კარაბობოს შტატი

კარაბობოს შტატი
Estado Carabobo

გერბი	დროშა
ქვეყანა	ვენესუელა
სტატუსი	შტატი
მოიცავს	14 მუნიციპალიტეტს
ადმინ. ცენტრი	ვალენსია
შექმნის თარიღი	1864
მოსახლეობა (2007)	2 227 000 კაცი (მე-4 ადგილი)
ფართობი	4 650 კმ² (0,51% %, 21-ე ადგილი)
დროის სარტყელი	UTC-04:30
კოდი ISO 3166-2	VE-G
ოფიციალური ვებ-გვერდი
	Carabobo

კარაბობო (ესპ. Estado Carabobo) — შტატი ვენესუელაში, მდებარეობს ქვეყნის ჩრდილოეთ ნაწილში, კარაკასიდან დაახლოებით 2 საათის სავალ ნაწილზე. დედაქალაქია ვალენსია, რომელიც ამავე დროს ვენესუელის მთავარი სამრეწველო ცენტრია. შტატის ფართობი 4 650 კმ²-ია, ხოლო მოსახლეობა 2 227 000 ადამიანი (2007).

1821 წლის 24 ივნისს შტატის ტერიტორიაზე გაიმართა კარაბობოს ბრძოლა. ეს ბრძოლა გადამწყვეტი იყო ესპანეთთან ბრძოლაში ვენესუელის დამოუკიდებლობისათვის და მას სიმონ ბოლივარი ხელმძღვანელობდა.

გეოგრაფია

რეგიონის დაახლოებით 75% მთებითაა დაფარული, რომლებიც ვენესუელის სანაპირო ზოლის მთის მასივს მიეკუთვნება. უმაღლესი მწვერვალები შტატის ჩრდილოეთ და დასავლეთ ნაწილებში, ასევე ვალენსიის ტბის სამხრეთით მდებარეობს. მათ შორის უმაღლესია მწვერვალი კაბოლონგო (1990 მ).

ვალენსიის ტბის ირგვლივ გადაჭიმულია ცენტრალური დაბლობის ვაკე და მთისწინები სამხრეთით, სადაც ვენესუელის ლიანოსი იწყება.

ისტორია

როდესაც თანამედროვე ვენესუელის ტერიტორიაზე პირველი ევროპელები გამოჩნდნენ, ერთ-ერთი უმნიშვნელოვანესი კულტურული ცენტრები ვალენსიის ტბის მიდამოებში მდებარეობდა. ადგილობრივი ინდიელები ძირითადად ნადირობას და შემგროვებლობას, ასევე მეთევზეობას და ფერმერულ მეურნეობას მისდევდნენ. შემორჩენილია ამ პერიოდის მრავალი პეტროგლიფი და კერამიკის ნიმუში.

ვალენსიის რეგიონში აღმოჩენილია ადამიანთა ცხოვრების კვალი, რომელიც ძვ. წ. მეოთხე ათასწლეულს მიეკუთვნება. ასევე აღმოჩენილია სხვა უფრო ადრეული დასახლებები.

ვალენსიის მიდამოებში მნიშვნელოვანი დასახლებები არსებობდა ახ. წ. 200-1000 წლებში.

პირველი ათასწლეულის დასასრულს, ორინოკოს რეგიონიდან ახალი მოსახლეობა მოვიდა, სავარაუდიდ მდინარე ელ-პაოს გამოვლით.

მუნიციპალიტეტები

კარაბობოს შტატი მოიცავს 14 მუნიციპალიტეტს, ესენია:

მუნიციპალიტეტი	დედაქალაქი	ფართობი კმ²	მოსახლეობა (2007)	რუკა
ბეხუმა	ბეხუმა	469	45 306
კარლოს-არველო	გუიგუე	835	146 598
დიეგო-იბარა	მარიარა	79	110 131
გუაკარა	გუაკარა	165	171 123
ხუან-ხოსე-მორა	მორონი	453	65 239
ლიბერტადორი	ტოკუიტო	558	175 255
ლოს-გაიოსი	ლოს-გაიოსი	64	157 787
მირანდა	მირანდა	161	27 609
მონტალბანი	მონტალბანი	107	23 712
ნაგუანაგუა	ნაგუანაგუა	188	143 315
პუერტო-კაბელიო	პუერტო-კაბელიო	434	194 593
სან-დიეგო	სან-დიეგო	106	74 941
სან-ხოაკინი	სან-ხოაკინი	127	60 953
ვალენსია	ვალენსია	623	830 420

იხილეთ აგრეთვე

• ვენესუელის შტატები

რესურსები ინტერნეტში

• შტატის ოფიციალური ვებ-გვერდი