ძევრი

სოფელი
ძევრი
ქვეყანა	საქართველო
მხარე	იმერეთის მხარეიმერეთის მხარე
მუნიციპალიტეტი	თერჯოლის მუნიციპალიტეტი
თემი	ძევრი
კოორდინატები	42°14′37″ ჩ. გ. 42°56′48″ ა. გ.
პირველი ხსენება	XVII საუკუნე
ცენტრის სიმაღლე	250 მ
მოსახლეობა	590 კაცი (2014)
ეროვნული შემადგენლობა	ქართველები 98,3 %
სასაათო სარტყელი	UTC+4
სატელეფონო კოდი	+995

ძევრი — სოფელი საქართველოში, იმერეთის მხარის თერჯოლის მუნიციპალიტეტში. თემის ცენტრი (სოფლები: ძევრი, ოქონა, სეფარეთი). სოფელში არის შეზღუდული შესაძლებლობების მქონე პირთა პანსიონატი, ორი ვეტერინარული პუნქტი, ბენზინგასამართი სადგური, საჯარო სკოლა.

მდებარეობა

მდებარეობს მდინარე ძევრულას ნაპირებზე, ზღვის დონიდან 250 მეტრზე. სოფელში გადის თერჯოლა-ტყიბულის საავტომობილო გზა.

არქეოლოგია

სოფლის მიდამოებში, მდინარე შავიწყლის ხეობაში ზღვის დონიდან 220 მ სიმაღლეზე მდებარეობს კარსტრული მღვიმე და არქეოლოგიური ძეგლი — საგვარჯილე. საგვარჯილე მრავალფენიანი არქეოლოგიური ძეგლია, ის გაითხარა 1951-1952 წლებში. აღმოჩენილი მასალა დაცულია სახელმწიფო მუზეუმში.

გუდიელის კოშკი და ეკლესია

სოფელში შემორჩენილია შუა საუკუნეების გუდიელის კოშკი და ეკლესია, რომლებიც აღწერა დიუბუა დე მონპერემ. ნაგებობები მიეკუთვნებოდა თავადთა საგვარეულოს. ტაძრის მთავარ კარზე ხუცურით შესრულებული იყო ვრცელი წარწერა. ფასადი მორთული იყო რელიეფებით, ორი ერთმანეთთან მებრძოლი მხედარი, დიდი ლომი, რომელიც თავს ესხმის შველს. რელიეფებით შემკული იყო ასევე კანკელი.

დემოგრაფია

2014 წლის აღწერის მონაცემებით სოფელში ცხოვრობს 590 ადამიანი.

აღწერის წელი	მოსახლეობა	კაცი	ქალი
2002	1321	633	688
2014	590	310	280

ლიტერატურა

• ქართული საბჭოთა ენციკლოპედია, ტ. 11, თბ., 1987. — გვ. 267.