კარლოს ტევესმა თავისი საფეხბურთო კარიერა „ბოკა ხუნიორსში“ დაიწყო, რომლის შემადგენლობაში პირველი მატჩი ჯერ კიდევ 17 წლის ასაკში ჩაატარა. „ბოკას“ რიგებში მან დაჰყო 2004 წლამდე და 75 მატჩში 25 გოლი გაიტანა. კლუბთან ერთად ის გახდა არგენტინის ჩემპიონი, ლიბერტადორესის თასის, საკონტინენტთაშორისო თასისა და სამხრეთ ამერიკის თასის მფლობელი. მონაწილეობდა 2003 წლის 20 წლამდელთა მსოფლიო ჩემპიონატზე.
2004 წლის დეკემბერში ის გადავიდა ბრაზილიურ „კორინთიანსში“. ტრანსფერმა, რომელმაც 20 მილიონი დოლარი შეადგინა ყველანაირი რეკორდი მოხსნა.[2][3][4] ტევესი გუნდის კაპიტანი და მთავარი ვარსკვლავი გახდა. მან გუნდთან ერთად 2005 წლის ბრაზილიის სერია A მოიგო, ამავე წელს გახდა ბრაზილიის წლის მოთამაშე. 2004 წლის ოლიმპიადაზე, ათენში არგენტინასთან ერთად მოიგო ოქროს მედალი.
2007 წლის 10 აგვისტოს ტევესი ოფიციალურად ხდება „მანჩესტერ იუნაიტედის“ მოთამაშე.[6] სადებიუტო სეზონში თავის კლუბს 19 გოლით დაეხმარა და მოიგო როგორც ინგლისის პრემიერლიგა, ასევე უეფა-ს ჩემპიონთა ლიგა. 2008–2009 წლების სეზონში არგენტინელი, გუნდში ახლად გადმოსული დიმიტრი ბერბატოვის შემცვლელი გახდა, რაც მას არ აკმაყოფილებდა. 2009 წლის ზაფხულში აწარმოებდა მოლაპარაკებას იჯარის წესით სადმე გაშვებაზე, მაგრამ საბოლოოდ მან ყველაფერზე უარი თქვა და მიიღო თავისუფალი აგენტის სტატუსი. 2 კვირის შემდეგ, 14 ივლისს ხელი მოაწერა 5 წლიან კონტრაქტს და გადავიდა „მანჩესტერ სიტიში“.[7] კლუბის მთავარმა მწვრთნელმა ტრანსფერის შესახებ განაცხადა: „ეს შესანიშნავი სიახლეა — კარლოსი არის მსოფლიო დონის მოთამაშე, რომელიც ჩვენს კლუბს დაეხმარება წინსვლაში“. არგენტინელმა, ისევე როგორც „მანჩესტერ იუნაიტედში“, 32 ნომრიანი მაისური აირჩია.
2009–2010 წლების სეზონში ტევესმა „მანჩესტერ სიტის“ შემადგენლობაში 38 თამაშში 29 გოლი გაიტანა.[8][9]
.jpg)
შეგიძლიათ იხილოთ მედიაფაილები თემაზე „კარლოს ტევესი“ ვიკისაწყობში.
.svg){kind=small}
