Anything Goes — ამერიკელი კომპოზიტორის და სიმღერების ავტორის კოულ პორტერის სიმღერა ამავე სახელწოდების მიუზიკლიდან — ყველაფერი მიდის (1934). წლების მანძილზე სიმღერა მრავალმა ჯაზ მომღერალმა ჩაწერა, მათ შორის არიან: ფრენკ სინატრა, ელა ფიცჯერალდი და ტონი ბენეტი, რომელმაც სიმღერა ხელმეორედ ჩაწერა 2014 წელს დუეტში ამერიკელ პოპ მომღერალ ლედი გაგასთან.
2014 წელს ამერიკელმა ჯაზ მომღერალმა ტონი ბენეტი და ამერიკელმა პოპ მომღერალმა ლედი გაგა ჩაწერეს სიმღერის თავიანთი ვერსია ერთობლივი ჯაზის სტანდარტების ალბომისათვის Cheek to Cheek (2014). სიმღერა გამოიცა 2014 წლის 29 ივლისი როგორც ალბომის პირველი სინგლი ლეიბლზე Interscope Records და Columbia Records. მისი მოულოდნელი მსოფლიო პრემიერა შედგა შუაღამისას iTunes-ზე, გაგას და ტონის სპეციალური ჯაზ კონცერტის — Cheek to Cheek Live! დასრულების შემდგომ. იმავე დღეს გაგა და ტონი ეწვივნენ დილის გადაცემას The Today Show, სადაც მოხდა ალბომის ოფიციალურად დაანოსნება. ინტერვიუს დასრულების შემდგომ გაგას ოფიციალურ ვიდოების პლათფორმა Vevo-ს გვერდზე გამოქვეყნდა სიმღერის სტუდიური ვიდეო, სადაც ასახულია სიმღერის ჩაწერის და აგრეთვე ალბომზე მუშაობის პროცესი. ვიდეო გადაღებულია ნიუ-იორკში 2013-2014 წლებში. სიმღერამ კრიტიკოსების მხრიდან დაიმსახურა დადებითი შეფასება, განსაკუთრებით კი აღნიშნეს გაგას ვოკალი. ჩანაწერმა აშშ-ის ბილბორდის ციფრული ჯაზის სიმღერების ჩარტში დაიკავა პირველი პოზიცია.[1] სიმღერის მხარდასაჭერამ ტონიმ და გაგამ სიმღერა შეასრულეს ცოცხლად რამდენიმე სატელევიზიო შოუში და ერთობლივ მსოფლიო ტურნეზე Cheek to Cheek Tour.
