დვირი (ბორჯომის მუნიციპალიტეტი)
| სოფელი | |||
|---|---|---|---|
|
დვირი | |||
 | |||
| ქვეყანა |
 საქართველო | ||
| მხარე | სამცხე-ჯავახეთის მხარე | ||
| მუნიციპალიტეტი | ბორჯომის მუნიციპალიტეტი | ||
| თემი | დვირი | ||
| კოორდინატები | 41°46′32″ ჩ. გ. 43°15′50″ ა. გ. / 41.77556° ჩ. გ. 43.26389° ა. გ. | ||
| პირველი ხსენება | 1595 | ||
| ცენტრის სიმაღლე | 920 მ | ||
| მოსახლეობა | 712[1] კაცი (2014) | ||
| ეროვნული შემადგენლობა | ქართველები (98,6 %) | ||
| რელიგიური შემადგენლობა | მართლმადიდებლები | ||
| სასაათო სარტყელი | UTC+4 | ||
| |||
დვირი — სოფელი ბორჯომის მუნიციპალიტეტში, თემის ცენტრი (სოფლები: ქვაბისხევი, ჩითახევი, ჭობისხევი).
მდებარეობს ბორჯომის ხეობაში. მდინარეების მტკვრისა და დვირულის შესართავთან. ზღვის დონიდან 920 მეტრი, ბორჯომიდან 18 კილომეტრი. სოფელში არის რკინიგზის სადგური ხაშური-ვალეს ხაზზე.
სოფელი იხსენიება გურჯისტანის ვილაიეთის დიდ დავთარში 1595 წელს.
სოფელ დვირს იხსენიებს ბერი ეგნატაშვილის ახალი ქართლის ცხოვრება: „ხოლო ძესა კონსტანტინესა მეფესა დავითს ეპყრა მტკვრის აქეთა ხეობა ვიდრე დვირამდე“. მეთვრამეტე საუკუნის ქართველი ისტორიკოსი და გეოგრაფი ვახუშტი ბატონიშვილი აღნიშნავს „მტკვრის ხეობა არს დვირამდეო“. ივანე ჯავახიშვილი წერს: „ქართლის საიმედო საზღვრებად სწავლულ კაცს მიჩნეული აქვს ლიჩიღოდორა, ქეფიანის ხევი, ჩხერის ციხე, დაბას ზემოთ ასე გაყოლებით მთის აქეთა ხეობა ვიდრე დვირამდე“.
სექციების სია
დემოგრაფია[რედაქტირება | წყაროს რედაქტირება]
2014 წლის აღწერის მონაცემებით სოფელში ცხოვრობს 712 ადამიანი.[1]
| აღწერის წელი | მოსახლეობა | კაცი | ქალი |
|---|---|---|---|
| 2002[2] | 937 | 456 | 481 |
| 2014[1] |  712 |
338 | 374 |
დვირის ციხე[რედაქტირება | წყაროს რედაქტირება]
მთავარი სტატია : დვირის ციხე.სოფლის მახლობლად, სამხრეთ-დასავლეთით მთის კალთაზე ციხის ნანგრევებია. თავდაპირველი სამშენებლო ფენის მიხედვით იგი XIII-XIV საუკუნეებს მიეკუთვნება. ჩანს გვიანდელი გადაკეთების კვალიც. ციხეს რთული გეგმა ჰქონია და ადგილობრივი კლდის ქვით ყოფილა ნაგები. იგი იცავდა ისტორიული თორიდან სოფელზე გამავალ გზას.
იხილეთ აგრეთვე[რედაქტირება | წყაროს რედაქტირება]
ლიტერატურა[რედაქტირება | წყაროს რედაქტირება]
- პ. ზაქარაია, ქართული საბჭოთა ენციკლოპედია, ტ. 3, გვ. 492, თბ., 1978 წელი.
სქოლიო[რედაქტირება | წყაროს რედაქტირება]
- ↑ 1.0 1.1 1.2 მოსახლეობის საყოველთაო აღწერა 2014. საქართველოს სტატისტიკის ეროვნული სამსახური (ნოემბერი 2014). წაკითხვის თარიღი: 26 აგვისტო 2016.
- ↑ საქართველოს მოსახლეობის 2002 წლის პირველი ეროვნული საყოველთაო აღწერის ძირითადი შედეგები
| |||||||||||||
