ტაბაკინი

სოფელი
ტაბაკინი
ქვეყანა	საქართველო
მხარე	იმერეთის მხარეიმერეთის მხარე
მუნიციპალიტეტი	ზესტაფონის მუნიციპალიტეტი
თემი	კლდეეთი
კოორდინატები	42°03′20″ ჩ. გ. 43°02′07″ ა. გ.
ცენტრის სიმაღლე	380 მ
მოსახლეობა	754 კაცი (2014)
ეროვნული შემადგენლობა	ქართველები 100 %
რელიგიური შემადგენლობა	მართლმადიდებლები
სასაათო სარტყელი	UTC+4
სატელეფონო კოდი	+995

ტაბაკინი — სოფელი საქართველოში, იმერეთის მხარის ზესტაფონის მუნიციპალიტეტში, კლდეეთის თემში. მდებარეობს მდინარე აჯამურის (ყვირილის მარცხენა შენაკადი) ხეობაში. ზღვის დონიდან 380 მეტრი, ზესტაფონიდან 7 კილომეტრი. სოფელში არის საჯარო სკოლა.

დემოგრაფია

2014 წლის აღწერის მონაცემებით სოფელში ცხოვრობს 754 ადამიანი.

აღწერის წელი	მოსახლეობა	კაცი	ქალი
2002	925	475	450
2014	754	395	359

სახელწოდება

სავარაუდოდ სოფლის სახელწოდება ტაბაკინი მონასტრის მშენებლობასთანაა დაკავშირებული. მონასტრის მაშენებელთ ადგილობრივი მცხოვრებნი მოკლეფეხებიან მაგიდაზე — ტაბაკზე დალაგებული პურ-მარილით უმასპინძლდებოდნენ. „ტაბაკი მოაქვთ“ - დაიძახებდნენ ხოლმე მშენებლები და ამ წამოძახილმა ძირძველ სოფელს სახელად ტაბაკინი შეარქვა.

ღირსშესანიშნაობები

მთავარი სტატია: ტაბაკინის მონასტერი.

სოფელში დგას ქართული ხუროთმოძღვრების ძეგლი, წმინდა გიორგის სახელობის სამონასტრო კომლექსი, რომელშიც შედის VII-VIII საუკუნეების ორნავიანი ტაძარი, კრიპტითა და მინაშენით.

ლიტერატურა

• ქართული საბჭოთა ენციკლოპედია, ტ. 9, გვ. 633, თბ. 1985 წელი.

რესურსები ინტერნეტში

• ტაბაკინი