სევილია (საფეხბურთო კლუბი)

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
სევილია
Sevilla fc.gif
სრული სახელი Sevilla Fútbol Club
მეტსახელი სევილიელები (ესპ. Sevillistas)
წითელ-თეთრები (ესპ. Los Rojiblancos)
ნერვიონელები (ესპ. Los Nervionenses)
დაარსდა 14 ოქტომბერი 1905; 112 წლის წინ (1905-10-14)
სტადიონი რამონ სანჩეს პისხუანი,
სევილია, ანდალუსია, ესპანეთი
(ტევადობა: 45.500 მაყურებელი)
პრეზიდენტი ესპანეთის დროშა ხოზე კასტრო კარმონა
მწვრთნელი არგენტინის დროშა ედუარდო ბერისო
კაპიტანი ესპანეთის დროშა ვისენტე იბორა
ლიგა პრიმერა დივიზიონი
2016-17 მე-4 ადგილი
საიტი ოფიციალური
ძირითადი ფორმა
რეზერვის ფორმა
მესამე ფორმა

„სევილია“ (ესპ. Sevilla Fútbol Club S.A.D) — ესპანური საფეხბურთო კლუბი ამავე სახელწოდების ქალაქიდან. დაარსდა 1905 წლის 14 ოქტომბერს. ამგვარად უძველესი კლუბია სევილიაში და მეორე ანდალუსიაში.

„სევილია“ ყველაზე წარმატებულია კლუბია ანდალუსიაში, 1945-46 წლების სეზონში გახდა ესპანეთის ჩემპიონი. 5-ჯერ აქვს მოგებული ესპანეთის თასი (1935, 1939, 1948, 2007 და 2010), ერთხელ ესპანეთის სუპერთასი. 5-ჯერ დაეუფლა უეფა-ს ევროპის ლიგის თასს (2006, 2007, 2014, 2015 და 2016, წარსულში უეფა-ს თასი), 2006 წელს კი გახდა უეფა-ს სუპერთასის მფლობელი. „სევილიის“ ადგილობრივი მეტოქე არის „რეალ ბეტისი“. მათ დაპირისპირებას სევილიური დერბი ეწოდება.

„სევილია“ საშინაო მატჩებს „რამონ სანჩეს პისხუანის“ სახელობის სტადიონზე ატარებს, რომელიც იტევს 45 500 მაყურებელს.

ისტორია[რედაქტირება | წყაროს რედაქტირება]

საფეხბურთო კლუბი „სევილია“ დაარსდა 1905 წელს, ანდალუსიის გუბერნატორის ხელშეწყობით, კლუბის პრეზიდენტი გახდა ხოსე ლუის გალიეგოსი. კლუბმა პირველი ოფიციალური მატჩი ჩაატარა 1908 წელს, ეს იყო შეხვედრა კიდევ ერთ ანდალუსიურ კლუბთან, „რეკრეატივოსთან“. 1909 წელს მოხდა კონფლიქტი კლუბის ხელმძღვანელობაში, რის გამოც სევილიის კლუბს გამოეყო საფეხბურთო კლუბი „ბეტისი“ და ეს გუნდი გახდა „სევილიის“ მთავარი მოწინააღმდეგე. სოციოლოგიური გამოკითხვის თანახმად „სევილიის“ გულშემატკივარი არის ქალაქის მოსახლეობის 40%.

1916/17 წლის სეზონიდან კლუბი რეგულარულად იგებდა ანდალუსიის თასს. 1929 წელს „სევილია“ გახდა სეგუნდა დივიზიონის გამარჯვებული, მაგრამ პლეი-ოფში ვერ შეძლო „რასინგ სანტანდერის“ დამარცხება და დარჩა სეგუნდაში. მეორე მცდელობა პრიმერა დივიზიონში მოხვედრისთვის იყო 1930-31 წლების სეზონში, თუმცა კლუბს ცოტა დააკლდა და მხოლოდ მე-2 ადგილზე გავიდა სეგუნდაში. 1931/32 წლის სეზონში „ბეტისმა“ შეძლო და მოიპოვა უფლება პრიმერაში თამაშის. 2 წლის შემდეგ კი „სევილიაც“ გადავიდა უმაღლეს დივიზიონში. 1935 წელს კი ორივე სევილიური კლუბი გახდა ორი მთავარი ესპანური პრიზის გამარჯვებული - „რეალ ბეტისი“ პირველად გახდა ქვეყნის ჩემპიონი, „სევილია“ კი დაეუფლა ესპანეთის თასს.

სამოქალაქო ომის დროს ჩემპიონატი არ იმართებოდა და გაგრძელდა 1939 წელს, „სევილია“ შევიდა ესპანური ფეხბურთის ლიდერ კლუბთა სიაში, მეორედ მოიგო ქვეყნის თასი, 1939/40 წლის სეზონში კი დაიკავა მე-2 ადგილი, ეს შედეგი გაიმეორა კლუბმა 1942-43 წლებში. მეორე მსოფლიო ომის დასრულების შემდეგ კი კლუბი პირველად გახდა ესპანეთის ჩემპიონი. ეს იყო 1945/46 წლების სეზონი, ამის შემდეგ კლუბი აღარ გამხდარა ჩემპიონი. კლუბის ამ წარმატებაში დიდი წვლილი მიუძღოდა „სევილიის“ მწვრთნელს რამონ ენსინასას. ამ მწვრთნელის ხელმძღვანელობით კლუბი კიდევ ერთხელ დაეუფლა ქვეყნის თასს, 1947/48 წლის სეზონში.

კიდევ ერთი მცდელობა ჩემპიონობისთვის იყო 1950-51 წლებში, მაშინ „სევილიას“ მადრიდის „ატლეტიკომ“ გაუსწრო 2 ქულით. 1958 წელს დაარსდა კლუბის სარეზერვო გუნდი სევილია ატლეტიკო. 1968 წელს გუნდი გავარდა სეგუნდაში. მომავალ წელს დაბრუნდა, თუმცა 1970 წელს ისევ გავარდა და პრიმერაშიაღზევება 1974-75 წლებში შეძლო. 1990 წლამდე კი დაიწყო პერიოდი, როდესაც კლუბი მხოლოდ დაბალ პოზიციებს იკავებდა. მე-20 საუკუნის ბოლო წლების რამდენიმე სეზონი სეგუნდა დივიზიონში გაატარა.

2000-01 წლების სეზონში „სევილიამ“ მოიგო ესპანეთის დონით მეორე ჩემპიონატი. 2003-04 წლებში გააღწია ესპანეთის თასის ნახევარფინალამდე, რაც საკმარისი იყო ევროთასების საგზურის მოსაპოვებლად.

ხუანდე რამოსის ხელმძღვანელობით, კლუბი ისტორიაში პირველად გახდა უეფას თასი-ს გამარჯვებული, „სევილიამ“ ფინალში ინგლისური „მიდლზბროს“ დამარცხება შეძლო, ანგარიშით 4:0. ასევე მოიგო უეფა-ს სუპერთასი, სადაც „ბარსელონა“ 3:0 დაამარცხა. 2006-07 წლების ესპანეთის თასის გათამაშებაში „სევილია“ გამარჯვებული გახდა და ამავდროულად მოიგო უეფა-ს თასი. „სევილიამ“ „ესპანიოლის“ დამარცხება შეძლო პენალტების სერიაში. იმავე წელს კლუბი პირველად დაეუფლა ესპანეთის სუპერთასს.

ამ ტრიუმფების შემდეგ კლუბი დატოვა ხუანდე რამოსმა, მისი ადგილი მანოლო ხიმენესმა დაიკავა, რომელმაც 2007-08 წლების სეზონში კლუბი გაიყვანა ჩემპიონთა ლიგის პლეი-ოფში. აგვისტოში მოხდა ტრაგედია, რომელმაც შეძრა მთელი სამყარო, მოედანზე თამაშისას გონება დაკარგა და მალევე გარდაიცვალა 22 წლის ანტონიო პუერტა, რომელიც ითვლებოდა გუნდის უმთავრეს მოთამაშედ და განიხილებოდა ესპანეთის ეროვნული ნაკრების წევრობის კანდიდატად.

ხიმენესი დაეხმარა კლუბს ჩემპიონატში მე-3 ადგილის დაკავებაში და თასის მოპოვებაში, ამის შემდეგ დაიწყო პერიოდი, რომელშიც ხშირად იცვლებოდნენ მწვრთნელები. ეს დასრულდა 2013 წელს, როდესაც კლუბში მოვიდა უნაი ემერი. 2012-13 წლების სეზონში კლუბმა მე09 ადგილი დაიკავა ჩემპიონატში, რაც ყველაზე ცუდი შედეგი იყო უკანასკნელი 10 წლის მანძილზე, თუმცა იმის წყალობით, რომ „მალაგას“ და „რაიო ვალეკანოს“ არ ჰქონდათ მოგვარებული ფინანსური პრობლემები, ისინი ვერ მოხვდნენ უეფას გათამაშებაში. „სევილიას“ მიეცა ევროპის ლიგაზე თამაშის უფლება.

ამ პერიოდში, ფინანსური კრიზისის გამო კლუბმა „მანჩესტერ სიტიში“ გაყიდა ორი ლიდერი, ალვარო ნეგრედო და ხესუს ნავასი. მათ სანაცვლოდ მოიყვანეს ახალგაზრდა ფეხბურთელები, კარლოს ბაკა და კევინ გამეირო. მათი დახმარებით, 2014 წლის 14 მაისს, 2014 წლის უეფა-ს ევროპის ლიგის ფინალში ემერიმ შეძლო პორტუგალიური „ბენფიკას“ დამარცხება, თერთმეტმეტრიანი დარტყმების სერიაში.[1] კლუბი გახდა ისტორიაში პირველი, რომელმაც 4-ჯერ მოიგო უეფას თასის / ევროპის ლიგის გათამაშება.[2]სეზონის დასრულების შემდეგ, „სევილიამ“ ივან რაკიტიჩი „ბარსელონაში“ გაყიდა €16 მილიონ გირვანქა სტერლინგად, ხოლო ბომბარდირი კარლოს ბაკა „მილანში“, €30 მილიონი გირვანქა სტერლინგის სანაცვლოდ. მათ მაგივრად „სევილიაში“ მოვიდნენ გჟეგოჟ კრიხოვიაკი და ევერ ბანეგა.

2015 წლის 27 მაისს, „სევილიამ“ გაიმეორა შედეგი და ფინალში უკრაინული „დნიპროს“ დამარცხების (3-2) შემდეგ, მეორედ გახდა ევროპის ლიგის გამარჯვებული.[3] ამ შედეგით „სევილია“ გახდა პირველი კლუბი, რომელმაც 2-ჯერ შეძლო ამ ტურნირის ჩემპიონობა.

„სევილია“ მომავალ სეზონშიც ევროპის ლიგაზე ასპარეზობდა. ფინალი ბაზელში გაიმართა, ამ მატჩი ანდალუსიური კლუბის მეტოქე „ლივერპული“ იყო. პირველი ტაიმი ინგლისელთა სასარგებლოდ, 1-0 დასრულდა. საბოლოოდ გამარჯვებული „სევილია“ გამოვიდა, რომელმაც მე-2 ტაიმში 3 გოლის გატანა შეძლო, 1 გოლი კევინ გამეირომ გაიტანა, ხოლო ორი კლუბის კაპიტანმა კოკემ.[4] ამ გამარჯვებით „სევილიამ“ გააუმჯობესა საკუთარი რეკორდი, მესამედ მოიგო ევროპის ლიგა. ჯამში კლუბს ეს ჩემპიონატი მოგებული აქვს 5-ჯერ, ბოლო 10 წლის მანძილზე.

მიუხედავად ევროპის ლიგაზე წარმატებით გამოსვლისა, პრიმერა დივიზიონის 2015-16 წლების გათამაშებაში „სევილიამ“ დაიკავა მე-7 ადგილი. კარმონამ გადაწყვიტა გუნდის გაძლიერება, მწვრთნელად დაინიშნა არგენტინელი ხორხე სამპაოლი, ხოლო უნაი ემერი „პარი სენ-ჟერმენის“ მწვრთნელი გახდა.

მიმდინარე შემადგენლობა[რედაქტირება | წყაროს რედაქტირება]

ნომერი პოზიცია მოთამაშე
1 ესპანეთის დროშა მეკარე სერხიო რიკო
2 საფრანგეთის დროშა მცველი ბენუა ტრემულინასი
3 ბრაზილიის დროშა მცველი მარიანო
4 არგენტინის დროშა ნახევარმცველი მატიას კრანევიტერი
5 საფრანგეთის დროშა მცველი კლემან ლანგე
6 პორტუგალიის დროშა მცველი დანიელ კარისუ
7 დანიის დროშა ნახევარმცველი მიხაელ კრონ-დელი
8 ესპანეთის დროშა ნახევარმცველი ვისენტე იბორა (კაპიტანი)
9 არგენტინის დროშა თავდამსხმელი ლუსიანო ვიეტო
10 საფრანგეთის დროშა ნახევარმცველი სამირ ნასრი
11 არგენტინის დროშა ნახევარმცველი კარლოს ხოაკინ კორეა
12 საფრანგეთის დროშა თავდამსხმელი ვისამ ბენ იედერი
13 პორტუგალიის დროშა მეკარე დავიდ სორია
ნომერი პოზიცია მოთამაშე
14 არგენტინის დროშა ნახევარმცველი ვალტერ მონტოია
15 საფრანგეთის დროშა ნახევარმცველი სტივენ ნ'ზონზი
16 მონტენეგროს დროშა თავდამსხმელი სტევან იოვეტიჩი
17 ესპანეთის დროშა ნახევარმცველი პაბლო სარაბია
18 ესპანეთის დროშა მცველი სერხიო ესკუდერო
19 ბრაზილიის დროშა ნახევარმცველი განსო
20 ესპანეთის დროშა ნახევარმცველი ვიტოლო
21 არგენტინის დროშა მცველი ნიკოლას პარეხა
22 იტალიის დროშა ნახევარმცველი ფრანკო ვასკესი
23 საფრანგეთის დროშა მცველი ადილ რამი
24 არგენტინის დროშა მცველი გაბრიელ მერკადო
30 ესპანეთის დროშა თავდამსხმელი კარლოს ფერნანდესი

ტიტულები[რედაქტირება | წყაროს რედაქტირება]

2006 IFFHS-ის მიერ „სევილიასთვის“ მინიჭებული მსოფლიოს საუკეთესო კლუბის პრიზი.

ისტორიის მანძილზე „სევილიამ“ მოიპოვა ჯილდოები რეგიონალურ, ეროვნულ და ევროპის მასშტაბით, კლუბი არის ყველაზე წარმატებული ანდალუსიაში.[5]

ეროვნული[რედაქტირება | წყაროს რედაქტირება]

ჩემპიონი (1): 1945/46
გამარჯვებული (5): 1935, 1939, 1947/48, 2006/07, 2009/10
გამარჯვებული (1): 2007
ჩემპიონი (4): 1929, 1933/34, 1968/69, 2000/01

ევროტურნირები[რედაქტირება | წყაროს რედაქტირება]

ჩემპიონი (5) – რეკორდი: 2005/06, 2006/07, 2013/14, 2014/15, 2015/16
გამარჯვებული (1): 2006

რეგიონალური[რედაქტირება | წყაროს რედაქტირება]

  • ანდალუსიის თასი
გამარჯვებული (18): 1916/17, 1918/19, 1919/20, 1920/21, 1921/22, 1922/23, 1923/24, 1924/25, 1925/26, 1926/27, 1928/29, 1929/30
1930/31, 1931/32, 1932/33, 1935/36, 1938/39, 1939/40

ამხანაგური ტურნირები[რედაქტირება | წყაროს რედაქტირება]

გამარჯვებული (4): 2008, 2009, 2011, 2012
ფინალისტი (1): 2010
გამარჯვებული (6): 1955, 1956, 1957, 2004, 2008, 2009
ფინალისტი (3): 1958, 1981, 1994
გამარჯვებული (2): 1964, 2004
ფინალისტი (2): 1961, 1979
  • აკირე & ჩეზარე ბორტოლოტის თასი
გამარჯვებული (1): 2010
  • სიუდად დე ლინეას თასი
გამარჯვებული (3): 2001, 2002, 2003
გამარჯვებული (4): 1946, 1954, 1960, 2011
გამარჯვებული (4): 1975, 1985, 1996, 2005
ფინალისტი (3): 1967, 1991, 1997
  • ქალაქ სევილიის თასი
გამარჯვებული (7): 1972, 1973, 1976, 1978, 1982, 1984, 1994
გამარჯვებული (1): 2008
  • ტროფეო დე ლა სალი
გამარჯვებული (1): 2010
  • ანტონიო კამაჩოს ხსოვნის თასი
გამარჯვებული (1): 2012
  • კოსტა ბრავას თასი
გამარჯვებული (1): 2012
გამარჯვებული (1): 2016
ფინალისტი (1): 2015

სხვა მიღწევები[რედაქტირება | წყაროს რედაქტირება]

  • ანდალუსიის მედალი (2005),[6] მიიღო ანდალუსიის რეგიონალური მთავრობისგან.
  • მსოფლიოს 2006 და 2007 წლების საუკეთესო გუნდი ფეხბურთის ისტორიისა და სტატისტიკის საერთაშორისო ფედერაციის ვერსიით (IFFHS).
  • საუკეთესო გუნდი, ანდალუსიის სპორტულ ჟურნალისტა ასოციაციის ვერსიით. (2006).
  • 2006 წლის საუკეთესო გუნდი, ესპანეთის სპორტული პრესის ასოციაციის ვერსიით.[7]
  • 2007 წლის იანვარში, „სევილიამ“ სევილიის პრესის ასოციაციის მიერ მიიღო მე-15 საკომუნიკაციო ჯილდო.[8]
  • სპორტის დამსახურებული სამეფო ორდენი, მიიღო სპორტის უზენაესი საბჭოს მიერ.[9]
  • ოქროს მედალი კომერციის პალატისგან, საუკეთესო ეკონომიკურ-ადმინისტრაციული მართვისთვის.

Gallery

ინდივიდუალური[რედაქტირება | წყაროს რედაქტირება]

ესპანეთის დროშა ხუან არსა (პრიმერა დივიზიონი, 1955)
ესპანეთის დროშა ალვარო ნეგრედო (პრიმერა დივიზიონი, 2011, 2013}

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. Sevilla 0–0 Benfica (AET, 4–2 on pens). BBC Sport (14 მაისი, 2014). წაკითხვის თარიღი: 15 მაისი, 2014.
  2. Carlos Bacca double breaks Dnipro hearts for Sevilla to make history. Guardian (28 May 2015). წაკითხვის თარიღი: 28 მაისი, 2015.
  3. Europa League – Sevilla break Dnipro hearts to defend title.
  4. Sevilla make it three in row at Liverpool's expense.
  5. Palmarés de títulos oficiales. sevillafc.es/club. წაკითხვის თარიღი: 24 აგვისტო, 2010.
  6. Histórico de Medallas de Andalucía. juntadeandalucia.es. წაკითხვის თარიღი: 29 ივლისი, 2010.
  7. El Sevilla, premiado por la Asociación Nacional de la Prensa Deportiva. eldesmarque.es. წაკითხვის თარიღი: 29 ივლისი, 2010.
  8. XV Premio de Comunicación de la Asociación de la Prensa Sevillana. sevillafc.es. წაკითხვის თარიღი: 29 ივლისი, 2010.
  9. Real Orden del Mérito Deportivo otorgada al Sevilla F. C.. eldesmarque.es. წაკითხვის თარიღი: 29 ივლისი, 2010.