ნაშიკი

მასალა ვიკიპედიიდან — თავისუფალი ენციკლოპედია
ქალაქი
ნაშიკი
მარათჰი नाशिक
ქვეყანა ინდოეთის დროშა ინდოეთი
შტატი მაჰარაშტრა
კოორდინატები 20°00′00″ ჩ. გ. 73°47′00″ ა. გ. / 20.00000° ჩ. გ. 73.78333° ა. გ. / 20.00000; 73.78333
ფართობი 264.23 კმ²
ცენტრის სიმაღლე 560
მოსახლეობა 1 585 444 კაცი (2010)
სიმჭიდროვე 6 000 კაცი/კმ²
სასაათო სარტყელი UTC+5:30
სატელეფონო კოდი +91(253)
საფოსტო ინდექსი 422001
ოფიციალური საიტი nashik.nic.in
ნაშიკი — ინდოეთი
ნაშიკი

ნაშიკი (მარათჰი नाशिक) — ქალაქი ინდოეთში, მაჰარაშტრის შტატში. მდებარეობს შტატის ჩრდილო-დასავლეთ ნაწილში, მუმბაიდან 180 და პუნადან 202 კმ-ის დაშორებით. წარმოადგენს ნაშიკის რაიონისა და დივიზიონის ადმინისტრაციულ ცენტრს. ნაშიკს ხშირად „ინდოეთის ღვინის დედაქალაქს“ უწოდებენ[1] და იგი გაშენებულია დასავლეთ გჰატებში, დეკანის პლატოს დასავლეთ კიდეზე, მდინარე გოდავარის ნაპირებზე. ნაშიკი მაჰარაშტრის შტატის ყველაზე სწრაფადმზარდი ქალაქია. განსაკუთრებით აყვავდა ბოლო 20 წლის მანძილზე. სახელი მიიღო მითიდან, რომლის მიხედვითაც მეფე რამას ძმამ, ლუხმამამ მის დას, სურპანაკჰას ცხვირი მოაჭრა, „ნაშიკა“ კი სანსკრიტზე ცხვირს ნიშნავს. საქვეყნოდაა ცნობილი ნაშიკის ალმასი,[2] ქალაქის პეიზაჟური გარემომცველი არე და სასიამოვნო კლიმატი. 2010 წლის მონაცემებით, მისი მოსახლეობა 1 585 444 ადამიანია,[3] რის შედეგადაც ნაშიკი შტატის მეოთხე უდიდესი ურბანული არეალია. ამავე დროს, იგი შტატის მესამე ყველაზე ინდუსტრიალიზებული ქალაქია მუმბაისა და პუნას შემდეგ.[4]

ნაშიკი ინდუისტებისთვის მსოფლიოში ერთ-ერთი ყველაზე უწმინდესი ქალაქია. 12 წელიწადში ერთხელ, იდნოეთის ოთხ სხვა ქალაქთან ერთად, აქ იმართება მომლოცველობითი დღესასწაული კუმბჰ-მელა. XVI საუკუნეში ქალაქი მოგოლთა იმპერიის შემადგენლობაში შევიდა და მას გულშანდაბადი ეწოდა. აღსანიშნავია მისი მონაწილეობა ინდოეთის დამოუკიდებლობისათვის ბრძოლაში.

იხილეთ აგრეთვე[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. Nashik, the Whiskey capital of India. rediff.com (2005-03-16). ციტირების თარიღი: 2009-02-28.
  2. The Court (1930). Mayers, Osterwald & Muhlfeld v. Bendler. United States Court of Customs and Patent Appeals, გვ. 118. ციტირების თარიღი: 2008-11-14. 
  3. &Copy; Th. Brinkhoff. (2010-01-23) The Principal Agglomerations of the World - Population Statistics & Maps. Citypopulation.de. ციტირების თარიღი: 2010-07-16.
  4. Divisional Commissioner Office. Nashik. დაარქივებულია ორიგინალიდან — 2011-07-16. ციტირების თარიღი: 2010-07-16.