ართვინის პროვინცია

ართვინი
ართვინის პროვინციის მდებარეობა თურქეთში
ინფორმაცია
რეგიონი:	შავი ზღვის რეგიონი
ფართობი:	7 493 (კმ²)
მოსახლეობა	191,934 2007
მოსახლეობის სიმჭიდროვე	25,6 (კაცი/კმ²)
საავტომიბოლო ნომრები:	08
სატელეფონო კოდი:	0466
ოფიციალური ვებ-გვერდი	http://www.artvin.gov.tr
ამინდის პროგნოზი	turkeyforecast.com/weather/artvin

ართვინი – პროვინცია (ილი) ჩრდილო–აღმოსავლეთ თურქეთში, შავი ზღვის რეგიონში. ადმინისტრაციული ცენტრი – ქალაქი ართვინი. მოიცავს 8 რაიონს.

გეოგრაფია

პროვინციას ჩრდილოეთით ესაზღვრება საქართველო (აჭარა), აღმოსავლეთით არტაანის, სამხრეთით – ერზრუმის და დასავლეთით რიზეს პროვინციები, აქვს 35 კილომეტრიანი საზღვაო საზღვარი შავ ზღვაზე (ნავსადგური ხოფა). პროვინციის დიდი ნაწილი მდებარეობს მდინარე ჭოროხის აუზში.

მოსახლეობა

მოსახლეობა 192 ათ. ადამიანი (2007), უდიდესი ქალაქებია: ართვინი (23 ათ. ადამიანი, 2000), ხოფა. თურქების გარდა ცხოვრობენ ლაზები და აჭარლები (ქართველი მუსულმანები), აგრეთვე ხემშილები (სომეხი მუსულმანები).

ისტორია

პროვინციის ტერიტორია წლების მანძილზე გადადიოდა ხელიდან ხელში. ეკუთვნოდა საქართველოს, ოსმალეთის იმპერიას, რუსეთს (1828 წლიდან; პროვინციის ტერიტორიაზე ჩამოყალიბდა ქუთაისის გუბერნიის, ბათუმის ოლქის ართვინის ოკრუგი).

1921 წელს ყარსის ხელშეკრულების შემდეგ არტაანის, ყარსისა და იგდირის პროვინციებთან ერთად გადაეცა თურქეთს.

რაიონები

ართვინის პროვინცია იყოფა 8 რაიონად (ცენტრალური რაიონი მოცემულია მსხვილი ასოებით):

• არტანუჯი (რაიონი) (Ardanuç)
• არჰავი (რაიონი) (Arhavi)
• ართვინი (რაიონი) (Artvin)
• ბორჩხა (რაიონი) (Borçka)
• ხოფა (რაიონი) (Hopa)
• მურღული (რაიონი) (Murgul)
• შავშათი (რაიონი) (Şavşat)
• იუსუფელი (რაიონი) (Yusufeli)

იხილეთ აგრეთვე

• თურქეთის პროვინციები