ზედა საზანო

სოფელი
საზანო
ქვეყანა	საქართველო
მხარე	იმერეთის მხარეიმერეთის მხარე
მუნიციპალიტეტი	თერჯოლის მუნიციპალიტეტი
თემი	ზედა საზანო
კოორდინატები	42°12′59″ ჩ. გ. 43°03′47″ ა. გ.
ოფიციალური ენა	ქართული ენა
მოსახლეობა	1260 კაცი (2014)
ეროვნული შემადგენლობა	ქართველები 99,6 %
სასაათო სარტყელი	UTC+4
სატელეფონო კოდი	+995

ზედა საზანო — სოფელი საქართველოში, თერჯოლის მუნიციპალიტეტში (იმერეთის მხარე), ზედა საზანოს ადმინისტრაციული ერთეული ცენტრი (სოფლები: ზედა საზანო, დელტასუბანი, მუჯირეთი, სკანდე, შიმშილაქედი, ჩიხორი).

მდებარეობს მდინარე ძუსის (ჩოლაბურის მდგენელი) ხეობაში, ზღვის დონიდან 320 მ-ზე, თერჯოლიდან 12 კმ-ში.

ისტორია

სოფლის ტერიტორია ნაწილი იყო ჭალატყის ნაქალაქარისა, რომელშიც შედიოდნენ ზესტაფონის მუნიციპალიტეტის სოფლები ჭალატყე, ზოვრეთი, ქვედა საზანო, ტყლაპივაკე, შიმშილაქედი და ამჟამინდელი თერჯოლის მუნიციპალიტეტის სოფელი შიმშილაქედი. ლეგენდებში ნაქალაქარი „ბალიასტომად“ მოიხსენიება. სოფლის სასაფლაოზე დგას XIX საუკუნის ღვთისმშობლის მიძინების სახელობის დიდი ზომის დარბაზული ეკლესია.

დემოგრაფია

2014 წლის აღწერის მონაცემებით სოფელში ცხოვრობს 1 260 ადამიანი.

აღწერის წელი	მოსახლეობა	კაცი	ქალი
2002	1 668	824	844
2014	1 260	631	629

ლიტერატურა

• ქართული საბჭოთა ენციკლოპედია, ტ. 8, თბ., 1984. — გვ. 644.

• ენციკლოპედია „საქართველო“, ტ. 3, თბ., 2014. — გვ. 334.

რესურსები ინტერნეტში

•  კულტურული მემკვიდრეობის პორტალი, № 9270