იარაკუი

იარაკუის შტატი
Estado Yaracuy

გერბი	დროშა
ქვეყანა	ვენესუელა
სტატუსი	შტატი
მოიცავს	14 მუნიციპალიტეტს
ადმინ. ცენტრი	სან-ფელიპე
შექმნის თარიღი	1909
მოსახლეობა (2007)	597 700 კაცი (მე-18 ადგილი)
ფართობი	7 100 კმ² (0,77 %, მე-19 ადგილი)
დროის სარტყელი	UTC-04:30
კოდი ISO 3166-2	VE-U
ოფიციალური ვებ-გვერდი
	Yaracuy

ტირგუის ეროვნული პარკი

იარაკუი (ესპ. Estado Yaracuy) — შტატი ვენესუელაში. ჩრდილოეთით ესაზღვრება ფალკონის შტატი, დასავლეთით — ლარას შტატი, სამხრეთით კოხედესისა და პორტუგესის, აღმოსავლეთით კი კოხედესისა და კარაბობოს შტატები. ტერიტორიის მთლიანი ფართობი 7 100 კმ²-ს შეადგენს, მოსახლეობა კი 2007 წლის მონაცემებით 597 700 ადამიანია.

შტატი მთიანია, აქ მთავრდება ანდების მასიბი და იწყება სანაპირო ზოლის მასივი. ტერიტორიას გადაკვეთს მთის ორი სისტემა — სიერა-დე-აროა და სიერა-დე-ნირგუა. მათ შორის მდებარეობს სასოფლო-სამეურნეო მიწა, რომელსაც რწყავს მდინარე იარაკუი. ამავე ხეობაში მდებარეობს შტატის ქალაქებისა და სოფლების უმრავლესობა, მათ შორისაა დედაქალაქი სან-ფელიპე.

ეკონომიკის ძირითადი დარგია აგრარული სექტორი (შაქრის ლერწამი, ხორბალი, მეცხოველეობა), ასევე მცირე მანუფაქტურული წარმოება.

ბოლო წლებში, შტატმა განიცადა შესამჩნევი ეკონომიკური ზრდა და სოციალური განვითარება.

მუნიციპალიტეტები და მუნიციპალური ცენტრები

ადმინისტარციულად, იარაკუის შტატი იყოფა 14 მუნიციპალიტეტად:

#	მუნიციპალიტეტი	ცენტრი
1	არისტიდეს-ბასტიდასი	სან-პაბლო
2	ბოლივარი	აროა
3	ბრუსუალი	ჩივაკოა
4	კოკოროტე	კოკოროტე
5	ინდეპენდენსია	ინდეპენდენსია
6	ხოსე-ანტონიო-პაესი	საბანა-დე-პარა
7	ლა-ტრინიდადი	ბორაურე
8	მანუელ-მონხე	იუმარე
9	ნირგუა	ნირგუა
10	პენია	იარიტაგუა
11	სან-ფელიპე	სან-ფელიპე
12	სუკრე	გუამა
13	ურაჩიჩე	ურაჩიჩე
14	ვეროესი	ფარიარი

იხილეთ აგრეთვე

• ვენესუელის შტატები

რესურსები ინტერნეტში

• Página del gobierno de Yaracuy.