იბერია 1999 (საფეხბურთო კლუბი)

ს.კ იბერია 1999
სრული სახელი	საფეხბურთო კლუბი იბერია 1999
დაარსდა	1999
სტადიონი	მიხეილ მესხის სახელობის სტადიონი, თბილისი; (ტევადობა: 22000)
პრეზიდენტი	ტარიელ ხეჩიკაშვილი
მწვრთნელი	გუგა ნერგაძე
კაპიტანი	გიზო მამაგეიშვილი
ლიგა	ეროვნული ლიგა
2024	ჩემპიონი
საიტი	ოფიციალური საიტი
ძირითადი ფორმა	რეზერვის ფორმა

„იბერია 1999“ (ყოფილი „საბურთალო“) — ქართული საფეხბურთო კლუბი ქალაქ თბილისიდან. ასპარეზობს ეროვნულ ლიგაში. საშინაო მატჩებს ატარებს მიხეილ მესხის სახელობის სტადიონზე.

ისტორია

„საბურთალოს“ ძველი ლოგოები

1999-2014

2015-2021

საფეხბურთო კლუბი "იბერია" (მაშინ „საბურთალო“) 1999 წელს დაარსდა, როგორც საფეხბურთო აკადემია, რომელიც თავდაპირველად 161-ე სკოლის ეზოში მდებარეობდა. დამფუძნებელთა იდეა სწორედ ძლიერი აკადემიის შექმნა და განვითარება იყო, რითიც კლუბი თავდაპირველად ადგილობრივ ხოლო შემდგომ საერთაშორისო ბაზარზე პოზიციონირდებოდა. მენეჯმენტის სწორმა მუშაობამ და ინვესტიციებმა, კლუბის სწრაფ განვითარებას შეუწყო ხელი, რაც ახალი საწვრთნელი ბაზების მშენებლობასა და მწვრთნელთა კვალიფიკაციის ამაღლებაში აისახა.

2005 წელს, საფეხბურთო კლუბი "იბერია ბიზნეს ჯგუფმა" შეიძინა, რომლის პრეზიდენტიც ტარიელ ხეჩიკაშვილი გახლდათ. მან მიზნად დასახა საფეხბურთო კლუბის ეტაპობრივი განვითარების გეგმა, რომლის განხორციელებაც მეორე დღიდანვე დაიწყო და დღეის მდგომარეობით, საფეხბურთო კლუბი "იბერია" ერთ-ერთი ყველაზე წარმატებული კლუბია საქართველოს მასშტაბით.

აკადემიაში დაინერგა ფეხბურთელების აღზრდის წარმატებული სისტემა, რომლის შედეგადაც კლუბმა საკუთარი აკადემიის ფეხბურთელებით 2015 წელს უმაღლეს ლიგაში აღზევება მოახერხა. ეს ქართული ფეხბურთის ისტორიაში უპრეცედენტო შემთხვევა იყო. უფრო დეტალურად, აკადემიის სწორმა განვითარებამ და რესურსმა კლუბს მისცა შესაძლებლობა აკადემიის ფეხბურთელებით ჩამოყალიბებულიყო პროფესიონალური გუნდი, რომელმაც ასპარეზობა საქართველოს ჩემპიონატის მესამე ლიგიდან დაიწყო და უმოკლეს დროში, აკადემიაში აღზრდილი ფეხბურთელებით, უმაღლესი ლიგის საგზურის მოპოვება მოახერხა.

„იბერია“ აგრძელებდა წინსვლას და უმაღლეს ლიგაში თავის დამკვიდრებას, რაც სამი სეზონის შემდეგ, 2018 წელს, საქართველოს ჩემპიონობით დასრულდა. აღსანიშნავია ის ფაქტი, რომ კლუბის უდიდესი ბირთვი კვლავაც აკადემიაში აღზრდილი ფეხბურთელებით იყო დაკომპლექტებული. ზემოთ აღნიშნულმა ჩემპიონობამ კლუბი, განვითარების ახალ ეტაპზე აიყვანა, როგორც სპორტული, ასევე, კომერციული თვალსაზრისით. 2018 წლის შემდეგ ყველა საფეხბურთო სეზონი, ერთი სეზონის გამოკლებით, „იბერიამ“ ტიტულის მოპოვებით დაასრულა და ამ დრომდე კლუბი ორჯერ გახდა საქართველოს ჩემპიონი^[1], სამჯერ დაეუფლა საქართველოს თასს და ერთხელაც სუპერთასის გამარჯვებული გახდა. გარდა ამისა, „იბერია“ მოედანს მიღმაც ქართულ ბაზარზე აღიქმება, როგორც ერთ-ერთი ყველაზე წარმატებული ქართული საფეხბურთო კლუბი.

ამ პერიოდის განმავლობაში „იბერია“ ყოველთვის მიყვებოდა თავის ღირებულებებს, რაც თანასწორ თამაშის წესებში, ტალანტების აღზრდასა და ამბიციურობაში გამოიხატება. კლუბისთვის ერთ-ერთი უმნიშვნელოვანესი საყრდენი ღირებულება არის პატიოსნება, როგორც მოედანზე ასევე მის მიღმა, რასაც კლუბი არასდროს ღალატობს. კლუბის დაარსებისას თავდაპირველი იდეა ტალანტების აღზრდა იყო, ვინც შემდგომ ქართულ ფეხბურთის განვითარებაში უდიდეს როლს შეასრულებდა და სწორედ ასეც მოხდა, ეროვნულ ნაკრებში, რომელმაც ევროპის ჩემპიონატზე იასპარეზა, არაერთი „იბერიას“ აკადემიის აღზრდილი ფეხბურთელი იღებდა მონაწილეობას. ეს ტრადიცია არ იცვლება და დღესაც, ეროვნული თუ ასაკობრივი ნაკრებები „იბერიას“ აკადემიის ყოფილი და ამჟამინდელი ფეხბურთელებით არის დაკომპლექტებული.

გარდა ამისა, კლუბის დამატებითი მამოძრავებელი ღირებულება შეუპოვარი ამბიციურობაა. როგორც მენეჯმენტი, ასევე ფეხბურთელები თუ სამწვრთნელო შტაბი არასდროს კმაყოფილდება მიღწეული წარმატებით და წინსვლაზე არის ორიენტირებული. კლუბი განვითარებისთვის იღწვის და ცდილობს ქართულ საკლუბო ფეხბურთში მოქცეულ საზღვრებს გასცდეს.

კლუბი ლოკალური პროექტის ფარგლებს გასცდა, განვითარების ახალ ეტაპზე გადავიდა და ეროვნული პროექტის სტატუსი მიიღო, რამაც სახელის ცვლილება განაპირობა. 2024 წლის 27 თებერვალს კლუბს ოფიციალურად ახალი სახელი მიენიჭა – საფეხბურთო კლუბი „საბურთალო“ გახდა „იბერია 1999“.

შემადგენლობა 2025

მონაცემები აღებულია „Crystalbet ეროვნული ლიგის“ ოფიციალური საიტიდან 2025 წლის 22 სექტემბრის მონაცემებით^[2]

შენიშვნა: დროშა აღნიშნავს ეროვნულ ნაკრებს რომელიც განსაზღვრულია ფიფა-ს წესებით. მოთამაშეები შესაძლოა რამდენიმე ფიფა-ს არაწევრ ქვეყანას/ტერიტორიას მიეკუთვნებოდნენ.


№	პოზიცია	ქვეყანა	მოთამაშე
1	მეკარე	საქართველო	თორნიკე მეგრელიშვილი
16	მეკარე	საქართველო	რევაზ კურტანიძე
31	მეკარე	საქართველო	გიორგი მაკარიძე
4	მცველი	საქართველო	გიორგი ჯგერენაია
5	მცველი	საქართველო	გიორგი ჯინჯოლავა
20	მცველი	კოტ-დ’ივუარი	არმელ ზოური
24	მცველი	ნიდერლანდები	დერეკ აგიაკვა
25	მცველი	საქართველო	ალექსანდრე ამისულაშვილი
26	მცველი	საქართველო	ზურაბ ერაძე
36	მცველი	საქართველო	შოთა კვერენჩხილაძე
40	მცველი	საქართველო	გიორგი ქობულაძე
6	ნახევარმცველი	საქართველო	ნიკოლოზ დადიანი
7	ნახევარმცველი	საქართველო	სანდრო ალთუნაშვილი
8	ნახევარმცველი	საქართველო	ბაქარ ქარდავა


№	პოზიცია	ქვეყანა	მოთამაშე
33	ნახევარმცველი	სურინამი	დორასო კლასი
10	ნახევარმცველი	საქართველო	ლუკა სილაგაძე
11	ნახევარმცველი	საქართველო	გიზო მამაგეიშვილი
13	ნახევარმცველი	სლოვენია	მატიც ვრბანეცი
17	ნახევარმცველი	საქართველო	საბა გეგუჩაძე
22	ნახევარმცველი	საქართველო	გივი ხაჩიძე
30	ნახევარმცველი	საქართველო	ნიკა ხორხელი
9	თავდამსხმელი	საქართველო	ამირან ძაგანია
14	თავდამსხმელი	საქართველო	გურამ გოშთელიანი
18	თავდამსხმელი	საქართველო	ირაკლი სიხარულიძე
19	თავდამსხმელი	საქართველო	დანიელ ქვარცხავა
23	თავდამსხმელი	საქართველო	დავით გოგილაშვილი
29	თავდამსხმელი	საქართველო	თორნიკე ახვლედიანი

2017 წლის ტრანსფერები

მოვიდნენ

პოზ.	ფეხბურთელი	ყოფილი კლუბი
მეკარე	ლაზარე კუპატაძე	ლოკომოტივი თბილისი
მეკარე	ლუკა სანიკიძე	საბურთალო 19 წლ.
მცველი	ლუკა ლაკვეხელიანი	საბურთალო 19 წლ.
მცველი	დაჩი ცნობილაძე	სამტრედია
ნახევარმცველი	ზურაბ არზიანი	შუქურა ქობულეთი
თავდამსხმელი	გოგი ფიფია	ნორჩი დინამოელი
თავდამსხმელი	თემურ ჩოგაძე	საბურთალო 19 წლ.
თავდამსხმელი	ლაშა შინდაგორიძე	ცხინვალი
თავდამსხმელი	ლუკა იმნაძე	გურია ლანჩხუთი

* — იჯარით
** — იჯარიდან

წავიდნენ

პოზ.	ფეხბურთელი	ახალი კლუბი
მეკარე	ბექა ქურდაძე	ლოკომოტივი თბილისი
მცველი	ხოსე მანუელ კარასკო	პალენსია
ნახევარმცველი	ირაკლი რუხაძე	მერანი მარტვილი
თავდამსხმელი	გიორგი ბუხაიძე	კოლხეთი-1913 ფოთი
თავდამსხმელი	სანტი ხარა	რასინგი
თავდამსხმელი	ხუანფრი	ანტეკერა

* — იჯარით
** — იჯარიდან

ევროთასებზე

სეზონი	შეჯიბრება	რაუნდი	კლუბი	შინ	გასვლითი	ჯამი
2019-20	უეფა-ს ჩემპიონთა ლიგა	1-ლი შრ	შერიფ ტირასპოლი	1−3	3−0	4−3
	უეფა-ს ჩემპიონთა ლიგა	მე-2 შრ	დინამო ზაგრები	0−2	0−3	0−5
	უეფა-ს ევროპა ლიგა	მე-3 შრ	არარატ-არმენია	0−2	2−1	2−3
2020-21	უეფა-ს ევროპა ლიგა	1-ლი შრ	აპოლონი	X	1−5	1-5
2022-23	უეფა-ს კონფერენს ლიგა	1-ლი შრ	პარტიზანი	0−1	1−0 დ.დ	1−1 (5−4 პენ.)
2022-23	უეფა-ს კონფერენს ლიგა	მე-2 შრ	სტიაუა	1−0	2−4	3−4
2020-21	უეფა-ს კონფერენს ლიგა	1-ლი შრ