ვაშლოვანი (თეთრიწყაროს მუნიციპალიტეტი)

ვაშლოვანი
სოფელი
	ვაშლოვანი;
	; კოშკი „სალხინო“
ქვეყანა	საქართველო
მხარე	ქვემო ქართლი
მუნიციპალიტეტი	თეთრიწყაროს მუნიციპალიტეტი
თემი	ბორბალო
კოორდინატები	41°37′01″ ჩ. გ. 44°44′33″ ა. გ. / 41.61694° ჩ. გ. 44.74250° ა. გ.
ცენტრის სიმაღლე	820 მ
მოსახლეობა	770 კაცი (2014)
ეროვნული შემადგენლობა	ქართველები 99,5 %
სასაათო სარტყელი	UTC+4
სატელეფონო კოდი	+995
	ვაშლოვანი ვიკისაწყობში

სხვა მნიშვნელობებისთვის იხილეთ ვაშლოვანი.

ვაშლოვანი — სოფელი საქართველოში (შიდა ქართლის მხარე), თეთრიწყაროს მუნიციპალიტეტში (ბორბალოს ადმინისტრაციული ერთეული).^[1]

მდებარეობს თრიალეთის ქედის სამხრეთ კალთაზე, ზღვის დონიდან 820 მ სიმაღლეზე. ქალაქ თეთრიწყაროდან დაშორებულია 35 კილომეტრით.

ისტორია

ვაშლოვანი წყაროებში იხსენიება XVI საუკუნიდან. სოფელში შემონახულია ორბელიანების სასახლის ნანგრევი და საცხოვრებელი კოშკი. წარწერის თანახმად, აუშენებია რუსეთის ჯარის გენერალს, თამაზ ორბელიანს 1811 წელს (მშენებელი გიორგი ოსტატი).

სოფლის აღმოსავლეთ ნაწილში, ხევის პირას, დგას თლილი ქვით შემოსილი წინანაურის ღვთისმშობლის ერთნავიანი ეკლესია. იგი XI–XII საუკუნეებში უნდა იყოს აგებული და გვიანდელ ფეოდალურ ხანაში შეკეთებული. სოფლის ჩრდილო-დასავლეთ ნაწილში XVII–XVIII საუკუნეების ღვთისმშობლის ეკლესიაა. მის მახლობლად, სამხრეთით, წმინდა მარინეს შუა საუკუნეების პატარა ეკლესიის ნანგრევებია.