ზესტაფონი (საფეხბურთო კლუბი)

ზესტაფონი

სრული სახელი	საფეხბურთო კლუბი ზესტაფონი
დაარსდა	2004
სტადიონი	დავით აბაშიძის სტადიონი ზესტაფონი, საქართველო (ტევადობა: 4 600)
პრეზიდენტი	ილია კოკაია
მწვრთნელი	გია ჭიაბრიშვილი
ლიგა	უმაღლესი ლიგა
2011–12	ჩემპიონი
ვებსაიტი	ოფიციალური ვებგვერდი
ძირითადი ფორმა რეზერვის ფორმა მესამე ფორმა

„ზესტაფონი“ — საფეხბურთო კლუბი ქალაქ ზესტაფონში, შეიქმნა 2004 წლის 18 ივნისს სააქციო საზოგადოება „გ. ნიკოლაძის სახელობის ზესტაფონის ფეროშენადნობთა ქარხნის“ აქციონერთა ინიციატივით. იმავე, 2004 წელს, „ზესტაფონის“ მთავარი გუნდი ჩაერთო საქართველოს XIV-ე ეროვნულ ჩემპიონატში, უმაღლესი ლიგის გუნდებს შორის.

სადღეისოდ, საფეხბურთო კლუბის სისტემაში მთავარ გუნდთან ერთად შედიან: „ზესტაფონი — 2“ (საქართველოს ჩემპიონატის უმაღლესი ლიგის დუბლიორთა ტურნირის მონაწილე) და ჭაბუკთა გუნდები.

საფეხბურთო კლუბი „ზესტაფონის“ შექმნის შემდეგ გარემონტდა ზესტაფონის ცენტრალური სტადიონი, დაიგო ახალი ხელოვნურსაფარიანი სათამაშო მოედანი, მინდორზე დამონტაჟდა უახლესი ტექნოლოგიების შესაბამისი სადრენაჟო და სარწყავი სისტემები, მიმდიანრეობს კლუბის ბაზის მშენებლობა და ა. შ.

ისტორია

საწყისი წლები

ფეხბურთს ზესტაფონში თამაშობდნენ XX-ე საუკუნის 10-იანი წლების დასაწყისიდან. პირველი ზესტაფონელი ფეხბურთელები იყვნენ ადგილობრივი გიმნაზიის (თანამედროვე I საჯარო სკოლა) აღსაზრდელები. ქალაქ ზესტაფონის საფეხბურთო ნაკრები პირველად შეიკრიბა 1918 წელს, როდესაც საქართველოს სახელმწიფოებრივი დამოუკიდებლობის აღდგენასთან დაკავშირებით ორგანიზებულ დღესასწაულზე ამხანაგურად გაეჯიბრა დასავლეთ საქართველოს ერთ-ერთი ქალაქის გუნდს (სხვადასხვა წყაროების მიხედვით, სენაკი ან ოზურგეთი). პირველი საერთაშორისო მატჩი გაიმართა ზესტაფონში ასევე დამოუკიდებლობის პერიოდში, კერძოდ 1920 წელს. ზესტაფონის ნაკრებმა უმასპინძლა ბრიტანეთის იმპერიის საოკუპაციო ჯარების გუნდს და დაამარცხა იგი ანგარიშით 2-1. 20-იან წლებშიც ზესტაფონელი ფეხბურთელები არაერთხელ შეხვედრიან მეზობელი ქალაქების გუნდებს. 30-იან წლებში ზესტაფონში შეიქმნა ორი საფეხბურთო გუნდი — „მერცხალი“ და „ლოკომოტივი“, რომლებმაც მრავალჯერ მიიღეს მონაწილეობა შიდასაქალაქო და რეგიონალურ ტურნირებში.

მეტალურგი

ახალი ეპოქა ზესტაფონის ფეხბურთის ისტორიაში იწყება 30-იანი წლების მეორე ნახევარში, მას შემდეგ რაც ამოქმედდა ზესტაფონის ფეროშენადნობთა ქარხანა. სწორედ ქარხნის პროფკომიტეტის ინიციატივით 1937 წლის 10 მაისს გაიმართა ფიზიკური კულტურის მუშაკთა თათბირი, რომელმაც მიიღო გადაწყვეტილება ფეხბურთელთა გუნდის ჩამოყალიბების შესახებ. გუნდს ეწოდა „მეტალურგი“. 1938 წლის აგვისტოში „მეტალურგმა“ მონაწილეობა მიიღო ქალაქ მინსკში გამართულ სპორტსაზოგადოება „მეტალურგი“-ს საკავშირო ტურნირში, სადაც ერთმანეთის მიყოლებით დაამარცხა მოსკოვის „ელექტროსტალი“, სტალინგრადის „კრასნი ოქტიაბრი“, ლენინგრადის „მეტალურგი“ და მხოლოდ ფინალში დამარცხდა „სერპ ი მოლოტი“-ის გუნდთან. ამავე 1938 წლის შემოდგომიდან ზესტაფონის „მეტალურგი“ ჩაერთო საქართველოს ჩემპიონატში, რომელშიდაც სისტემატურად მონაწილეობდა 1989 წლის ჩათვლით.

მარგვეთი

1990 წელს საქართველო გავიდა საკავშირო ფეხბურთის ფედერაციის შემადგენლობიდან, შეიქმნა საქართველოს ფეხბურთის ფედერაცია და დაიწყო საქართველოს საფეხბურთო ჩემპიონატი.

1990 წელს ზესტაფონში შეიქმნა ახალი კლუბი — საფეხბურთო კლუბი „მარგვეთი“, რომელმაც დაიკავა „მეტალურგის“ ადგილი საქართველოს ეროვნული ჩემპიონატის I ჯგუფში და პირველივე წელს გადავიდა უმაღლეს ლიგაში. 1993 და 1996 წლებში „მარგვეთი“ საქართველოს თასის გათამაშების ნახევარფინალში გავიდა. 1996 წელს „მარგვეთი“ საქართველოს ვიცე-ჩემპიონი გახდა და უეფა-ს თასის გათამაშების საკვალიფიკაციო რაუნდში მონაწილეობას უფლება მიიღო. ფინანსური პრობლემების გამო 1998 წელს კლუბი დაიშალა.

1999—2004 წლებში კვლავ გამოჩნდა ასპარეზზე საფეხბურთო კლუბი „მეტალურგი“, რომელმაც 2001—2003 წლებში მოახერხა უმაღლეს ლიგაში თამაში. თუმცა ეს გუნდიც დაიშალა.

ზესტაფონი

2004 წლის 18 ივნისს შეიქმნა ახალი გუნდი — საფეხბურთო კლუბი „ზესტაფონი“. „ზესტაფონმა“ არსებობის პირველ სამ წელიწადში ეროვნულ ჩემპიონატებში მე-5 და ორჯერ მე-4 ადგილი დაიკავა და ზედიზედ სამჯერ მონაწილეობდა დავით ყიფიანის სახელობის ეროვნული თასის გათამაშების ფინალურ მატჩებში.

2008 წლის 16 მაისს, საფეხბურთო კლუბმა „ზესტაფონმა“ საქართველოს დავით ყიფიანის თასის გათამაშების ფინალში დაამარცხა თბილისის „ამერი“ 2:1 და არსებობის ისტორიაში პირველი ტიტული მოიპოვა. 2010-2011 წლების სეზონში ზესტაფონი პირველად გახდა საქართველოს ჩემპიონი. გუნდმა ეს ტიტული მომდევნო სეზონშიც დაიცვა.

სტადიონი

მთავარი სტატია : დავით აბაშიძის სტადიონი.

ზესტაფონის ცენტრალურმა სტადიონმა, რომელიც აშენებულია ზესტაფონის ფეროშენადნობთა ქარხნის მიერ, ფუნქციონირება დაიწყო 1952 წელს. თუმცა რამდენიმე მატჩი მშენებარე სტადიონზე ჩატარდა ოფიციალური გახსნის წინა, 1951 წელსაც. 1981 წელს არენაზე ჩატარდა სარეკონსტრუქციო სამუშაოები, გადაიხურა დასავლეთის და აგებულ იქნა აღმოსავლეთის ტრიბუნა, რის შემდეგაც სტადიონის ტევადობა გაიზარდა 8000 ადგილამდე.

ცენტრალური სტადიონი

2004 წელს კლუბ „ზესტაფონის“ შექმნის შემდეგ, ზესტაფონის ცენტრალურ სტადიონზე ჩატარდა და დღესაც მიმდინარეობს სამშენებლო სამუშაოები, რომელთა მიზანია არენის განახლება და თანამედროვე სტანდარტებთან მიახლოვება.

2005 წლის ზაფხულში სტადიონზე ჩატარდა მინდვრის საფარის გამოცვლასთან დაკავშირებული სამუშაოები. დამონტაჟდა გერმანული ტექნოლოგიით შექმნილი ახალი სადრენაჟო სისტემა, ამერიკული ფირმა „რაინბიორდის“ სარწყავი სისტემა, რომელიც წარმატებით გამოიცადა 2004 წელს პორტუგალიაში გამართული ევროპის ჩემპიონატის მასპინძელ 8 სტადიონზე. ზესტაფონის ცენტრალურ სტადიონზე დაგებულია მინდვრის საფარი – თურქული ფირმა „ჩიმექსის“ მიერ დამზადებული „ნატურალური მწვანე ხალიჩა“. სწორედ ამ ფირმის პროდუქციაა გამოყენებული „ბეშიქთაშისა“ და „ფენერბაჰჩეს“ მშობლიურ არენებზე, ასევე რუსთავის „მეტალურგის“ სტადიონზე. კლუბის ხელმძღვანელობის მიერ დაგეგმილია კლუბისათვის ახალი ბაზის აშენება, ახალი ტრიბუნების აგება, თანამედროვე ტაბლოს დამონტაჟება და სხვა.

ტიტულები

მეტალურგი

• საქართველოს ჩემპიონატის ვერცხლის პრიზიორი — 1967, 1970, 1982 წლებში
• საქართველოს თასის ფინალისტი — 1966, 1967, 1971 წლებში
• საქართველოს თასის მფლობელი — 1962 წელს
• საქართველოს ვიცე-ჩემპიონი, „მეტალურგი“, 1970 წელი

ზესტაფონი

• საქართველოს ჩემპიონი (2): 2010–11, 2011–12
• საქართველოს თასის მფლობელი (1): 2007-08
• საქართველოს სუპერთასის მფლობელი (1): 2011

ფეხბურეთელები

შემადგენლობა 2011/12

2012 წლის 21 თებერვლისათვის.

ნომერი პოზიცია მოთამაშე 2 მცველი თეიმურაზ ღონღაძე 3 ნახევარმცველი დავით რაჟამაშვილი 4 მცველი გიორგი ონიანი 5 მცველი მამუკა კობახიძე 7 მცველი ალექსი ბენაშვილი 8 ნახევარმცველი გოგა ბერაია 9 ნახევარმცველი თორნიკე გორგიაშვილი 10 თავდამსხმელი რატი წინამძღვრიშვილი 11 თავდამსხმელი ჯაბა დვალი 12 მეკარე ზურაბ მამალაძე 13 ნახევარმცველი შოთა გრიგალაშვილი 14 ნახევარმცველი ლევან შარიქაძე

ნომერი პოზიცია მოთამაშე 16 მცველი გიორგი ხიდეშელი 18 ნახევარმცველი ზურაბ მენთეშაშვილი 20 მცველი ზაალ ელიავა 23 ნახევარმცველი დავით მუჯირი 27 ნახევარმცველი შოთა ბაბუნაშვილი 28 ნახევარმცველი გურამ სამუშია 32 მცველი ედიკ საჯაია 55 ნახევარმცველი თორნიკე აფციაური 80 თავდამსხმელი აბაიომი ოვონიკოკო 89 მეკარე როინ კვასხვაძე 90 მეკარე კახაბერ მეშველიანი 99 თავდამსხმელი საბა ლომია

ცნობილი ფეხბურთელები

ვიკისაწყობში^? არის გვერდი თემაზე:

ზესტაფონის ფეხბურთელები

• გურამ შავდია
• ზაურ ჩუბინიძე
• გურამ ნიშნიანიძე
• ჟორა ჭუმბურიძე
• გურამ ქოჩიაშვილი
• დოდიკ ხუნდაძე
• გურამ პეტრიაშვილი
• ქართლოს ცინცაძე
• გიორგი განუგრავა
• ბექა გოცირიძე
• გიორგი ფიფია
• ჟილვან ვიეირა
• უჩა ლობჟანიძე

ბომბარდირები

წელი	ფეხბურთელი	ქვეყანა	გოლები
2010-11	ნიკოლოზ გელაშვილი	საქართველო	18
2009-10	ნიკოლოზ გელაშვილი	საქართველო	16
2008-09	ნიკოლოზ გელაშვილი	საქართველო	20
2007-08	ჟილვან ვიეირა	ბრაზლია	12
2006-07	გიორგი ფიფია	საქართველო	13
2005-06	ზურაბ იონანიძე	საქართველო	12

ზესტაფონის მწვრთნელები

პერიოდი	მწვრთნელი	ტიტ. რაოდ.	ტიტული
2011 —	გია ჭიაბრიშვილი
2008 — 2011	გია გეგუჩაძე	1	საქართველოს ჩემპიონი
2006 — 2008	თემურ მახარაძე	1	საქართველოს თასი
2006	მერაბ კოჭლაშვილი
2005 — 2006	კობა ჟორჟიკაშვილი
2004 — 2005	ვლადიმირ ზემლიანოი

ტექნიკური შტაბი

• კლუბის პრეზიდენტი - ილია კოკაია
• ვიცე პრეზიდენტი - ვასილ გველესიანი
• გუნდის უფროსი - ვლადიმერ პანოვი
• პრეს ატაშე - სერგო ფუტკარაძე
• ექიმი - ლევან გოგნიაშვილი
• ადმინისტრატორი - თემურ ძიძიშვილი
• ვიდეო ოპერატორი - თემურ კვინიკაძე
• მასაჟისტი - ზაზა გოგლიჩიძე
• მასაჟისტი - თემურ გამყრელიძე
• მძღოლი - გიორგი ძაბირაძე

რესურსები ინტერნეტში

• შეგიძლიათ იხილოთ მედიაფაილები თემაზე „ს.კ. ზესტაფონი“ ვიკისაწყობში.
• ოფიციალური საიტი
• soccerway.com