შინაარსზე გადასვლა

დანიის რეგიონები

მასალა ვიკიპედიიდან — თავისუფალი ენციკლოპედია

დანიის რეგიონები (დან. regioner) ― ადმინისტრაციული დანაყოფები დანიაში. დანია უნიტარული სახელმწიფოა, თუმცა მასში შედის განსაკუთრებული ფართო ავტონომიის მქონე გრენლანდია და ფარერის კუნძულები.

დანიის რეგიონები, როგორც შუალედური რგოლი მუნიციპალიტეტებსა და ცენტრალურ მთავრობას შორის შეიქმნა 2007 წლის დანიის მუნიციპალური რეფორმის შემდეგ, როდესაც გაუქმდა 13 ამტი და შემცირდა მუნიციპალიტეტების რიცხვი 270-დან 98-მდე.

რეგიონის საბჭო აირჩევა პირდაპირი წესით, პროპორციული საარჩევნო სისტემით 4 წლის ვადით. ის საკუთარი შემადგენლობიდან ირჩევს აღმასრულებელ კომიტეტს და თავმჯდომარეს. რეგიონებს არ აქვს გადასახაების დადგენის უფლება, მაგრამ ფინანსდებიან მუნიციპალიტეტების და სახელმწიფოს მიერ. რეგიონის უფლებამოსილებებშია ჯანმრთელობის დაცვა, საავადმყოფოები, ჯანმრთელობის დაზღვევა, სოციალური მომსახურება, ბიზნესის განვითარება, ტურიზმი, გარემოს დაცვა, დასაქმება, კულტურა, ტრანსპორტი.

მშობლიური სახელი სახელი ქართულად ადმინისტრაციული ცენტრი უდიდესი ქალაქი მოსახლეობა
(2022)
ფართობი (კმ²) სიმჭიდროვე
(კაცი კმ²)
აგი
(2022)
Region Hovedstaden დედაქალაქის რეგიონი ჰილერედი კოპენჰაგენი 1 867 968 2546 734 0,970
Region Midtjylland ცენტრალური იუტლანდიის რეგიონი ვიბორგი ორჰუსი 1 341 857 13000 103 0,948
Region Nordjylland ჩრდილოეთ იუტლანდიის რეგიონი ოლბორგი ოლბორგი 591 740 7874 75 0,931
Region Sjælland ზელანდიის რეგიონი სორე როსკილე 843 513 7217 117 0,918
Region Syddanmark სამხრეთ დანიის რეგიონი ვაილე ოდენსე 1 228 362 12,191 101 0,937
მთელი ქვეყნის მასშტაბით 5 873 420 42 894 137 0,952

რესურსები ინტერნეტში

[რედაქტირება | წყაროს რედაქტირება]