რ, ⴐ, Ⴐ, Რ[1] (რაე) — ქართული ანბანის მეჩვიდმეტე ასო (ძველ ქართულში მეცხრამეტე იყო). შეესაბამება წინანუნისმიერ ნარნარა მჟღერ თანხმოვანს. ძველ ქართულ სათვალავში აღნიშნავდა რიცხვ ასს (100).
რ-ს მოხაზულობა ასომთავრულში ხაზისა და რკალების კომბინაციაა, რომელიც კვადრატულ არეს იკავებს. რ ნუსხურში კუთხოვანი ფორმისაა და მარჯვნივ გადახრილი. მხედრულში იგი მომრგვალებული კონტურის მქონეა. ნუსხურსა და მხედრულში რ ზედა სამ ხაზში იწერება.