მიხეილ ვაშაძე

მიხეილ ვაშაძე
დაბადების სახელი	მიხეილ ვაშაძე
დაბადების თარიღი	14 დეკემბერი, 1908 ჭიათურა
გარდაცვალების თარიღი	30 ივნისი, 1996 (87 წლის) თბილისი
საქმიანობა	თეატრის მსახიობი, კინომსახიობი
აქტიური	1923-1993

მიხეილ ვაშაძე (დ. 14 დეკემბერი, 1908, ჭიათურა — გ. 30 ივნისი, 1996, თბილისი) — ქართველი მსახიობი, საქართველოს სსრ-ის სახალხო არტისტი (1965).

ბიოგრაფია

მიხეილ ვაშაძე დაიბადა 1908 წელს ქალაქ ჭიათურაში. 1923 წლიდან 2010 წლამდე მოღვაწეობდა აკაკი წერეთლის სახელობის ჭიათურის დრამატულ თეატრში. 1965 წელს მიენიჭა საქართველოს სსრ სახალხო არტისტის წოდება. მსახიობი 2007 წელს გახდა ჭიათურის საპატიო მოქალაქე. სპექტაკლში „ყვარყვარე თუთაბერი“, მიხეილ ვაშაძე სცენური სახის ერთ-ერთ საუკეთესო შემსრულებლად ითვლებოდა.

მის მიერ შექმნილი როლებიდან აღსანიშნავია — ოთარ ბეგი (ა. სუმბათაშვილის „ღალატი“), ჯიბო (შ. დადიანის „გუშინდელნი“), ყვარყვარე, ხარიტონი (პ. კაკაბაძის „ყვარყვარე თუთაბერი“, „კოლმეურნის ქორწინება“), დარისპანი (დ. კლდიაშვილის „დარისპანის გასაჭირი“), არსენა (ს. შანშიაშვილის „არსენა“), დურმიშხანი (დ. ჭონქაძის „სურამის ციხე“), სვიმონ ლიონიძე (დ. ერისთავის „სამშობლო“), ქვაბულიძე (აკ. წერეთლის „პატარა კახი“), არჩილ გოლეთიანი (ვ. პატარაიას „სანაპიროზე“), ერასტი (კ. ბუაჩიძის „ფაქიზი განცდები“), ბექა (გ. შატბერაშვილის „რკინის პერანგი“), არჩილ დარბაისელი (ნ. ანანიაშვილის „მესხეთის მიწაზე“), ანდრიას ელიზბსონი (შირვანზადეს „პატიოსნებისათვის“), ესტევანი (ლოპე დე ვეგას „ცხვრის წყარო“), პეტრუჩიო (უ. შექსპირის „ჭირვეულის მორჯულება“), ფედერიკო (კალდერონის „თავის თავის დარაჯი“), ნარიმან თარალაშვილი (გ. ქელბაქიანის „ჩვენი პირადი საქმე“), კარპიოზი, აპრაკუნე (ი. ვაკელის „რვალი“ და „აპრაკუნე“), ევგრაფი, ასკალონი (ქ. კანდელაკის „სარეველა“, „ერთხელ დახოცილები“), ლენსკი (ს. მიხალკოვის „კიბეები“), ვაგანოვი (კ. სიმონოვის „ამბავი ერთი სიყვარულისა“) და სხვ.

მიხეილს ვაშაძე აქტიურად მოღვაწეობდა კინოშიც. მას შესრულებული აქვს 48 კინოროლი.

ჯილდოები და აღიარება

• 1950 — საქართველოს დამსახურებული არტისტი
• 1965 — საქართველოს სახალხო არტისტი

ფილმოგრაფია

• 1958: „მამლუქი“ (ტაგუია, ხვიჩას მამა) რეჟ. დავით რონდელი
• 1967: „მალე გაზაფხული მოვა“ რეჟ. ოთარ აბესაძე
• 1968: „ტარიელ გოლუა“ (ყარამანი) რეჟ. ლევან ხოტივარი
• 1968: „განგაში“ (არჩილი) რეჟ. ნიკოლოზ სანიშვილი
• 1969: „მოლოდინი“ (ბეჟანი) რეჟისორები შოთა მანაგაძე, ნოდარ მანაგაძე
• 1970: „დიდოსტატის მარჯვენა“ (ეპისკოპოსი) რეჟისორები ვახტანგ ტაბლიაშვილი, დევი აბაშიძე
• 1971: „დაისი“ (გლეხი) რეჟ. ნიკოლოზ სანიშვილი
• 1971: „ჩაძირული ქალაქის მაძიებლები“ (ერმილე) რეჟ. დევი აბაშიძე
• 1972: „ნერგები“ (დათეშიძე) რეჟ. რეზო ჩხეიძე
• 1973: „მთვარის მოტაცება“ (ლომკაც ესვანჯია) რეჟ. თამაზ მელიავა
• 1975: „ვალსი მთაწმინდაზე“ რეჟ. ბაადურ წულაძე
• 1975: „ბორანი“ (გლეხი) რეჟ. გენო ხოჯავა
• 1978: „ყვარყვარე“ (მეწისქვილე) რეჟ. დევი აბაშიძე
• 1980: „მშობლიურო ჩემო მიწავ!“ (აბესალომ დევნოსაძე) რეჟ. რეზო ჩხეიძე
• 1982: „მარადისობის კანონი“ (გამზრდელი პაპა) რეჟ. ვალერიან კვაჭაძე
• 1987:„ლომა“ რეჟ. ბიძინა რაჭველიშვილი
• 1987: „ჩემი ბოშები“ (ლევარსო ბელერჟიანი) რეჟ. ლეილა გორდელაძე
• 1988: „ჭა“ (ექიმი) რეჟ. პავლე ჩარკვიანი
• 1988: „უცხო“ რეჟ. გოდერძი ჩოხელი
• 1988: „გამოცხადება“ რეჟ. გიორგი (გია) მატარაძე
• 1991: „მე, პელეს ნათლია!“ რეჟ. მიხეილ ჭიაურელი (უმცროსი)
• 1992: „ოქროს ობობა“ (პროფ. ტორონჯაძე) რეჟისორები: მიხეილ ანთაძე, გიორგი (გოგი) ქავთარაძე, დავით კვირცხალია
• 1993: „ექსპრეს-ინფორმაცია“ (მიტროფანე) რეჟ. ელდარ შენგელაია

რესურსები ინტერნეტში

• მიხეილ ვაშაძე — საქართველოს ბიოგრაფიული ლექსიკონი
• მიხეილ ვაშაძე საქართველოს ეროვნული კინოცენტრის მონაცემთა ბაზაში დაარქივებული 2007-10-30 საიტზე Wayback Machine.
• მიხეილ ვაშაძე კინოფილმების ინტერნეტ-მონაცემთა ბაზაში