ქ, ⴕ, Ⴕ, Ქ[1] (ქანი) — ქართული ანბანის ოცდამეორე ასო (ძველ ქართულში ოცდამეხუთე იყო). შეესაბამება უკანასასისმიერ ყრუ ფშვინვიერ თანხმოვანს. ძველ ქართულ სათვალავში აღნიშნავდა რიცხვ ექვსასს (600).
ქ-ს მოხაზულობა ასომთავრულში ურთიერთპერპენდიკულარული ხაზების კომბინაციაა, რომელსაც კვადრატის ნახევარი უკავია. ქ ნუსხურში კუთხოვანი ფორმისაა და მარჯვნივ გადახრილი. მხედრულში მისი ასწვრივი ხაზი ქვემოთ მომრგვალებულია. ნუსხურსა და მხედრულში იგი ოთხ ხაზში იწერება.