რაჯკოტი (გუჯარათ. રાજકોટ (მოსმენა) (?·i)) — მესამე უდიდესი შტატი ინდოეთის გუჯარათის შტატში. იგი ინდოეთის 23-ე უდიდესი აგლომერაციაა 1,6 მილიონ (2012) მოსახლეზე მეტით.[1][2] მინიჭებული აქვს მსოფლიოს 22-ე ყველაზე სწრაფადმზარდი ქალაქის კატეგორია 2006 - 2020 წლებში.[3] წარმოადგენს რაჯკოტის რაიონის ადმინისტრაციულ ცენტრს.
მდებარეობს შტატის დედაქალაქ განდინაგარიდან 245 კმ-ს დაშორებით, მდინარე აჯისა და ნიარის ნაპირებზე. 1948 წლის 15 აპრილიდან 1956 წლის 31 ოქტომბრამდე რაჯკოტი საურაშტრის რეგიონის დედაქალაქი იყო სანამ ეს უკანასკნელი 1956 წლის 1 ნოემბერს ბომბეის შტატს შეერწყმებოდა. 1960 წლის 1 მაისიდან რაჯკოტი გუჯარათის შტატის შემადგენლობაში გადავიდა.
რაჯკოტი 1607 წელს დაარსდა და არსებობის განმავლობაში, მრავალი მმართველის ხელში იმყოფებოდა. თავის დროზე, იგი საურაშტრის მთავარი კომერციული ცენტრი იყო. ქალაქს დიდი ისტორია გააჩნია და მან მნიშვნელოვანი როლი შეასრულა ინდოეთის დამოუკიდებლობის მოძრაობაში.
