|
ქალაქი
|
ფარიდაბადის ერთ-ერთი ქუჩა |
|
ფარიდაბადი (ჰინ. फरीदाबाद) — ქალაქი ინდოეთში, ჰარიანის შტატის სამხრეთ-აღმოსავლეთ ნაწილში, ფარიდაბადის რაიონში. მოსახლეობის ძირითად ნაწილს სიქები და ინდუსები შეადგენენ.
ქალაქი 1607 წელს შეიხმა ფარიდმა დააარსა ამ ტერიტორიაზე გამავალი გზის დაცვის მიზნით. შეიხმა ააშენა ციხესიმაგრე, წყლის რეზერვუარი და მეჩეთი, რომელთა ნანგრევები დღესაცაა შემორჩენილი. 1979 წლის 15 აგვისტოს, ფარიდაბადი შტატის მე-12 რაიონი გახდა.
ფარიდაბადი დელიდან დაახლოებით 25 კმ-ით სამხრეთით მდებარეობს. ჩრდილოეთით სწორედ დედაქალაქის ოლქი ესაზღვრება, დასავლეთით — გუარონის რაიონი, აღმოსავლეთით და სამხრეთით კი უტარ-პრადეშის შტატი.
ქალაქი გაშენებულია ვაკეზე, რომელსაც აღმოსავლეთით მდინარე იამუნა ესაზღვრება, დასავლეთით და სამხრეთ-დასავლეთით კი არავალის ბორცვები.
