ქვემო ღუმურიში

ქვემო ღუმურიში (აფხ. Ҕәымрышь) — სოფელი საქართველოში, აფხაზეთის ავტონომიური რესპუბლიკის გალის მუნიციპალიტეტის ღუმურიშის თემში.

მდებარეობს აფხაზეთის მთისწინეთში, მდინარე რეჩხის მარჯვენა მხარეს, ზღვის დონიდან 240 მ-ზე, გალიდან 13 კმ-ში.

ისტორია

სოფელი მდებარეობს ისტორიული სამურზაყანოს ტერიტორიაზე. XX საუკუნის დასაწყისში ზემო ღუმურიში და ქვემო ღუმურიში ცნობილი იყო საერთო სახელწოდებით „ღუმურიში“. 1994 წელს აფხაზეთის სეპარატისტულმა ხელისუფლებამ ორივე ღუმურიში ადმინისტრაციულად გააერთიანა, უწოდა „გუმრიშ“ და დაუქვემდებარა ტყვარჩელის რაიონს.^[1] სოფლის ცენტრში დგას 1880-იან წლებში აშენებული წმ. იოანე ნათლისმცემლის სახელობის დარბაზული ეკლესია.

ოკუპირებული ტერიტორიების შესახებ საქართველოს კანონით (2008 წლის 23 ოქტომბერი) ტერიტორია განსაზღვრულია, როგორც რუსეთის ფედერაციის სამხედრო აგრესიის შედეგად ოკუპირებული. დადგენილია ამ ტერიტორიების განსაკუთრებული სამართლებრივი რეჟიმი.

აღწერის წელი	მოსახლეობა	ეთნიკური შემადგენლობა
1989	300	ქართველები
2011 (არაღიარებული)	704 (ზემო და ქვემო ღუმურიში)	ქართველები (98,9 %)

ეს სტატია საქართველოსა და ქართველების შესახებ ჯერჯერობით ესკიზია. თქვენ შეგიძლიათ დაგვეხმაროთ მის შევსებაში.