არხოტი (თეთრიწყაროს მუნიციპალიტეტი)

სოფელი
არხოტი
ქვეყანა	საქართველო
მხარე	ქვემო ქართლიქვემო ქართლის მხარე
მუნიციპალიტეტი	თეთრიწყაროს მუნიციპალიტეტი
თემი	შეხვეტილა
კოორდინატები	41°41′59″ ჩ. გ. 44°17′09″ ა. გ.
ცენტრის სიმაღლე	1230 მ
მოსახლეობა	16 კაცი (2014)
ეროვნული შემადგენლობა	ქართველები 56 % ოსები 44 %
სასაათო სარტყელი	UTC+4
სატელეფონო კოდი	+995

არხოტი — სოფელი აღმოსავლეთ საქართველოში, თეთრიწყაროს მუნიციპალიტეტში, შეხვეტილის თემში. მდებარეობს თრიალეთის ქედის სამხრეთ კალთაზე, მდინარე ალგეთის ნაპირზე, ზღვის დონიდან 1230 მ სიმაღლეზე. ქალაქ თეთრიწყაროდან დაშორებულია 59 კილომეტრით.

სოფელში პატარა ბორცვზე დგას ღვთისმშობლის ძველი ეკლესია, რომელიც XVIII–XIX საუკუნეებშია გადაკეთებული. ეკლესიის ირგვლივ დიდი სასაფლაოა. შუა სოფელში დგას სტელა, რომელზეც რელიეფურადაა გამოსახული ხელი და ორი ჯვარი. წარწერის მიხედვით იგი XIII საუკუნეს მიეკუთვნება. სოფლის მახლობლად, სამხრეთით 2 კმ-ზე, მთის ფერდობზე, ხშირ ტყეში დგას თლილი ქვით შემოსილი შუა საუკუნეთა დარბაზული ეკლესია, რომლის კედლებზე რამდენიმე მნიშვნელოვანი რელიეფური კომპოზიციაა. ინტერიერში შემონახულია ბრწყინვალედ მოჩუქურთმებული XIII საუკუნის კანკელი.

დემოგრაფია

2014 წლის აღწერის მონაცემებით სოფელში ცხოვრობს 16 ადამიანი.

აღწერის წელი	მოსახლეობა	კაცი	ქალი
2002	20	9	11
2014	16	7	9

ლიტერატურა

• ქართული საბჭოთა ენციკლოპედია, ტ. 1, თბ., 1975. — გვ. 619.
• ციციშვილი ი., მატერიალური კულტურის ძეგლები ქვემო ქართლის ისტორიულ-არქეოლოგიური ექსპედიციის მასალების მიხედვით, «ძეგლის მეგობარი», 1980, № 54.