ოქუმი (გალის მუნიციპალიტეტი)

სხვა მნიშვნელობებისთვის იხილეთ ოქუმი (მრავალმნიშვნელოვანი).

ოქუმი — სოფელი საქართველოში, აფხაზეთის ავტონომიური რესპუბლიკის გალის მუნიციპალიტეტში, თემის ცენტრი (სოფლები: აგვავერა, საბულისკირიო, სამელაიო). მდებარეობს მდინარე ოქუმის ნაპირას. ზღვის დონიდან 200 მ, გალიდან 25 კმ. 1993 წლიდან აკონტროლებს აფხაზეთის რესპუბლიკა.

2008 წლის 23 ოქტომბრის ოკუპირებული ტერიტორიების შესახებ საქართველოს კანონის საფუძველზე, ტერიტორია ოკუპირებულია რუსეთის ფედერაციის სამხედრო აგრესიის შედეგად და დადგენილია ამ ტერიტორიების განსაკუთრებული სამართლებრივი რეჟიმი.

1855 წელს შემორჩენილი იყო ძველი ბერძნული ეკლესიის ნანგრევები. სოფელში დაიბადა აკაკი ჩხენკელი.