სამარის ზღვა

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
სამარის ზღვა
Islands of Samar and Leyte from space.jpg
სამარის ზღვა კოსმოსიდან
ზოგადი ინფორმაცია
ოკეანის აუზი წყნარი ოკეანე
ტიპი ზღვა
ფართობი 3870 კმ²
საშუალო სიღრმე 200 

სამარის ზღვა — კუნძულთშორისი ზღვა[1] ფილიპინების არქიპელაგში, რომელიც გაწოლილია ლუსონის ბიკოლის რეგიონსა და აღმოსავლეთ ვისაიას შორის. აღმოსავლეთით ესაზღვრება კუნძული სამარი, სამხრეთით ლეიტე, დასავლეთით მასბატე, ხოლო ჩრდილოეთით ლუსონი. მიეკუთვნება წყნარ ოკეანეს.[2] ფართობი 3870 კმ², საშუალო სიღრმე — 200 მ.[3][4] ჩრდილოეთით სან-ბერნარდინოს სრუტით უერთდება ფილიპინის ზღვას, სამხრეთ-აღმოსავლეთით სან-ხუანიკოს სრუტით ლეიტეს ყურეს, სამხრეთ-დასავლეთით მასბატის სრუტით ვისაიანის ზღვას, ჩრდილო-დასავლეთით ტიკაოს სრუტით სიბუიანის ზღვას. ზღვის აკვატორიის ფარგლებშია მრავალრიცხოვანი კუნძულები, მათ შორის: ალმაგრო, ბილირანი, ტიკაო, ნინა, დარამი და სხვა. ზღვის სამხრეთ ნაწილში განლაგებულია კარიგარის უბე. ზღვის სანაპიროზეა ქალაქები: კალბაოგი, კატბალოგანი, რაიტი, კარიგარა (კუნძული სამარი), კატაინგანი (მასბატი), ნავალი, სან-ხასინტო (ტიკაო).

სქოლიო[რედაქტირება | წყაროს რედაქტირება]

  1. Sélection du Reader's Digest, Atlas, cartes, photos satellite du monde, Gütersloh, Munich, Wissen Media Verlag, septembre 2007, 485 p.
  2. Samar Sea: Philippines. Geographic.org. წაკითხვის თარიღი: 22 July 2013.
  3. Comprehensive National Fisheries Industry Development Plan (CNFIDP) (PDF; 3,7 MB)
  4. Analysis of Demersal Fish Assemblages in Selected Philippine Fishing Grounds Autor: Wilfredo L. Campos Publikation des Division of Biological Sciences College of Arts & Sciences University of the Philippines in the Visayas