საქართველოს ფეხბურთის ფედერაცია
| უეფა | |
|---|---|
 | |
| დაარსდა | 15 თებერვალი, 1990 |
| ფიფა-ში გაწევრიანდა | 3 ივლისი, 1992 |
| უეფა-ში გაწევრიანდა | 1992 |
| პრეზიდენტი | ლევან კობიაშვილი |
საქართველოს ფეხბურთის ფედერაცია — ფეხბურთის ხელმძღვანელი ორგანიზაცია საქართველოში, რომელიც დამოუკიდებლად და სრულად წარმართავს საფეხბურთო საქმიანობას და რომლის იურისდიქციაც ვრცელდება ქვეყნის მთელ ტერიტორიაზე. საქართველოს ფეხბურთის ფედერაცია არის ერთადერთი ხელმძღვანელი ორგანიზაცია, რომელიც წარმოადგენს ქართულ ფეხბურთს, როგორც ქვეყნის შიგნით, ისე მის ფარგლებს გარეთ. საქართველოს ფეხბურთის ფედერაციის საქმიანობის ძირითად მიზანს წარმოადგენს საქართველოს ტერიტორიაზე ფეხბურთის თამაშისა და საფეხბურთო საქმიანობის მუდმივად განვითარება, ხელშეწყობა, რეგულირება და კონტროლი; ფეხბურთში ეროვნულ დონეზე ყველა რანგისა და ფორმის შეჯიბრებათა ორგანიზება; საფეხბურთო ინსტუქციებისა და დებულებების შედგენა და მათი მოქმედების უზრუნველყოფა; საქართველოს ტერიტორიაზე გამართული ყველა ოფიციალური და ამხანაგური საფეხბურთო მატჩების კონტროლი და ზედამხედველობა; ფეხბურთთან დაკავშირებული საერთაშორისო სპორტული ურთიერთობების ხელმძღვანელობა; საერთაშორისო საფეხბურთო ტურნირების მასპინძლობა; საქართველოს საფეხბურთო ნაკრები გუნდების ფორმირება და მომზადება; საქართველოს საფეხბურთო ჩემპიონატის, თასის გათამაშების, ბავშვთა ლიგის და საქართველოს ფეხბურთის ფედერაციის ეგიდით ჩატარებულ ყველა ოფიციალურ და ამხანაგურ მატჩში კვალიფიციური მსაჯობის და ინსპექტირების უზრუნველყოფა. ფიფა-ს, უეფა-ს და საქართველოს ფეხბურთის ფედერაციის წესდებების, ინსტრუქციების, მითითებების და გადაწყვეტილებების, ასევე თამაშის წესების დაცვის უზრუნველყოფა.
ისტორია
[რედაქტირება | წყაროს რედაქტირება]დაარსდა 1990 წლის 15 თებერვალს. საქართველო იყო პირველი, რომელმაც დატოვა საბჭოთა კავშირის ფეხბურთის ფედერაცია და დამოუკიდებლობა გამოაცხადა.
საბჭოთა კავშირის მოკავშირე რესპუბლიკებს შორის საქართველოს სსრ იყო პირველი, რომელმაც დამოუკიდებლობის გზა აირჩია. 1992 წლის 25 თებერვალს ფიფამ საქართველოს ფეხბურთის ფედერაცია დროებით წევრად მიიღო, ხოლო 3 ივლისს, ციურიხში გამართულ კონგრესზე სრულუფლებიან წევრად აღიარა.
1990 წლიდან საქართველოს ფეხბურთის ფედერაცია ქვეყნის ეროვნული ჩემპიონატისა და თასის გათამაშებას ატარებს. 1990 წლის 30 მარტს იმართება საქართველოს ეროვნული ჩემპიონატის პირველი ოფიციალური შეხვედრა. ამ ისტორიული მატჩის მონაწილენი იყვნენ თბილისის „იბერია“ და ფოთის „კოლხეთი-1913“. მატჩი, რომელსაც უამრავი გულშემატკივარი დაესწრო, დინამო არენაზე გაიმართა და ფოთელთა გამარჯვებით (1–0) დასრულდა. თბილისელთა არასახარბიელო სტარტის მიუხედავად მათ წარმატებით იასპარეზეს პირველ ეროვნულ ჩემპიონატში, სადაც 34 შეხვედრიდან მხოლოდ 4 მატჩი დათმეს და 78 ქულით საქართველოს ჩემპიონის ტიტულის პირველი მფლობელები გახდნენ.
1993 წლიდან ქართული კლუბები ევროპის საკლუბო ტურნირებში მონაწილეობენ, 1994 წლიდან კი საქართველოს ეროვნული და სხვადასხვა ასაკობრივი ნაკრებები ევროპის და მსოფლიო ჩემპიონატების შესარჩევ ეტაპებზე გამოდიან.
საქართველოს ფეხბურთის ფედერაციის პირველი პრეზიდენტი სფფ-ის დაარსების დღიდან, 1990 წლის 15 თებერვლიდან იყო ნოდარ ახალკაცი, რომელიც ორჯერ აირჩიეს და გარდაცვალებამდე, 1998 წლის 24 იანვრის ჩათვლით ხელმძღვანელობდა ორგანიზაციას. საქართველოს ფეხბურთის ფედერაციის მეორე პრეზიდენტი იყო მერაბ ჟორდანია, რომელიც ასევე ორჯერ აირჩიეს. 2005 წლის 11 ივნისიდან 2007 წლის 13 მაისამდე თანამდებობა ნოდარ ახალკაცს (უმცროსი) ეკავა. 2007 წლის 13 მაისს საქართველოს ფეხბურთის ფედერაციის პრეზიდენტად აირჩიეს გიორგი ნემსაძე, რომელმაც 1 დღეში სკანდალურად დატოვა თანამდებობა და კვლავ ნოდარ ახალკაცი (უმცროსი) აირჩიეს თანამდებობაზე, რომელსაც ეს თანამდებობა ამჯერად 2009 წლის 17 სექტემბრამდე ეკავა. მან პოსტი ეროვნულ ნაკრების მიერ შესარჩევ ციკლში ნაჩვენები არასახარბიელო შედეგების გამო დატოვა[1]. 2009 წლის 1 ოქტომბრიდან 2015 წლის 7 სექტემბრამდე[2] ფედერაციის პრეზიდენტი იყო ზვიად სიჭინავა, გენერალური მდივანი რევაზ არველაძე. 2015 წლის 3 ოქტომბერს პრეზიდენტად აირჩიეს ლევან კობიაშვილი.[3]13 ოქტომბრიდან გენერალური მდივნის თანამდებობა დავით მუჯირმა დაიკავა, რომელიც ფეხბურთის ფედერაციის პრეზიდენტმა აღმასრულებელ კომიტეტს წარუდგინა. მანამდე, გენერალური მდივნის პოსტს დიმიტრი ბოკერია ბოლო ერთი თვის განმავლობაში იკავებდა.
საქართველოს ფეხბურთის ფედერაციის პრეზიდენტები
[რედაქტირება | წყაროს რედაქტირება]| № | პორტრეტი | პრეზიდენტი | მმართველობის თარიღი |
|---|---|---|---|
| 1 |  |
ნოდარ ახალკაცი | 15 თებერვალი, 1990 – 17 სექტემბერი, 1994 |
|
ნოდარ ახალკაცი (მეორეჯერ) | 17 სექტემბერი, 1994 – 24 იანვარი, 1998 | |
| 2 |  |
მერაბ ჟორდანია | 25 იანვარი, 1998 – 24 აგვისტო, 2002 |
| მერაბ ჟორდანია (მეორეჯერ) | 24 აგვისტო, 2002 – 11 ივნისი, 2005 | ||
| 3 | ნოდარ ახალკაცი (უმცროსი) | 11 ივნისი, 2005 – 13 მაისი, 2007 | |
| 4 |  |
გიორგი ნემსაძე | 13 მაისი, 2007 – 14 მაისი, 2007 |
| ნოდარ ახალკაცი (უმცროსი) (მეორეჯერ) | 17 მაისი, 2007 – 17 სექტემბერი, 2009 | ||
 |
რევაზ არველაძე (მოვალეობის შემსრულებელი) |
17 სექტემბერი, 2009 – 1 ოქტომბერი, 2009 | |
| 5 |  |
ზვიად სიჭინავა | 1 ოქტომბერი, 2009 – 7 სექტემბერი, 2015 |
| ალექსანდრე ჩივაძე (მოვალეობის შემსრულებელი) |
7 სექტემბერი, 2015 – 3 ოქტომბერი, 2015 | ||
| 6 | ლევან კობიაშვილი | 3 ოქტომბერი, 2015 – 15 თებერვალი, 2019 | |
| ლევან კობიაშვილი (მეორეჯერ) | 15 თებერვალი, 2019 – დღემდე |
რესურსები ინტერნეტში
[რედაქტირება | წყაროს რედაქტირება]სქოლიო
[რედაქტირება | წყაროს რედაქტირება]
| ||||||||||||||||||||||||||||||||||||||||||
