °C. ნალექები — 1000 მმ-მდე წელიწადში. ბორცვიანი დაბლობებისა და პლატოების ქვიანი ზედაპირი არახელსაყრელია სოფლის მეურნეობისათვის. მოსახლეობის მთავარი საქმიანობაა თევზჭერა და გადამუშავება, სხვა ქვეყნების თევზსაჭერი გემების მომსახურება.
