კლოდ დებიუსი

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
კლოდ აშილ დებიუსი
Achille-Claude Debussy
Claude Debussy ca 1908, foto av Félix Nadar.jpg
კლოდ დებიუსი, 1908, ფოტოგრაფი ფელიქს ნადარი
ბიოგრაფია
ნამდვილი სახელი კლოდ აშილ დებიუსი
დაბ. თარიღი 22 აგვისტო, 1862
სენ-ჟერმენ-ან-ლე, საფრანგეთი
გარდ. თარიღი 25 მარტი, 1918 (55 წლის)
პარიზი
ჟანრ(ებ)ი იმპრესიონიზმი
საქმიანობა კომპოზიტორი, კრიტიკოსი

კლოდ აშილ დებიუსი (ფრანგ. Achille-Claude Debussy; დ. 22 აგვისტო, 1862, სენ-ჟერმან-ან-ლე, პარიზის მახლობლად — გ. 25 მარტი, 1918, პარიზი) — ფრანგი კომპოზიტორი.

კლოდ დებიუსმა მუსიკალური განათლება მიიღო პარიზის კონსერვატორიაში, (1872-1884) სადაც სწავლობდა ა. მორმონტელთან (ფორტეპიანო) და ე. გიროსთან (კომპოზიცია). 1881 და 1882 წლებში იყო რუსეთში. კონსერვატორიის დამთავრების შემდეგ მიიღო რომის პრემია (კანტატისთვის „უძღები შვილი“). 1885-1886 წლებში ცხოვრობდა რომში. 1887 წელს პარიზში დაბრუნდა და დაუახლოვდა სიმბოლიზმსა და იმპრესიონიზმის წარმომადგენელ პოეტთა და მხატვართა ჯგუფს, რომელსაც სტეფან მალარმე ხელმძღვანელობდა.

დებიუსი მუსიკალური იმპრესიონიზმის ფუძემდებელია. მიუხედავად ჭვრეტითი ხასიათისა, დებიუსის მუსიკა პოეტურია. მისთვის დამახასიათებელია ნატიფი სტილი. დებიუსმა გადაახალისა მუსიკალური გამომსახველობის ფორმები, გაამდიდრა ბგერითი და საორკესტრო და საფორტეპიანო პალიტრა. ჰარმონიაში იგი არჩევდა „ციმციმა“ საღებავებს, კოლორიტისათვის იყენებდა ბუნებრივ კილოებს, პენტატონიკას, პოლიტონალობისა და ატონალობის ელემენტებს.

მისი შემოქმედებითი ტენდენციები მიიღო და განავითარა მრავალი ქვეყნის კომპოზიტორთა თაობებმა. დებიუსმა შექმნა მრავალი ჟანრის ნაწარმოებები. მის შემოქმედებაში განსაკუთრებული ადგილი უჭირავს პროგრამულ-ინსტრუმენტულ მუსიკას. მნიშვნელოვანი ნაწარმოებებია: ოპერა „პელეასი და მელიზანდი“ (მ. მეტერლინკის დრამის მიხედვით, 1902, პარიზი), ბალეტები „თამაშობანი“ (1912), „კამა“ (1912), „სათამაშოებიანი ყუთი“ (1913), მისტერია „წმინდა სებასთიანის წამება“ (გ. დ'ანუნციოს ტექსტზე, 1911); პოემა ხმისა და ორკესტრისათვის „ქალწული-რჩეული“ (გ. როსეტის სიტყვებზე, 1888) პრეულიდა სიმფონიური ორკესტრისათვის „ფავნის დასვენება ნაშუადღევს“ (ს. მალარმეს მიხედვით, 1892-1894) ტრიპთიქი „ნოქთიურნები“ („ღრუბლები“, „დღესასწაულები“, „სირინოზები“ 1897-1899) 3 ესკიზი „ზღვა“ (1903-1905) სიუიტა „იბერია“ (1908), მრავალი ნაწარმოები ფორტეპიანოსათვის, მ. შ. „ესტამპები“ (1903), „სიხარულის კუნძული“, (1904), 24 პრელუდია (2 რვეული, 1910-1913), 12 ეტიუდი (2 რვეული, 1915), ინსტრუმენტ. ანსამბლები, 50-ზე მეტი სიმღერა (რომანსები) და სხვა.

კლოდ დებიუსი გარდაიცვალა 1918 წლის 25 მარტს ნაწლავის კიბოს შედეგად.[1]

მუსიკალური ნაწყვეტები[რედაქტირება | წყაროს რედაქტირება]

12 პრელუდია (II რვეული, 1913)[რედაქტირება | წყაროს რედაქტირება]

ლიტერატურა[რედაქტირება | წყაროს რედაქტირება]

  • ქსე, გვ. 417.
  • Fulcher, Jane (ed.) (2001). Debussy and His World (The Bard Music Festival). Princeton: Princeton University Press. ISBN 0-691-09042-4. 
  • Lücke, Hendrik (2005): Mallarmé, Debussy: Eine vergleichende Studie zur Kunstanschauung am Beispiel von „L'Après-midi d'un Faune“. Schriftenreihe Studien zur Musikwissenschaft 4. Hamburg: Dr. Kovac. ISBN 3-8300-1685-9.

რესურსები ინტერნეტში[რედაქტირება | წყაროს რედაქტირება]

Commons-logo.svg
ვიკისაწყობში? არის გვერდი თემაზე:

სქოლიო[რედაქტირება | წყაროს რედაქტირება]

  1. Debussy, Claude Achille The Columbia Electronic Encyclopedia, 6th ed. Columbia University Press. დაარქივებულია 12 ივლისი, 2010.