ჟიბიანი

ჟიბიანი
სვან. ჟიბია̄ნი
სოფელი
	ჟიბიანი; სვან. ჟიბია̄ნი
ქვეყანა	საქართველო
მხარე	სამეგრელო-ზემო სვანეთის მხარე
მუნიციპალიტეტი	მესტიის მუნიციპალიტეტი
თემი	უშგული
კოორდინატები	42°55′05″ ჩ. გ. 43°00′55″ ა. გ. / 42.91806° ჩ. გ. 43.01528° ა. გ.
ცენტრის სიმაღლე	2100 მ
მოსახლეობა	87 კაცი (2014)
ეროვნული შემადგენლობა	ქართველები 100 %
სასაათო სარტყელი	UTC+4
სატელეფონო კოდი	+995
	ჟიბიანი ვიკისაწყობში

ჟიბიანი (სვან. ჟიბია̄ნი^[2]) — სოფელი საქართველოში, სამეგრელო-ზემო სვანეთის მხარის მესტიის მუნიციპალიტეტში, უშგულის თემში (სოფლები: ლამჯურიში, მურყმელი, ჟიბიანი, ჩაჟაში, ჩვიბიანი).

ეტიმოლოგია

ჟიბიანი სვანურად ნიშნავს ზემო სოფელს.

მდებარეობა

ჟიბიანი მდებარეობს კავკასიონის სამხრეთით, მდინარე ენგურის მარცხნივ, ზღვის დონიდან 2100 მეტრზე.

დემოგრაფია

2014 წლის აღწერის მონაცემებით სოფელში ცხოვრობს 87 ადამიანი.

აღწერის წელი	მოსახლეობა	კაცი	ქალი
2002^[3]	164	76	88
2014^[1]	87	43	44

ისტორია

დაახლოებით 1870 წელს სვანეთში იმყოფებოდა დიმიტრი ერმაკოვი. მოგზაურობის დროს მან გადაიღო არაერთი ხატი, მათ შორის სოფელი ჟიბიანის საგანძურიდანაც. ხატები ნეგატივების მიხედვით აღწერილი აქვს მარი ბროსეს 1871 წლის ნაშრომში.^[4]

1910 წელს სვანეთში იმოგზაურა ექვთიმე თაყაიშვილმა ფოტოგრაფ დიმიტრი ერმაკოვთან ერთად. მოგზაურობისას თაყაიშვილმა აღწერა სოფელი, მასში არსებული ძეგლები თავისი საგანძურებითურთ.^[5]

ღირსშესანიშნაობები

ჟიბიანში დგას სამი ეკლესია. სოფელში ერთადერთ ხიან ადგილას დგას შუა საუკუნეების მაცხოვრის ეკლესია „უფალ“.^[5] ეკლესია ბაზლიკის ტიპისაა, აღმოსავლეთით გამოყოფილი აქვს საკურთხევლის აფსიდი. შესასვლელი დასავლეთის მხრიდანაა.

სოფელის განაპირას დგას წმინდა გიორგის ეკლესია „ჯგრაგ”. ეკლესია განვითარებული შუა საუკუნეებისაა, ბაზილიკის ტიპის. ეკლესიას გარს არტყია გალავანი.

სოფლის ჩრდილოეთით დგას სვანეთის დიდი სალოცავი — უშგულის ლამარია.

გალერეა

სქოლიო

1 2 მოსახლეობის საყოველთაო აღწერა 2014. საქართველოს სტატისტიკის ეროვნული სამსახური (ნოემბერი 2014). ციტირების თარიღი: 7 ნოემბერი, 2016.
↑ ჭკადუა ა., „სვანური ტოპონიმიკა“, თბ., 2020, გვ. 455
↑ საქართველოს მოსახლეობის 2002 წლის პირველი ეროვნული საყოველთაო აღწერის ძირითადი შედეგები, ტომი II
↑ Marriebbrosset, Mélanges asiatiques tirés du bulletin de l'Academie Imperiale des sciences, Volume 6, St.-Petersbourg, 1873, page 472-480
1 2 თაყაიშვილი ე., „ემიგრანტული ნაშრომები“, თბ., 1991

[აღწერა_2014-1] 1 2 მოსახლეობის საყოველთაო აღწერა 2014. საქართველოს სტატისტიკის ეროვნული სამსახური (ნოემბერი 2014). ციტირების თარიღი: 7 ნოემბერი, 2016.

[2] ჭკადუა ა., „სვანური ტოპონიმიკა“, თბ., 2020, გვ. 455

[აღწერა_2002-3] საქართველოს მოსახლეობის 2002 წლის პირველი ეროვნული საყოველთაო აღწერის ძირითადი შედეგები, ტომი II

[4] Marriebbrosset, Mélanges asiatiques tirés du bulletin de l'Academie Imperiale des sciences, Volume 6, St.-Petersbourg, 1873, page 472-480

[თაყაიშვილი-5] 1 2 თაყაიშვილი ე., „ემიგრანტული ნაშრომები“, თბ., 1991

[1]

[2]

[3]

[4]

[5]