ჯორჯ ჰერბერტ უოლკერ ბუში

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
ჯორჯ ჰერბერტ უოლკერ ბუში
George Herbert Walker Bush
ჯორჯ ჰერბერტ უოლკერ ბუშიGeorge Herbert Walker Bush
აშშ-ის 41-ე პრეზიდენტი
თანამდებობაზე ყოფნის დრო
20 იანვარი, 1989 – 20 იანვარი, 1993
ვიცე-პრეზიდენტი   დენ ქუეილი
წინამორბედი რონალდ რეიგანი
მემკვიდრე ბილ კლინტონი

თანამდებობაზე ყოფნის დრო
20 იანვარი, 1981 – 20 იანვარი, 1989
პრეზიდენტი რონალდ რეიგანი
წინამორბედი უოლტერ მონდეილი
მემკვიდრე დენ ქუეილი

თანამდებობაზე ყოფნის დრო
30 იანვარი, 1976 – 20 იანვარი, 1977
პრეზიდენტი ჯერალდ ფორდი

აშშ-ის ელჩი გაეროში
აშშ-ის დროშა გაეროს დროშა
თანამდებობაზე ყოფნის დრო
1971 – 1973
პრეზიდენტი რიჩარდ ნიქსონი

თანამდებობაზე ყოფნის დრო
3 იანვარი, 1967 – 3 იანვარი, 1971

დაბადებული 12 ივნისი, 1924
მილტონი, მასაჩუსეტსი
პოლიტიკური პარტია რესპუბლიკური პარტია
მეუღლე ბარბარა ბუში
საქმიანობა ბიზნესმენი
ხელმოწერა George HW Bush Signature.svg

ჯორჯ ჰერბერტ უოლკერ ბუში (ინგლ. George Herbert Walker Bush; დ. 12 ივნისი, 1924, მილტონი, მასაჩუსეტსი) — ამერიკის შეერთებული შტატების რიგით 41-ე პრეზიდენტი 1989-1993 წლებში რესპუბლიკური პარტიიდან. რონალდ რეიგანის პრეზიდენტობის დროს 1981-1989 წლებში აშშ-ის ვიცე-პრეზიდენტი იყო.

ბუში მასაჩუსეტსში დაიბადა. მისი მამა პრესკოტ ბუში ბანკირი და სენატორი იყო კონექტიკუტიდან. 1941 წელს პერლ-ჰარბორზე თავდასხმის შემდეგ ბუშმა კოლეჯში სასწავლებლად წასვლა გადადო და, 18 წლის ასაკში, აშშ-ის სამხედრო-საზღვაო ფლოტის იმ დროისთვის ყველაზე ახალგაზრდა ავიატორი გახდა. მეორე მსოფლიო ომში, მან 58 საბრძოლო მისია გადააფრინა. ერთ–ერთ მისიაზე, წყნარ ოკეანეზე გადაფრენისას, ბუში იაპონიის ჰაერსაწინააღმდეგო ძალებმა ჩამოაგდეს, ის აშშ–ის წყალქვეშა ნავმა იხსნა. ბუში ბრძოლაში გამოჩენილი სიმამაცისთვის დააჯილდოვეს. იგი ჯარში ომის დასრულებამდე მსახურობდა. ამის შემდეგ ის იელის უნივერსიტეტში სწავლობდა. უნივერსიტეტში მან თავი სპორტში გამოიჩინა: კალათბურთის გუნდის კაპიტანი გახდა. 1945 წელს დაქორინდა ბარბარა პირსზე, რომელთანაც 6 შვილი ეყოლა: ჯორჯი, რობინი, ჯონი ნილი, მარვინი და დოროთი. 1948 წელს ბუში თავის ოჯახით ტეხასში გადავიდა და ნავთობის ბიზნესში ჩაება. 40 წლის ასაკში იგი უკვე მილიონერი იყო.

ბუში პოლიტიკაში საკუთარი ნავთობკომპანიის დაარსებიდან მალე ჩაება. იგი ორი ვადის განმავლობაში იყო ტეხასის წარმომადგენელი წარმომადგენელთა პალატაში. ასევე დიპლომატიურ თანამდებობებზე და ცენტრალური სადაზვერვო სამმართველოს დირექტორად მუშაობდა. 1980 წელს მან წარუმატებლად სცადა პრეზიდენტის ნომინაციის მოპოვება, მაგრამ რესპუბლიკურ პრაიმერებში გამარჯვებულმა რონალდ რეიგანმა იგი ვიცე-პრეზიდენტობის კანდიდატად დაასახელა.

1988 წელს ბუში რეიგანის მემკვიდრედ აირჩიეს პრეზიდენტის პოსტზე. მან არჩევნებში მასაჩუსეთსის გუბერნატორი მაიკლ დუკაკისი დაამარცხა. მისი პრეზიდენტობისას ბერლინის კედელი დაეცა, ხოლო ვარშავის პაქტი და საბჭოთა კავშირი დაიშალა. ასევე იგი სამხედრო შეჭრას პანამაში და სპარსეთის ყურის ომს ხელმძღვანელობდა. სამხედრო ტრიუმფის გამოწვეული მიუხედავად, შიდა საკითხებში წინასაარჩევნო დაპირებების ღალატმა და გადასახადების გაზრდამ რესპუბლიკელ ამომრჩევლებში მისი პოპულარულობის დაცემა გამოიწვია. ეკონომიკური პრობლემების ფონზე იგი 1992 წლის საპრეზიდენტო არჩევნებში დემოკრატმა ბილ კლინტონმა დაამარცხა.

იგი აშშ-ის ყოფილი პრეზიდენტის ჯორჯ უოლკერ ბუშის და ფლორიდის ყოფილი გუბერნატორის ჯებ ბუშის მამაა.

Commons-logo.svg
ვიკისაწყობში? არის გვერდი თემაზე: